Dibadika 24:3 - MUKANDA WA MYIDI MUKULU

³ Kuelaye kasala, wimba ne: “Meme, ndi Balaame muana wa Beyore, umvuayi tshindi ngamba. Ndi mmona malu masokome, telejayi diyi dianyi!

Mukanda wa Nzambi Dihungila Dikulukulu ne Dihungila Dihia-dihia 2003

³ Yeye wakela lusumuinu luandi ne, Belâma, muana mulume wa Beô, muntu wakadi ne disu diandi dibuikila,

Dibadika 24:3 ပူးပေါင်းရင်းမြစ်များ

1 Bakalenga 22:17

Ke muambi Mika kumuambila ne: — Ndi mumone bena Izrayele. Bonsu mbamuangalake mu mikuna. Bu mudi tshisumbu tshia mikoku katshiyi ne mulami. Kabidi Maweja-Nangila udi wamba ne: “Bena Izrayele kabatshiena ne mfumu to. Muntu yonsu apingane ku nzubu kuende talala.”

1 Bakalenga 22:19

Mika kuamba kabidi ne: — Teleja anu tshidi Maweja-Nangila wamba ne: Ndi mumone Maweja-Nangila musombe mu nkuasa wende wa bukalenga, bena mudimu bende bonsu ba mu diulu, bimana, aba ku dia balume diende, bakuabu ku dia bakaji.

Yobe 29:1

Pashishe Yobe kuamba kabidi ne:

Dibadika 22:31

Diba adi Maweja-Nangila kubulula mesu a Balaame, bua amone mutumibue uvua muimane munkatsshi mua njila, ne muele mukuate mu tshianza. Diakamue Balaame kudiela mpala panshi.

Dibadika 23:18

Ke Balaame kuela kasala, wimba ne: “Balake, muana wa Sipore, juka, unteleje bimpe!

Dibadika 23:7

Balaame kuamba ne: “Balake, mukalenga wa bena Mowabe, mmumbikile, ku mikuna ya Arame ya ku luseke ludi diba dipatukila: ‘Balaame, ufike bua kukanyina, kutshipa mene bena Izrayele, ndelanganyi ya Yakobe!’

Dibadika 24:15

Balaame kuela kasala, wimba ne: “Meme ndi Balaame, muana wa Beyore, umvuayi tshindi ngamba. Meme ndi mmona bimpe malu masokome.

Dibadika 24:16

Umvuayi diyi dianyi. Meme ndi ngumvua tshidi Mvidi Mukulu wamba. Ndi mmona bidi Maweja-Nangila wa bukole buonsu uleja. Yeye udi ummuenekela pandi mmukukuila.

Dibadika 24:4

Meme ndi ngumvua tshidi Mvidi Mukulu wamba. Ndi mmona bidi Mvidi Mukulu wa bukole buonsu uleja. Yeye udi ummuenekela pandi mmukukuila.