Dibadika 27:18 - MUKANDA WA MYIDI MUKULU

¹⁸ Maweja-Nangila kuandamuna Moshe ne: — Yoshuwa, muana wa Nune, mmukumbane, bualu udi ne Mueyelu wanyi munda muende. Umubikidishe, umutenteke bianza.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yehowa wakambila Mose ne, Wangate Yoshua, muana mulume wa Nuna, udi ne Nyuma munda muandi, utentekashe tshianza tshiebe ha mutu nʼandi,

Dibadika 27:18 ပူးပေါင်းရင်းမြစ်များ

Genese 41:38

Mukalenga kuambila balombodi ne: — Muntu ewu udi muwule ne Mueyelu wa Mvidi Mukulu. Katuena mua kupeta muntu mukuabu udi mupite Yozefe to.

1 Kulondolola 7:27

Nune ne Yoshuwa.

Ekesode 17:9

Moshe kuambila Yoshuwa ne: — Sungula bantu ba bukole. Nuye kuluangana ne bena Amaleke. Kadi meme malaba nengimane pa katongobela ka mukuna, mukuate dikombu dia Mvidi Mukulu mu bianza.

Danyele 5:14

Mvua mumvue lumu luebe, bamba ne: Wewe udi ne mueyelu wa mvidie, udi udianza kumona malu ne lungenyi ne meji a pa buawu.

Dibadika 11:17

Meme nempueke muaba awu bua kuyukila nebe. Bukole bua Mueyelu wanyi buudi nabu, nembuabanyine kabidi bakulu abu tshitupa. Nanku kuakuikala nkayebe ne mudimu wa kulama bantu. Bakulu abu nebakuambuluishe.

Dibadika 13:16

Bantu aba, ke bavua Moshe mutume bua kutentekela ditunga dia Kenaane. Nanku, Moshe kuinyika Osheya, muana wa Nune, dina dia Yoshuwa.

Dibadika 13:8

Osheya, muana wa Nune, wa mu tshisamba tshia Efrayime.

Dibadika 27:23

Kutentekaye Yoshuwa bianza, bua ikale mupinganyi wende, bu muvua Maweja-Nangila mumuambile.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Bienzedi 13:3

Bena ditaba kujila kabidi biakudia matuku makuabu, kutendelela Mvidi Mukulu. Pashishe kutentekabu Barnabase ne Shawule bianza, kubatuma ku mudimu wabu awu.

Bienzedi 19:6

Polu kubatenteka bianza. Mueyelu wa Tshijila kubatulukila. Kutuadijabu kuakula miakulu ivuabu kabayi bamanye, bambila bantu malu avua Mvidi Mukulu mubamanyishe.

Bienzedi 6:3

Nenku bana betu, sungulayi munkatshi muenu bantu ba lumu luimpe muanda mutekete, badi buwule ne Mueyelu wa Tshijila, kabidi ne meji. Netubateke ku mudimu ewu.

Bienzedi 6:6

Pashishe kubalejabu kudi bapostolu. Abu kutendelela Mvidi Mukulu, kubatenteka bianza.

Dielulula 1:37

Bua bubi buenu ebu, Maweja-Nangila mmumfikile kabidi ne meme munda, unkandika ne: “Nansha wewe mene Moshe kuena ufika mu ditunga dia Kenaane to.

Dielulula 3:21

Meme kuambila Yoshuwa ne: “Wewe nkayebe uvua mudimuene muvua Maweja-Nangila Mvidi Mukulu wenu mutshimune bakalenga babidi ba bena Amore. Ke muatshimunaye kabidi bakalenga bonsu banudi nusangana dishiya dia musulu wa Yardene.

Dielulula 3:28

Ulongeshe Yoshuwa malu onsu. Umukoleshe ku muoyi, ashindike muoyi wa munda. Bualu yeye nealombole bena Izrayele, bua kusabukabu musulu wa Yardene, too ne muafikabu mu ditunga diudi umona edi.”

Dielulula 31:14

Maweja-Nangila kuambila Moshe ne: — Ukadi pa kufua. Bikila Yoshuwa. Nufike nende kumpala kua ntenta wa kusambakena, bua mmumanyishe mikenji yanyi. Moshe ne Yoshuwa kuya ku ntenta wa kusambakena.

Dielulula 31:23

Pashishe Maweja-Nangila kukolesha Yoshuwa, muana wa Nune, ku muoyi, umuambila ne: “Kutshinyi, kuzakadi. Wewe neufikishe bena Izrayele mu ditunga dia Kenaane dimvua mubalaye. Meme nengikale nebe.”

Dielulula 31:3

Maweja-Nangila Mvidi Mukulu wenu nkayende, neende kumpala kuenu. Neabutule bonsu badi base dishiya dia Yardene, bua nukuate ditunga adi. Yoshuwa neikale mfumuenu, bu muvua Maweja-Nangila mumane kuamba.

Dielulula 34:9

Yoshuwa, muana wa Nune, uvua muntu wa meji a bungi. Bualu Moshe uvua mumane kumujidila, mumutenteke bianza. Biangatshile diba adi, bena Izrayele bonsu kutuadija kuitaba bionsu bivua Yoshuwa ubambila. Kukumbajabu mikenji yonsu ivua Maweja-Nangila mubatumine kudi Moshe.

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

1 Timote 5:22

Kutenteki muntu bianza lukasalukasa bua kumupesha muanzu mu Tshisumbu tshia bena ditaba. Kubuelakanyi mu mibi idi bantu bakuabu benza. Wewe kabidi kuenji bibi.

Ebrewu 6:2

muvuabu balongeshe mishindu mishilangane ya kutua bantu mu mayi, ne mishindu idibu batenteke bianza, muvuabu banumanyishe dibika dia bafue ne tshilumbuluilu tshia tshiendelele.

Yoshua 1:17

Netutumikile diyi diebe menemene, bu mutuvua tutumikila dia Moshe. Maweja-Nangila Mvidi Mukulu webe neikale nebe bulelela, bu muvuaye ne Moshe.

Balombodi 11:29

Mueyelu wa Maweja-Nangila kutulukila Yefete. Kuendakanaye mu buloba bua Ngilaade ne bua Menashe. Kupitshilaye ku Mispa mu Ngilaade, bua kufika mu buloba bua bena Amone.

Balombodi 3:10

Mueyelu wa Maweja-Nangila kutulukila Otniyele. Kushalaye mulombodi wa bena Izrayele. Kuyaye kuluangana mvita. Maweja-Nangila kumupesha bukole bua kutshimunaye mukalenga Kushane-Rishatayime.

1 Samuele 16:18

Muena mudimu mukuabu kuamba ne: — Ndi mumanye muntu, muana wa Ishayi, muena mu Betleyeme. Udi mumanye mua kuimba lunkombe bimpe. Udi kabidi muntu wa mushinga mukole, mumanye mvita, mumanye mua kuakula ne meji. Udi ne mpala muimpe mutambe. Kabidi Maweja-Nangila udi nende.