Dibadika 25:3 - MUKANDA WA MYIDI MUKULU

³ Kumvuanganabu nangananga bua kutendelela mvidie wa Baale, uvua ku mukuna wa Peyore. Maweja-Nangila kubafikila munda bikole.

Mukanda wa Nzambi Dihungila Dikulukulu ne Dihungila Dihia-dihia 2003

³ Bena Isalele bakadisangisha kudi Bâla-peô ne tshiji tshiakakuata Yehowa bualu bua Bena Isalele.

Dibadika 25:3 ပူးပေါင်းရင်းမြစ်များ

Misambu 90:11

Udi mumanye bukole bua tshiji tshiebe nnganyi? Nganyi watshina kapia ka dibinduluka diabe?

Yirmeya 17:4

Nenushiye ditunga divua dienu, dimvua meme munupeshe. Ndi nnutuma mu bupika, mu ditunga dinudi kanuyi bamanye. Bualu nudi balundule tshiji tshianyi. Tshikadi bu kapia kadibu kabayi mua kujima.

Osheya 4:14

Kadi, tshiena nnyoka bana benu ba bakaji, badi benda tshiendenda, nansha bakaji ba bana benu ba balume, badi batomboka ku mabaka. Nennunyoke anu nuenu batuangaji, bualu nuenu mene nudi nuenda tshiendenda ne bana ba bakaji ku luseke. Nudi nuabanyangana bintu bia milambu, ne bakaji bena tshiendenda mu nzubu ya mvidie. Bu mudibu bela lusumuinu ne: “Bantu badi kabayi ne lungenyi, nebabutuke.”

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Dibadika 25:5

Moshe kuambila bamfumu ba bena Izrayele ne: — Mfumu yonsu ashipe bantu bende badi batendelela mvidie wa Baale, udi ku mukuna wa Peyore!

Dibadika 31:16

Nudi bamanye bimpe ne: bakaji ba bena Madiyane aba ke bavua bitabe meji a Balaame, bafikishe bena Izrayele ku ditombokela Maweja-Nangila, bua kutendelela anu mvidie wa ku Peyore. Ke pavua tshipupu tshibutule bantu ba Maweja-Nangila.

Yoshua 22:17

Ku Peyore, tuvua benze bibi, tuetu kupeta dinyoka dia buenzayi buetu. Maweja-Nangila kukengesha bena Izrayele bonsu ne tshipupu tshikole! Dikenga kadiena dianji kunutonda anyi?

Balombodi 2:11

Bena Izrayele kuenza malu avua Maweja-Nangila ubenga. Kutuadijabu kutendelela mvidie Baale.

Balombodi 2:13

Ke bena Izrayele kubenga Maweja-Nangila, bua kuya kutendelela mvidie Baale ne Astarte.

Balombodi 2:14

Maweja-Nangila kufikila bena Izrayele munda. Kavua ubambuluisha kabidi to. Ke muvua bena buenzayi biba bintu bia bena Izrayele bionsu. Maweja-Nangila kufila bena Izrayele mu bianza bia baluishi bavua nabu mutumba. Bena Izrayele kabavua ne mushindu wa kutuila baluishi babu nkanana to.

Balombodi 2:20

Maweja-Nangila kufikila bena Izrayele munda, kuamba ne: — Bantu ba mu tshisamba etshi, mbanyangakaje ndondu umvua muambile bankambua babu bua kumunemeka. Kabena bantumikila to.