Dibadika 26:55 - MUKANDA WA MYIDI MUKULU

⁵⁵ Kadi, nansha biobi bikale nanku, utshinke bua kujadika muaba udi tshisamba tshionsu mua kupeta.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁵ Kadi nebabanye buloba anu ku nshobo, bobo nebahiane buloba ku mena a bisamba bia batatuʼabo.

Dibadika 26:55 ပူးပေါင်းရင်းမြစ်များ

Nsumuinu 16:33

Bantu badi batshinka bidi mua kuenzeka, kadi Maweja-Nangila ke udi ushindika bualu muende mudiye musue.

Nsumuinu 18:18

Padibu batshinka, baneme babidi badi ku tshilumbu, badi mua kumvuangana, kulekela matandu.

Yezekiyele 47:22

Nutshinke tshitupa tshionsu, nutshiabanyangane munkatshi muenu. Nuvuluke benyi badi munkatshi muenu, bakadi bamane kulelela bana mu ditunga. Bantu aba badi amu bu bena Izrayele. Mubenzele bionsu bidibu ne bua kuenzela bena Izrayele. Nanku, nebapete yabu miaba, munkatshi mua bisamba bia bena Izrayele.

Dibadika 26:56

Neutshinke amu kutshinka bua kumanya muaba udi tshisamba tshinene nansha tshikese mua kupeta.

Dibadika 33:54

Bua nuenu kuabanyangana ditunga edi, nutshinke muaba udibu mua kuasa kudi bisamba bienu ne meku enu. Diku dionsu, nedipete muaba, bilondeshile bungi ba bantu badimu. Bantu banyishe muaba udibu babapesha, bilondeshile munuikala batshinke.

Dibadika 34:13

Moshe kuambila bena Izrayele mikenji eyi. Pashishe kubambilaye kabidi ne: — Ditunga edi ke didi Maweja-Nangila muambe bua tutshinke, tuabanyine bisamba tshitema bia bena Izrayele, ne tshitupa tshia tshisamba tshia bena Menashe.

Dibadika 36:2

Kubambilabu ne: — Maweja-Nangila uvua muambile Moshe bua atshinke ditunga dia Kenaane, adiabanyine bisamba bionsu bia bena Izrayele. Uvua mumuambile kabidi bua buloba bua muanetu Selofade, babupiane kudi bana bende ba bakaji.

Bienzedi 1:26

Kutshinkabu bua kupeta muntu umue ku babidi aba. Kupetabu Matiyase. Kumusakidilabu ku bapostolu dikumi ne umue.

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Yoshua 11:23

Yoshuwa kukuata ditunga dijima mu mvita, muvua Maweja-Nangila muambile Moshe. Yoshuwa kuabanyina bena Izrayele ditunga adi, bilondeshile bisamba biabu. Ke bena Izrayele kuanji kuikisha bua dipungi dia mvita.

Yoshua 14:2

Bu muvua Maweja-Nangila muambile Moshe, bavua batshinka bua kumanya maloba avuabu mua kupesha bisamba bia bena Izrayele tshitema, ne tshia bibidi tshia tshisamba tshia Menashe, bivua kabiyi bianji kupeta maloba.

Yoshua 17:14

Ndelanganyi ya Yozefe kukonka Yoshuwa ne: — Maweja-Nangila mmumane kutuela lupemba bua tuvulangane. Kadi udi utuabanyina tshitupa tshia ditunga amu tshimue bua tshinyi?

Yoshua 18:6

Kadi nujadike bimpe mushindu udi bitupa bikuabu muana mutekete bia buloba abu. Nupingane bua kungambila bionsu binuikala bamone. Kadi muaba udi Maweja-Nangila Mvidi Mukulu wetu ke undi meme mua kutshinkila bua kumanya tshitupa tshia buloba tshidibu mua kuangata kudi tshionsu tshia ku bisamba bienu.

Yoshua 19:1

Buloba buibidi buvua Yoshuwa mutshinke, uvua mubupeshe bena tshisamba tshia Shimeyone, bilondeshile muvua meku abu. Buloba ebu bavua babunyungulukila kudi buloba bua tshisamba tshia Yuda.

Yoshua 19:10

Buloba buisatu buvua Yoshuwa mutshinke, uvua mubuabanyine tshisamba tshia bena Zebulone, bilondeshile muvua meku abu. Buloba buabu abu buvua mu tshitupa tshia kuinshi tshia ditunga too ne ku Saride.

Yoshua 19:17

Buloba buinayi buvua Yoshuwa mutshinke, uvua mubupeshe bena tshisamba tshia Isakare, bilondeshile muvua meku abu.

Yoshua 19:24

Buloba buitanu buvua Yoshuwa mutshinke, uvua mubupeshe bena tshisamba tshia Ashere, bilondeshile meku abu.

Yoshua 19:32

Buloba basambombu buvua Yoshuwa mutshinke, uvua mubupeshe bena tshisamba tshia Naftali, bilondeshile muvua meku abu.

Yoshua 19:40

Buloba bua muanda mutekete buvua Yoshuwa mutshinke, uvua mubupeshe bena tshisamba tshia Dane, bilondeshile muvua meku abu.