Dibadika 27:14 - MUKANDA WA MYIDI MUKULU

¹⁴ Bualu nuenu nuvua babenge diyi dianyi mu tshipela tshia Tsine, pavua bena Izrayele bantombokela. Mvua mukutume bua kupatula mayi mu lubuebue, pavuabu baalomba, bua bonsu bamone mundi wa tshijila. Kadi nuenu kubenga. Mayi aa ke mayi a Meriba, mmumue ne mayi a matandu, a mu Kadeshe, mu tshipela tshia Tsine.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ bualu bua nuenu nuakahidia dî dianyi mu tshihela tshia Sina, hakatontolola bantu bualu bua mai, kanuakanjidila ku mesu kuabo. (Au mmai a Meliba mu Kadesha mu tshihela tshia Sina.)

Dibadika 27:14 ပူးပေါင်းရင်းမြစ်များ

Ekesode 17:7

Bantu kuinyika muaba awu dina ne: Massa (mmumue ne: Diteta) ne Meriba (mmumue ne: Matandu), bualu bena Izrayele bavua batandisha Moshe. Kabidi bavua bateta Maweja-Nangila, badikonka ne: “Maweja-Nangila udi munkatshi muetu anyi kenamu?”

Dibadika 13:21

Nanku, batentekedi abu kumuka mu tshipela tshia Tsine, kuya kutentekela ditunga dia Kenaane, too ne ku Rekobe, pabuipi ne Lebo-Amate.

Dibadika 20:1

Mu ngondu wa kumpala, bena Izrayele bonsu kufika mu tshipela tshia Tsine, kusomba mu Kadeshe. Miriyame kufuila muaba awu. Kumujikabu muine amu.

Dibadika 20:24

— Arone kakufika mu ditunga dingapesha bena Izrayele nansha. Neafuile muaba ewu, bualu nuvua bantombokele ku mayi a Meriba.

Dibadika 20:5

Nuvua batumushe mu Ejipitu bua tshinyi? Amu bua kutufikisha muaba ewu wa dikenga! Muaba ewu katuena mua kudima, kawena mitshi ya mfiku, nansha ya mvinyo, nansha ya grenade. Tuapangi ne mayi mene a kunua!

Dibadika 27:15

Moshe kuambila Maweja-Nangila ne:

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Dielulula 1:37

Bua bubi buenu ebu, Maweja-Nangila mmumfikile kabidi ne meme munda, unkandika ne: “Nansha wewe mene Moshe kuena ufika mu ditunga dia Kenaane to.

Dielulula 4:22

Nanku meme nemfuile mu ditunga ditudi edi. Tshiakusabuka musulu wa Yardene to. Anu nuenu nenusabuke musulu ewu, bua kukuata ditunga dimpe, didi dishiya dia musulu ewu.