Dibadika 24:9 - MUKANDA WA MYIDI MUKULU

⁹ Bena Izrayele kuzonzama, kulala panshi bu nyama ya ntambue. Udi mua kubajula ku bukole nnganyi? Izrayele, udi ukuela lupemba, bamuele pende! Udi ukutshipa, bamutshipe biende!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Udi walamina bu nyama wa ntambue, udi ulala hanshi bu mukashi wa nyama wa ntambue, nganyi neamubishe? Wakasankisha ikale biandi ne disanka, ne wakuela mulau ikale biandi ne mulau.

Dibadika 24:9 ပူးပေါင်းရင်းမြစ်များ

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Genese 27:29

Bisamba bia bantu bikukuatshile mudimu. Bantu bonsu bakukukuile. Wikale mfumu wa bana benu, bana benu ba mamuebe bakukukuile. Muntu udi ukuela lupemba, nebamuele lupemba. Muntu udi ukukebela diakabi, neikale muena diakabi.”

Genese 49:9

Yuda, muananyi, udi bu muana wa ntambue. Udi ushipa nyama, upingana muaba uvuaye mulale. Ntambue udi utua tshiadi panshi, ulala. Kakuena udi mua kumujula ku bukole.

1 Bakalenga 10:20

Mpingu mikuabu ya nyama ya ntambue dikumi ne ibidi ivua ku bidiatshilu bia tshibandilu atshi: nyama isambombu ku dia balume, mikuabu isambombu ku dia bakaji. Kabavua banji kuenza nkuasa wa bukalenga wa mushindu ewu mu ditunga dikuabu to.

2 Kulondolola 9:18

Nkuasa wa bukalenga awu, uvua pa tshibandilu tshivua ne bidiatshilu bisambombu. Nkuasa uvua kabidi ne tshibandilu tshikuabu tshia kudiatshila makasa, tshivua tshia tshiamu tshia mpawungi, tshilamakaja ne nkuasa. Nkuasa awu uvua kabidi ne maboku eku ne eku. Bavua bateka bimfuanyi bibidi bia nyama ya ntambue, etshi ku luseke, tshikuabu ku lunga.

Estere 6:13

Amane kulondela Zereshe muena kuende, ne balunda bende, bionsu bivua bienzeka abi. Ke balunda bende kumuambila ne: — Mordekayi udibu bakufuishe nende bundu awu mmuena Yuda. Nanku kuena mua kumupita. Neupete amu dikasa dibi.

Yobe 41:10

Diba didiye wela nyashi, udi wela nkenke, mesu ende adi akunza bu kabundubundu ka diba.

Misambu 122:6

Jingilayi Yerushalayime bupole ne: “Bantu bakunange wewe Yerushalayime, basombe talalaa!

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

Ekesode 23:22

Kadi, nuenu bitabe diyi diende, bakumbaje bionsu bindi ngamba, meme Maweja-Nangila nenduishe bantu bonsu badi banuelela meji mabi.

Yeshaya 31:4

Maweja-Nangila uvua mungambile ne: “Nyama wa ntambue, nansha mukole nansha muana, udi ukungula padi tshisumbu tshia balami ba mikoku basue kumunyenga nyama udiye mukuate. Kena ne bowa bua bibingu bidibu bamuela to. Kena ushiya nyama panshi bua mutoyi ewu to. Ke mudibi buanyi meme, Maweja-Nangila muena bukole buonsu, pambapueka pa mukuna wa Siyone, bua kunuluila bua baluishi benu kabanuenzedi bibi.”

Mika 5:8

“Eyowa, luisha baluishi bebe, ubashipe, ubasunsule!

Dibadika 22:12

Mvidi Mukulu kubenga, wambila Balaame ne: — Kuyi nabu to! Kuena mua kutshipa bantu aba, bualu ndi mumane kubela lupemba.

Dibadika 22:6

Ndi nkusengelela ne: ufike kuneku, ubatshipe. Bualu mbatupite bukole! Wewe mubatshipe, misangu mikuabu ndi mua kubatshimuna, kubipata mu ditunga. Meme ndi mujadike ne: wewe muele muntu lupemba, nansha mumutshipe, bidi bienzeka anu muudi muambe.”

Dibadika 23:24

Bena Izrayele badi bu mudi nyama wa ntambue, udi ushipa nyama, udia munyinyi. Udi usunsula nyama, unua mashi ende. Kushishaye kulala, kuikisha.”

Dibadika 24:10

Balake kufikila Balaame munda bikole. Kumukanyinaye, wamba ne: — Meme mvua mukubikile bua kutshipa baluishi banyi. Kadi udi mubeele lupemba misangu isatu milondangane!

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Matayi 25:45

Mukalenga neabandamune ne: “Ndi nnujadikila bulelela ne: bilenga bionsu binuvua kanuyi benzele umue wa ku bakese aba, ke meme mene unuvua babenge kubienzela.”

Bienzedi 9:5

Shawule kuebeja ne: — Mukalenga, wewe udi nganyi? Ke diyi kuandamuna ne: — Ndi Yezu uudi ukengesha.

Dielulula 30:7

Nanku makenga onsu amvua munumanyishe, Maweja-Nangila neaatumine anu baluishi benu ne bantu badi banukina.