Dibadika 24:18 - MUKANDA WA MYIDI MUKULU

¹⁸ Yeye neakuate ditunga dia Seyire, ditunga dia baluishi bende bena Edome. Bena Izrayele nebabatshimune.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Edome neikale buhianyi, ne Sei, buloba bua bena lukuna bandi, neikale buhianyi buandi, kadi Bena Isalele nebenze malu makole.

Dibadika 24:18 ပူးပေါင်းရင်းမြစ်များ

Genese 27:29

Bisamba bia bantu bikukuatshile mudimu. Bantu bonsu bakukukuile. Wikale mfumu wa bana benu, bana benu ba mamuebe bakukukuile. Muntu udi ukuela lupemba, nebamuele lupemba. Muntu udi ukukebela diakabi, neikale muena diakabi.”

Genese 27:40

Neupete biakudia, amu wewe muluangana mvita, newikale mupika wa muakunyebe Yakobe. Kadi neudipikule amu nkayebe. Neutshibule mutshi wa mujuwu, uvuaye mukuambuishe ku bukole, neuwumushe pa nshingu.”

Genese 32:3

Yakobe ubamona, kuelaye diyi dikole wamba ne: — Muaba ewu mmitanda ya Mvidi Mukulu. Kuinyikaye muaba awu ne: Mahanayime.

2 Samuele 8:14

Davide kuteka balombodi ba bukalenga buende mu Edome. Bena Edome kushala ku bumfumu bua Davide. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

1 Bakalenga 11:14

Maweja-Nangila kutumina Shelomu muluishi, muena Edome. Dina diende divua Adade, muana wa ku ndelanganyi ya mu nzubu wa bukalenga bua bena Edome.

1 Bakalenga 11:15

Tshikondu tshivua Davide uluisha bena Edome, Yowabe, mfumu mulombodi wa bena mvita ba Davide, uvua muye ku Edome ne bena mvita, bua kujiika bitalu bia bena mvita ba bena Izrayele. Yowabe kushipesha nsongalume yonsu ya bena Edome, ne bantu balume bonsu.

Misambu 60:1

Musambu wa mu mukanda wa mulombodi wa misambu. Wa kuimba ne lunzenze. Kasala ka mu mukanda wa misambu ya Davide. Musambu wa kulongesha bantu.

Yeshaya 34:5

Muele wa mvita wa Maweja-Nangila, udi umueneka mu diulu. Monayi mudiwu ushipa bantu ba bena Edome aba, badi Maweja-Nangila musue kubutula.

Yeshaya 63:1

Nganyi ewu udi ufuma ku Edome, mu tshimenga tshikulu tshia Bosra, ne bilamba bikunze kunzuu? Udi muvuale tshinkutu tshiende. Udi wenda mpala muele mulu, mudiumvue mudiye ne makanda! Maweja-Nangila udi wandamuna ne: — Ke meme! Ndi mufike bua kukosa nsambu, ndi mufike bua kunyoka bukua matunga, bua nsungidile bantu banyi.

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Amosa 9:12

Diba adi, bena Izrayele nebakuate tshiakabidi matunga, avua anyi ku kale, a bena Edome, ne a bena bisamba bikuabu. Meme Maweja-Nangila ndi njadika nanku. Nenkumbaje kabidi bindi ngamba.”

Obadya 1:2

Maweja-Nangila udi wambila bena Edome ne: “Ku bisamba bionsu nuenu nenuikale tshisamba tshidi katshiyi ne bukole. Bantu bonsu nebanupetule.

Dibadika 20:18

Mukalenga wa bena Edome kuandamuna ne: — Kanuena mua kupitshila mu ditunga dianyi to. Nuenu basue kuenza nanku, nennuluishe!

Dibadika 24:19

Muntu wa ku ndelanganyi ya Yakobe, neatshimune baluishi bende. Neashidishe bantu bavua bashale ne muoyi mu bimenga biabu.” Balaame udi umanyisha ne: baluishi nebabutuke