Dibadika 24:20 - MUKANDA WA MYIDI MUKULU

²⁰ Balaame umona bena Amaleke, kubambilaye ne: “Nuenu bena Amaleke, nuvua tshisamba tshipite bikuabu. Kadi nenubutuke bonsu amu mpindiewu.”

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yeye wakatangila kudi Amaleka, wakabela lusumuinu luandi ne, Amaleka wakadi tshisamba tshia ku mpala munkatshi mua bisamba, kadi kunshikidilu tshisamba tshiandi netshijimme tshiendelele.

Dibadika 24:20 ပူးပေါင်းရင်းမြစ်များ

Genese 36:12

Kadi Timna, mukaji mukuabu uvua Elifaze mubanjije, uvua mulele muana wa balume anu umue: Amaleke. Ke bikulu ba Esawu bavuabu balele kudi Elifaze, muana wa mukajende Ada.

1 Kulondolola 4:43

Kushipabu bena Ameleke bavua banyemenamu. Bobu kuasa muaba awu. Ndelanganyi yabu itshidimu ne ku lelu.

Estere 3:1

Matuku makese mamane kupita, mukalenga Ahashaveroshe kubandisha Amane, muana wa Amedata, wa ku ndelanganyi ya Agaje, muanzu wa mulombodi wa kumpala mu ditunga.

Estere 9:14

Mukalenga kuela mukenji bua kuenzabu nanku. Kuelabu mukenji mupiamupia mu Shushane, kulembelejabu bitalu bia bana ba balume ba Amane kulu.

Ekesode 17:14

Maweja-Nangila kuambila Moshe ne: — Funda bualu ebu mu mukanda, bua bantu babuvuluke. Umanyishe Yoshuwa ne: meme nembutule bena Amaleke bonsu. Muntu nansha umue kakubavuluka kabidi to.

Ekesode 17:16

Moshe kuamba ne: — Bu mudi bena Amaleke babunda nkuasa wa butumbi wa Maweja-Nangila, Maweja-Nangila neabaluishe matuku onsu.

Ekesode 17:8

Bena Amaleke kufika mu Refidime bua kuluisha bena Izrayele.

Dibadika 24:19

Muntu wa ku ndelanganyi ya Yakobe, neatshimune baluishi bende. Neashidishe bantu bavua bashale ne muoyi mu bimenga biabu.” Balaame udi umanyisha ne: baluishi nebabutuke

Dibadika 24:24

Majuwa adi afumina ku Kitime. Badi babuela mu ditunga nebakengeshe bena Ashure, kabidi ne ndelanganyi ya Ebere. Kadi nansha bobu badi babuela nebabutuke.”

Dibadika 24:7

Mayi adi muwule mu mpokolu, apueka mavule mu madimi. Mukalenga wa bena Izrayele udi mupite Agage. Bukalenga buende budi ne bukole.

Balombodi 6:3

Misangu yonsu ivua bena Izrayele bamane kukuna biakudia mu madimi, bavua bababunda mvita kudi bena Madiyane, bena Amaleke, ne kudi bantu balalakanyi bavua bafuma luseke ludi diba dipatukila.

1 Samuele 14:48

Dituku dikuabu, Shawule kuleja dikima diende. Kutshimunaye bena Amaleke. Ke muvuaye musungidile bena Izrayele mu bianza bia bantu bavua bibe bintu mu ditunga diabu.

1 Samuele 15:2

Maweja-Nangila Mvidi Mukulu wa tshiluilu tshia bena Izrayele udi wamba ne: “Ndi muvuluke bionsu bivua bena Amaleke benzela bena Izrayele, pavuabu bapatuke mu bupika mu Ejipitu. Bena Amaleke bavua bajikila bena Izrayele njila.

1 Samuele 30:1

Matuku mamane kupita abidi, Davide ne bantu bavuaye nabu kufika mu tshimenga tshia Siklaje. Kadi bena Amaleke bavua bamane kuluisha bantu bavua basombe mu ditunga dia bena Yuda, ne bena mu tshimenga tshia Siklaje. Bena Amaleke bavua bosha tshimenga tshia Siklaje, batshinyangakaje.

1 Samuele 30:17

Dituku divu dilonda, Davide kubaluisha dinda too ne dilolu. Muntu nansha umue kena munyeme to. Anu bansongalume nkama inayi bavua babanda pa nyama ya tumelu, ke bavua banyema.