Dibadika 22:12 - MUKANDA WA MYIDI MUKULU

¹² Mvidi Mukulu kubenga, wambila Balaame ne: — Kuyi nabu to! Kuena mua kutshipa bantu aba, bualu ndi mumane kubela lupemba.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nzambi wakambila Belâma ne, Kuyi nʼabo, kuedi bantu aba mulau nansha, bantu aba badi basankishibue.

Dibadika 22:12 ပူးပေါင်းရင်းမြစ်များ

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

2 Kulondolola 31:10

Azariya mutuangaji munene wa mu diku dia Sadoke, kuandamuna mukalenga Izkiya ne: — Katshia bantu batuadije kufila tshitupa tshia bintu bivuabu banowa mu madimi abu, mu nzubu wa Mvidi Mukulu, tuvua tudia tukuta, tushala ne biakudia bikuabu bia bungi. Bualu Maweja-Nangila uvua muele bena Izrayele lupemba. Biakudia bidibu bakunguja muaba ewu ebi, ke bidi bishale.

Misambu 144:15

Tshisa tshidi ne bintu ebi, tshikale ne disanka! Tshisa tshidi tshitangila Maweja-Nangila bu Mvidi Mukulu watshi, tshikale ne disanka!

Misambu 146:5

Muntu udi Mvidi Mukulu wa Yakobe wambuluisha, mutekemene kudi Maweja-Nangila Mvidi Mukulu wende, mmuena diakalenga!

Yeshaya 61:9

Nebamanye ndelanganyi yenu miaba yonsu, mu matunga onsu. Bantu bonsu badi babamona, nebamanye ne: ke bantu badi Maweja-Nangila muele lupemba.

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Dibadika 22:11

“Ndi nkusengelela ne: ufike kuneku, utshipe bantu badi bumuke ku Ejipitu, batangalake pa buloba bujima. Wewe mubatshipe, misangu mikuabu ndi mua kubatshimuna, kubipata mu ditunga.”

Dibadika 22:13

Butshia dinda, Balaame kuambila bantu, bavua Balake mutume, ne: — Pinganayi kuenu, Maweja-Nangila kena musue bua meme kuya nenu to.

Dibadika 22:6

Ndi nkusengelela ne: ufike kuneku, ubatshipe. Bualu mbatupite bukole! Wewe mubatshipe, misangu mikuabu ndi mua kubatshimuna, kubipata mu ditunga. Meme ndi mujadike ne: wewe muele muntu lupemba, nansha mumutshipe, bidi bienzeka anu muudi muambe.”

Dibadika 23:23

Majimbu ne mbuku, kabiena biambuluisha bena Izrayele. Bionsu bidi Mvidi Mukulu musue kuenza, bena Izrayele badi babimanye pa diba.

Dibadika 23:3

Balaame kuambila Balake ne: — Shala muimane pabuipi ne milambu yebe eyi. Meme ndi nya ku luseke. Misangu mikuabu Maweja-Nangila udi mua kummuenekela. Nenkuambile bionsu bikalaye mummanyishe. Balaame kuya muaba uvua kauyi bantu.

Dibadika 23:8

Kadi bantu badi Mvidi Mukulu kayi mutshipe, mundi meme mua kubatshipa mbishi? Bantu badi Maweja-Nangila kayi mukanyine, mundi mua kubakanyina meme mmunyi?

Dibadika 24:9

Bena Izrayele kuzonzama, kulala panshi bu nyama ya ntambue. Udi mua kubajula ku bukole nnganyi? Izrayele, udi ukuela lupemba, bamuele pende! Udi ukutshipa, bamutshipe biende!

Matayi 27:19

Pavua Pilate mu kabadi ulumbuluisha, mukajende kumutumina mukenji ne: “Kubuelakanyi mu tshilumbu tshia muntu udi kayi ne bualu awu. Bualu butuku bua lelu, ndi mukenge bikole mu tshilota bualu buende.”

Rome 11:29

Bualu Mvidi Mukulu kena unyenga tshintu tshidiye mumane kufila. Kena ukudimuna meji avuaye nawu pambidi pa ba-vuaye mubikile.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Dielulula 23:5

Bualu panupatukila mu Ejipitu, bantu aba bavua banupale biakudia ne mayi a kunua mu luendu luenu. Kabidi bavua bafuta Balaame bua kunutshipaye. Balaame ewu, ke muana wa Beyore, uvua mu musoku wa Petore, mu Mezopotamiya.

Dielulula 28:6

Maweja-Nangila neanuele lupemba diba dionsu ne miaba yonsu.

Dielulula 33:29

“Nuenu bena Izrayele, nudi bena diakalenga, bualu Maweja-Nangila mmunupandishe amu nuenu nkayenu! Maweja-Nangila udi ngabu wenu, unulama. Udi muele wa mvita, unuambuluisha bua kutshimuna. Baluishi benu nebanulombe luse, nenudiate ditambisha diabu mu makasa.”

Dielulula 7:14

Maweja-Nangila neanuambuluishe, nupangane, nupite bisamba bionsu ku bubanji. Nanku muntu yonsu wa kunudi, mulume nansha mukaji, kakuikala nkumba, too ne ku bimuna bienu.