Dibadika 23:14 - MUKANDA WA MYIDI MUKULU

¹⁴ Balake kuya ne Balaame ku lusongu lua mukuna wa Pisga muaba wa kutentekela. Kuenzaye kabidi bilambuilu muanda mutekete muaba awu. Kulambulaye ngombe mulume umue, ne mukoku wa tshimpanga umue, pa tshilambuilu tshionsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wakaya nʼandi mu mpata wa Sofima, ku mutu kua Pisega, wakasa bioshelu muanda mutekete, wakosha mulume wa ngombe ne tshimpanga ku tshioshelu ne ku tshioshelu.

Dibadika 23:14 ပူးပေါင်းရင်းမြစ်များ

Yeshaya 46:6

Bantu badi batula mpetu yabu yonsu. Badi bapima nkanu mitoke ya mushinga mukole, ne biamu bia mpawungi. Badi bangata nsenda wa mpawungi ku mudimu, bua abafudile mvidie, udibu batendelela, udibu bakukuila.

Osheya 12:11

Tshikondu atshi, mvua mumanyishe bambi meji anyi. Mvua mubaleje malu mishindu mishilangane. Kudi bambi ke kundi nnumanyishila, nansha lelu mene, bindi musue kuenza.

Dibadika 21:20

mbafike ne ku tshibandabanda tshidi tshipitshila mu ditunga dia bena Mowabe, luseke lua ku nsongu ya mukuna wa Pisga, udi mutangilangane ne tshipela.

Dibadika 23:13

Balake kumuambila kabidi ne: — Tuye nebe muaba mukuabu uudi mua kumona bena Izrayele bonsu. Neubatshipe muaba awu. Bualu muaba ewu uvua mumone amu tshitupa tshia bantu aba.

Dibadika 23:15

Balaame kuambila Balake ne: — Shala muimane ku milambu yebe eyi. Ndi nya ku luseke bua kuindila bidi Maweja-Nangila musue kungambila.

Dibadika 23:29

Balaame kuambila Balake ne: “Asa bilambuilu muanda mutekete muaba ewu, untuadile ngombe milume muanda mutekete, ne mikoku ya bimpanga muanda mutekete.”

Dielulula 3:27

Banda ku lusongu lua mukuna wa Pisga, ukenzakane nseke yonsu: ku mutu kua ditunga, kuinshi kuadi, luseke ludi diba dipatukila, ne ludidi dibuelela. Kadi ujadike, umanye ne: kuena usabuka musulu wa Yardene to.

Dielulula 34:1

Moshe kumuka mu mpata ya Mowabe, kubanda pa mukuna wa Nebo, ku lusongu lua Pisga, ludi luseke ludi diba dipatukila lua Yeriko. Maweja-Nangila kumuleja ditunga dia Kenaane dijima, kutuadijila ku ditunga dia Ngilaade too ne dia Dane,

Dielulula 4:49

ditunga dijima dia luseke ludi diba dipatukila lua musulu wa Yardene, too ne ku Mayi manene a luepu, kuinshi kua mukuna wa Pisga.