Dibadika 24:6 - MUKANDA WA MYIDI MUKULU

⁶ Nzubu yenu idi itangalaka bu mayi, bu mpangu mimpe ku mielelu ya misulu. Idi mifuanangane ne mitshi ya ndunga ne ya nsanga, ivua Maweja-Nangila mukune ku muelelu wa musulu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bidi bibaluluke bu bibanda, bu bibunda bidi hehi ne musulu, bu mitshi ya aloe yakakunabo kudi Yehowa, bu mitshi ya cèdre idi hehi ne mai.

Dibadika 24:6 ပူးပေါင်းရင်းမြစ်များ

Genese 13:10

Lote ukenzakana, kumona muvua mpata ya Yardene mimpe mitambe, bualu ivua ne mayi. Maweja-Nangila kavua muanji kubutula Sodome ne Ngomore to. Nanku mpata ayi too ne ku Soware ivua bu lupangu lua Paradizu, mifuanangane ne tshibanda tshia Nile.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Misambu 104:16

Maweja-Nangila, nansha mitshi idi mipite bunene, idi ne mayi adiyi ikengela, se mmitshi ya sedre ya mu Lebanone, iuvua mukune.

Misambu 45:8

Udi munange buakane, mubenge bubi. Ke padi Mvidi Mukulu, Mvidi Mukulu webe, mukujidile, mukuele manyi a tshijila pa mutu, mukusungule amu wewe, mubenge bena mulongu nebe.

Musambu wa Solomo 6:11

Meme kupueka mu lupangu lua mitshi ya bimuma, bua kumona ntonga idi mu tshibandabanda, kutangila mionji ya mvinyo idi isampila, kujoja bilongu bidi ku mitshi ya ngrenade.

Yeshaya 41:19

Nenkune mu tshipela mitshi ya sedre ne ndunga, mitshi ya mirte ne ya olive. Mu ditunga divua kadiyi mayi, nenkunemu mitshi ya siprese, mitshi ya pine ne mikuabu kabidi.

Yeshaya 58:11

Maweja-Nangila neanulombole. Nansha nuenu bende mu tshipela, neanudishe nuukute, nupete bukole. Badi banumona nebasanke. Bualu nenuikale bu lupangu, ludibu bamiamina mayi mavule, bu mpokolu wa mayi a bungi, adi kaayi akama.

Yirmeya 17:18

Bantu badi bankengesha, bundu bubakuate amu bobu! Kadi kabunkuatshi meme! Bowa kabidi bubakuate amu bobu! Kabunkuatshi meme! Ubatumine dituku dia dikenga. Ubazaze kashidi.

Yirmeya 31:12

Nebafike pa mukuna wa Siyone, bela mbila ya disanka. Nebaleje mpala wa disanka, pamonabu bionsu bidibu bapeta kudi Maweja-Nangila: ntete ya kuenza bukula, maluvu mapiamapia, mafuta mimpe, mikoku, mbuji ne ngombe. Nebikale bu budimi budi ne mayi ntavule. Nebapete bionsu bidibu nabi dikenga.

Yezekiyele 47:12

Mitshi ya bimuma ya mishindu yonsu neyitoloke ku mielelu yonsu ya musulu wa muenji. Mabeji ayi kaakuuma to. Mitshi neyikuame bimuma diba dionsu. Neyikuame bimuma ku ngondu ku ngondu; bualu mayi adi ayidisha, adi afumina ku nzubu wa Mvidi Mukulu. Bimuma biayi nebikale tshiakudia. Mabeji ayi neikale buanga bua kuondapa nabu.

Dibadika 24:5

Nuenu bena Izrayele, ndelanganyi ya Yakobe, ntenta yenu inudi nusomba idi mimpe mitambe.