Dibadika 25:4 - MUKANDA WA MYIDI MUKULU

⁴ Kuambilaye Moshe ne: — Owe kumpala kuanyi bamfumu ba bena Izrayele bonsu, batangile diba, bua kujikija tshiiji tshianyi. Bualu mvua munufikile munda.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa wakambila Mose ne, Angata bakelenge bonso ba bantu, ubowe ku mpala kua Yehowa mu munya, nunku tshiji tshikole tshia Yehowa tshiumuke kudi Bena Isalele.

Dibadika 25:4 ပူးပေါင်းရင်းမြစ်များ

2 Samuele 21:6

Nanku batupeshe bantu balume muanda mutekete ba ku ndelanganyi ya Shawule. Netubowe kumpala kua Maweja-Nangila ku Ngibeya, mu tshimenga tshivuabu basombe kudi Shawule, mukalenga uvua Maweja-Nangila musungule. Mukalenga Davide kuitaba ne: — Eyowa, ndi nnupesha.

2 Samuele 21:9

Mukalenga Davide kufila bana abu kudi bena Ngibone. Bena Ngibone kuya ne bana abu pa kakuna, kubowa kumpala kua Maweja-Nangila. Bana abu kufua bonsu muanda mutekete musangu umue. Bavua babashipe mu matuku a kumpala menemene avuabu batuadija kunowa ntete ya orje.

Misambu 106:29

Kufikishabu Maweja-Nangila tshiji, tshipupu kubuela munkatshi muabu.

Ekesode 18:25

Kusungulaye bantu bashindame munkatshi mua bena Izrayele. Kubatekaye bakulu badi ku mutu kua bantu tshinunu, lukama, makumi atanu too ne ku kua bantu dikumi.

Yona 3:9

Bumue Mvidi Mukulu udi mua kushintulula meji ende, kutuyisha tshiji tshiende tshinene, tushale ne muoyi.”

Dibadika 25:11

— Tshiiji tshianyi tshiajiki. Mutuangaji Pinhase, muana wa Elazare, muikale kabidi muikulu wa Arone, mmumane kunyoka bena Izrayele ne tshiiji, mumvua mua kuenza meme. Tshianana, mvua mua kubabutula, bualu meme nkayanyi ndi Mvidi Mukulu wabu.

Dibadika 25:18

Bavua banuenzela bibi ne muoyi wa lukinu, mu tshilumbu tshia ku Peyore ne mu tshia Kozbi, muana wa mfumu wa bena Madiyane, ufuile mu tshipupu tshivua tshienzeka bua ditendelela dia mvidie wa ku Peyore.

Dielulula 13:11

Muena tshibawu awu, bamushipe anu ne mabue. Bualu uvua musue kumusha muntu mukuabu kudi Maweja-Nangila Mvidi Mukulu wenu, uvua munupatula ku bupika mu Ejipitu.

Dielulula 13:13

Dituku dikuabu, nudi mua kumvua ne: mu tshimue tshia ku bimenga, bidi Maweja-Nangila Mvidi Mukulu wenu munupe bua kusomba,

Dielulula 13:15

Diba adi, nuebejangane, nulondakajangane bimpe bua kujadika ne: bualu ebu mbulelela anyi? Nuenu bajadika menemene ne: mbenze nanku,

Dielulula 13:17

Nukungule bubanji buonsu bua mu tshimenga atshi muaba umue, muaba udi bantu bambilangane malu. Nubioshe musangu umue ne tshimenga atshi, bua bikale bu mulambu wa kuoshila Maweja-Nangila Mvidi Mukulu wenu. Tshimenga atshi nutshiupule bua kashidi, kabayi mua kutshiasulula kabidi to.

Dielulula 21:22

Pikala muntu muenze bualu bubi, nuenu bamufundile tshibawu tshia lufu, bashipe muntu awu, balembeleje tshitalu tshiende ku mutshi,

Dielulula 21:23

tshitalu atshi katshiladi kulu butuku to. Nutshijike amu dituku adi. Bualu tshitalu tshishale mushindu awu, tshidi mua kukebela bena ditunga dinyoka kudi Mvidi Mukulu. Nanku nudimuke, ditunga didi Maweja-Nangila Mvidi Mukulu wenu munupe bua kukuata, kanudinyangakaji ne mikiya to.

Dielulula 4:3

Nuvua badimuene nkayenu, muvua Maweja-Nangila Mvidi Mukulu wenu, mubutule bantu, bavua batendelela mvidie Baale-Peyore.

Yoshua 22:17

Ku Peyore, tuvua benze bibi, tuetu kupeta dinyoka dia buenzayi buetu. Maweja-Nangila kukengesha bena Izrayele bonsu ne tshipupu tshikole! Dikenga kadiena dianji kunutonda anyi?

Yoshua 23:2

Nanku kubikidishaye bena Izrayele bonsu, too ne bakulu babu, bamfumu babu, balumbuluishi babu, ne balombodi ba bena mvita babu. Kubambilaye ne: — Meme ndi mumane kukulakaja mupue.