Dibadika 22:31 - MUKANDA WA MYIDI MUKULU

³¹ Diba adi Maweja-Nangila kubulula mesu a Balaame, bua amone mutumibue uvua muimane munkatsshi mua njila, ne muele mukuate mu tshianza. Diakamue Balaame kudiela mpala panshi.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Yehowa wakabidika mesu a Belâma, ne yeye wakamona muanjelo wa Yehowa muimane mu nshala, ne muele wa nvita mu tshianza tshiandi, yeye wakinama mutu wandi, wakatua mpala hanshi.

Dibadika 22:31 ပူးပေါင်းရင်းမြစ်များ

Genese 21:19

Mvidi Mukulu kutabeja mesu a Agare. Kumonaye tshiina tshia mayi muaba awu. Kusunaye mayi kabulubulu tente, kunuisha muana.

1 Kulondolola 21:16

Davide uvua umona mutumibue, uvua ubutula bantu, muimane pankatshi pa diulu ne buloba, mutume muele wende luseke lua Yerushalayime. Davide ne bakulu ba ditunga bavua bavuale bilamba bia madilu, batue mpala panshi.

Misambu 9:20

Maweja-Nangila juka, muntu kalupitshi bukole! Bikila bisamba bidi bikubenga, ubilumbuluishe.

Ekesode 34:8

Moshe kutua binu panshi lukasa, kuinyikaye mutu

Dibadika 22:30

Mpunde kuambila Balaame ne: — Meme ndi mpunde webe. Ndi ngendakana nebe matuku onsu! Kadi nkadi mukuenzele nenku musangu mukuabu anyi? Balaame kuamba ne: — To!

Dibadika 24:16

Umvuayi diyi dianyi. Meme ndi ngumvua tshidi Mvidi Mukulu wamba. Ndi mmona bidi Maweja-Nangila wa bukole buonsu uleja. Yeye udi ummuenekela pandi mmukukuila.

Dibadika 24:4

Meme ndi ngumvua tshidi Mvidi Mukulu wamba. Ndi mmona bidi Mvidi Mukulu wa bukole buonsu uleja. Yeye udi ummuenekela pandi mmukukuila.

Luke 24:16

Balongi batua bamumona, kadi batua bu bampofu, kabayi mua kumujingulula.

Luke 24:31

Ke bobu kumutangila, kumujingulula. Kadi Yezu kubajimina kuisu.

Yowanane 18:6

Yezu ubambila ne: “Ke meme ewu,” kupinganabu tshianyima, kudishinda panshi.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Yoshua 5:13

Dituku dikuabu, Yoshuwa uvua pabuipi ne Yeriko. Diakamue kumonaye muntu muimane kumpala kuende. Muntu awu uvua ne muele mupatula mu tshibubu, mukuata ku tshianza. Yoshuwa kutantshila kudiye, umuebeja ne: — Udi ku luseke luetu anyi, udi ku lua baluishi betu?

Yoshua 5:14

Muntu awu kuandamuna ne: — Ntshidi mfika amu mpindiewu. Tshiena wa ku luseke luenu, nansha wa ku lua baluishi benu to. Ndi mfumu wa tshikulu tshia Maweja-Nangila. Nanku Yoshuwa kudiela mpala panshi, umuambila ne: — Meme ndi muena mudimu webe. Tshiudi untumina diyi bua meme kuenza ntshinyi?