Dibadika 22:5 - MUKANDA WA MYIDI MUKULU

⁵ Ke mukalenga Balake kutuma bantu kudi Balaame, muana wa Beyore, uvua musombe ku Petore pabuipi ne musulu wa Perate, mu ditunga dia bena Amavi. Uvua umulomba ne: “Mudi bantu ba bungi bafike munemu, bafume ku Ejipitu. Badi batangalaka pa buloba bujima, base mitanda yabu pabuipi nanyi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yeye wakatuma miloho kudi Belâma, muana mulume wa Beô, ku Petô udi hehi ne musulu wa Pelata ku buloba bua bantu bandi bualu bua kumubikila ne, Tangila, bantu bakaluhuka mu Ejipitu, tangila, badi batangalaka buloba buonso, badi bashikama hehi nʼanyi.

Dibadika 22:5 ပူးပေါင်းရင်းမြစ်များ

Genese 13:16

Nemvudije ndelanganyi yebe bungi budi muntu kayi mua kuyibala. Bu mudi muntu kayi mua kubala lusenga ludi pa buloba, ke mudibu kabayi mua kubala ndelanganyi yebe.

Misambu 105:24

Maweja-Nangila kuvudija bantu bende, kulelabu bana ba bungi, kubapeshaye bukole bupite bua baluishi babu.

Ekesode 10:15

Ivua mikile panshi, mipafikishe fitutuu. Ivua idia bintu bionsu bivua mabue a mvula kaayi manyange too ne bimuma bionsu bivua ku mitshi. Ka-kuvua kushala tshintu tshibishi nansha tshimue ku mitshi yonsu ya mu ditunga dia Ejipitu nansha pa madimi.

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Dibadika 23:7

Balaame kuamba ne: “Balake, mukalenga wa bena Mowabe, mmumbikile, ku mikuna ya Arame ya ku luseke ludi diba dipatukila: ‘Balaame, ufike bua kukanyina, kutshipa mene bena Izrayele, ndelanganyi ya Yakobe!’

Dibadika 31:8

Kushipabu kabidi Balaame, muana wa Beyore, pamue ne bamfumu batanu ba bena Madiyane: Evi, Rekeme, Sure, Ure ne Reba.

Dielulula 23:4

Bena Amone ne bena Mowabe kabena mua kubuela muaba udi bantu ba Maweja-Nangila basangile, nansha ndelanganyi yabu ya musangu wa dikumi.

Dielulula 23:5

Bualu panupatukila mu Ejipitu, bantu aba bavua banupale biakudia ne mayi a kunua mu luendu luenu. Kabidi bavua bafuta Balaame bua kunutshipaye. Balaame ewu, ke muana wa Beyore, uvua mu musoku wa Petore, mu Mezopotamiya.

Yoshua 13:22

Tshikondu atshi, bena Izrayele bavua bashipa kabidi Balaame, muana wa Beyore, muena lubuku.

Yoshua 24:9

Balake, muana wa Sipore, uvua mukalenga wa bena Mowabe, kunuluisha kabidi. Uvua mubikidishe Balaame, muana wa Beyore, bua kunutshipaye.

Yuda 1:11

Bantu abu mbena diakabi. mBabuele mu njila wa Kayine; mbapambuke mu njila, bu Balaame, bua lukuka lua biuma. mBabutuke, bualu bavua batomboka, bu muvua Kora muenze.

Didimanyisha 2:14

Kadi bualu bundi nkudiwila, mpadi bamue ba kunudi bitabe dilongesha dia Balaame. Balaame uvua ulongesha Balake, bua asake bena Izrayele ku dienza bibi. Ke muyuabu badie minyinyi ya nyama milambula nwidie, benza kabidi malu a bundu.