Dibadika 24:19 - MUKANDA WA MYIDI MUKULU

¹⁹ Muntu wa ku ndelanganyi ya Yakobe, neatshimune baluishi bende. Neashidishe bantu bavua bashale ne muoyi mu bimenga biabu.” Balaame udi umanyisha ne: baluishi nebabutuke

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Muntu nealuhuke kudi Yakoba, neikale ne bukelenge butambe, neashihe tshituha tshia bantu badi bashala mu musoko.

Dibadika 24:19 ပူးပေါင်းရင်းမြစ်များ

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Yeshaya 11:10

Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Dibadika 24:18

Yeye neakuate ditunga dia Seyire, ditunga dia baluishi bende bena Edome. Bena Izrayele nebabatshimune.

Dibadika 24:20

Balaame umona bena Amaleke, kubambilaye ne: “Nuenu bena Amaleke, nuvua tshisamba tshipite bikuabu. Kadi nenubutuke bonsu amu mpindiewu.”

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Luke 19:12

Ke Yezu kuambila bantu ne: — Muntu kampanda wa mu diku dia bantu baneme uvua uya ku ditunga dia kulekule bua kupetaku bukalenga, kupingana nabu kuabu.

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

1 Korente 15:25

Bualu Kristu udi ne bua kuikala mukalenga too ne padi Mvidi Mukulu utshimuna bena lukuna bonsu, ubateka kuinshi kua makasa ende.

Ebrewu 1:8

Kadi bua Muana, Mvidi Mukulu uvua muambe ne: “Mvidi Mukulu, nkuasa webe udi mushindame kashidi, Neulombole bukalenga buebe mu buakane.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”