Dibadika 22:38 - MUKANDA WA MYIDI MUKULU

³⁸ Balaame kuandamuna ne: — Mbafiki! Kadi tshiena ne tshia kuamba to! Nenkuambile amu bualu budi Mvidi Mukulu ummanyisha.

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Belâma wakambila Balaka ne, Mona, nakamana kulua kudi! Ndi mumanye mua kukuambila bualu, anyi? Di didi Nzambi uteka mukana muanyi, nenkuambiledi.

Dibadika 22:38 ပူးပေါင်းရင်းမြစ်များ

1 Bakalenga 22:14

Kadi, muambi Mika kuandamuna ne: — Bu mudi Maweja-Nangila ne muoyi, nemmuambile anu tshidi Maweja-Nangila ungambila.

1 Bakalenga 22:16

Kadi, mukalenga Akabe kumukonka kabidi ne: — Ndi mua kukusengelela misangu bungi munyi bua wewe kungambila anu bualu bulelela, paudi wakula mu dina dia Maweja-Nangila?

2 Kulondolola 18:13

Kadi muambi Mika kuandamuna ne: — Bu mudi Maweja-Nangila ne muoyi, nemmuambile anu tshidi Mvidi Mukulu wanyi musue.

Misambu 33:10

Maweja-Nangila udi utupakaja ngenyi ya bukua bisamba, upumbisha meji adi bantu bela.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Nsumuinu 19:21

Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Yeshaya 44:25

Kadi mpindiewu malu onsu, adi bena mbuku bamba, ndi ngakudimuna a patupu. Bonsu badi bamanyisha malu atshidi kumpala, ndi mbapangisha malu abu. Ndi mbenga meji a bena meji, ndi ndeja mudi meji abu a bantu batshimbakane.

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Yeshaya 47:12

Wewe tungunuka ne mbuku yebe, enza anu malu ebe onsu a majimbu. Ke biuvua mulonge bikole, pautshivua muana. Bumue nebikuambuluishe! Bumue nebipate baluishi bebe!

Dibadika 22:18

Balaame kubenga wamba ne: — Balake nansha yeye muntumine tshiamu tshia mpawungi tshionsu, ne tshiamu tshitoke tshia mushinga mukole tshionsu, tshidiye natshi mu nzubu wende wa bukalenga, tshiena mua kubenga diyi dia Maweja-Nangila, Mvidi Mukulu wanyi, ku kalu nansha kamue to.

Dibadika 22:37

Balake kukonka Balaame ne: — Meme kukubikila musangu wa kumpala. Uvua mubenge kufika bua tshinyi? Uvua wela meji ne: tshiena mua kukusankisha anyi?

Dibadika 22:39

Balaame ne Balake kuya ku Kiriyate-Ushote.

Dibadika 22:8

Balaame kubambila ne: — Lalayi munemu. Patshiabu dinda, nennuandamune malu onsu adi Maweja-Nangila mummanyishe. Bakulu ba bena Mowabe abu kulala kua Balaame.

Dibadika 23:16

Maweja-Nangila kuyukila ne Balaame, kumumanyisha malu a kuambila Balake, kumupingaja kudiye.

Dibadika 23:26

Balaame kumuandamuna ne: — Kadi mvua mudianjile kukuambilane: mudimu wanyi udi amu wa kumanyisha bantu tshidi Maweja-Nangila ungambila!

Dibadika 24:13

“Balake, nansha yeye mumpeshe tshiamu tshitoke tshia mushinga mukole, ne mpawungi, bionsu bidi mu nzubu muende mua bukalenga, tshiena mua kubenga diyi dia Maweja-Nangila wanyi to. Ndi ne bua kuamba amu tshidiye ummanyisha!”