Dibadika 25:2 - MUKANDA WA MYIDI MUKULU

² Bakaji abu kuibidija bena Izrayele bua kulambuila mvidie ya mu ditunga diabu. Bena Izrayele kudia nabu minyinyi milambuila mvidie, kukukuila ne mvidie yabu mene.

Mukanda wa Nzambi Dihungila Dikulukulu ne Dihungila Dihia-dihia 2003

² bualu bua bakabikila bantu ku milambu ya nzambi yabo, ne bantu bakadia, bakinamina nzambi yabo.

Dibadika 25:2 ပူးပေါင်းရင်းမြစ်များ

1 Bakalenga 19:18

Kadi munkatshi mua bena Izrayele, nenshiye bantu bakuabu binunu muanda mutekete ne muoyi, mmumue ne: bonsu badikabayi banji kukukuila mvidie Baale, kabayi banji kutua mpingu ayi mishiku.

Misambu 106:28

Kudilamikabu kudi mvidie Baale ku Peyore, kudiabu milambu milambula bafue.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 22:20

“Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Ekesode 23:24

Nanku, kanuena mua kunemeka mvidie idibu batendelela. Kanuena mua kuyikukuila nansha kulonda bibidilu bia bisamba abi. Kadi, nuzaze mpingu ya mvidie ayi. Nushimbule makunji abu a mabue.

Ekesode 32:6

Bena Izrayele kujuka mu dinda dionsu, kufilabu milambu ya kuosha ne ya ditua ndondu. Pashishe, kudiabu, kunuabu, kutuadijabu kunaya.

Yirmeya 40:11

Bena Yuda bavua ku bena Mowabe, ku bena Amone, ku bena Edome, nansha bavua mu ditunga dikuabu, bavua bumvua pabu bonsu ne: mukalenga wabena Babilone mmushiye bantu mu bukalenga bua Yuda, mmubateke mu bianza bia Ngedaliya.

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

1 Korente 10:20

“Nansha kakese! Kadi ndi ngamba ne: bidi batendeledi ba mvidie balambula, kabena babilambula Mvidi Mukulu, kadi amu mikishi mibi. Nanku tshiena musue bua nudisange ne mikishi mibi.

Dielulula 32:38

Nuvua bayilambule nyama, bayilambule maluvu a kunua. Nanku ileje bukole buayi, inupandishe, inulame ne muoyi!

Yoshua 22:17

Ku Peyore, tuvua benze bibi, tuetu kupeta dinyoka dia buenzayi buetu. Maweja-Nangila kukengesha bena Izrayele bonsu ne tshipupu tshikole! Dikenga kadiena dianji kunutonda anyi?

Yoshua 23:16

Nuenu banyange ndondu uvua Maweja-Nangila mutume diyi bua kunemeka, nuenu biname kumpala kua mvidie ya bantu benyi bua kuyitendelela, Maweja-Nangila neanufuile munda, anujimije lukasa mu ditunga edi dimpe, didiye mumane kunupa.

Yoshua 23:7

Kanubuelakanyi ne bantu ba bisamba bikuabu, batshidi bashale munkatshi muenu. Kanukebi diambuluisha kudi mvidie yabu. Kanutedi dina dia mvidie ayi, panudi nutshipa. Kanuinami kumpala kuayi bua kuyitendelela.

Didimanyisha 2:14

Kadi bualu bundi nkudiwila, mpadi bamue ba kunudi bitabe dilongesha dia Balaame. Balaame uvua ulongesha Balake, bua asake bena Izrayele ku dienza bibi. Ke muyuabu badie minyinyi ya nyama milambula nwidie, benza kabidi malu a bundu.