Dibadika 22:1 - MUKANDA WA MYIDI MUKULU

¹ Bena Izrayele kuya kuasa mitanda yabu mu mpata ya Mowabe, ku muelelu wa musulu wa Yardene, luseke luawu lua kudi diba dipatukila, muaba uvua mutangilangane ne Yeriko.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bena Isalele bakaya ku luendu, bakashikama mu mpata wa Moaba dishiya dia mai a Yadene, batangilangana ne Yeleko.

Dibadika 22:1 ပူးပေါင်းရင်းမြစ်များ

Yirmeya 40:11

Bena Yuda bavua ku bena Mowabe, ku bena Amone, ku bena Edome, nansha bavua mu ditunga dikuabu, bavua bumvua pabu bonsu ne: mukalenga wabena Babilone mmushiye bantu mu bukalenga bua Yuda, mmubateke mu bianza bia Ngedaliya.

Dibadika 21:20

mbafike ne ku tshibandabanda tshidi tshipitshila mu ditunga dia bena Mowabe, luseke lua ku nsongu ya mukuna wa Pisga, udi mutangilangane ne tshipela.

Dibadika 26:3

Moshe ne Elazare kuya kudi bena Izrayele mu mpata ya Mowabe, ku muelelu wa musulu wa Yardene, dishiya dia Yeriko. Kubambilabu ne:

Dibadika 31:12

Kufikabu ne bintu abi kudi Moshe, kudi mutuangaji Elazare, ne kudi bena Izrayele bonsu, bavua basomba mu mitanda yabu mu mpata ya Mowabe, pabuipi ne musulu wa Yardene, dishiya dia Yeriko.

Dibadika 32:19

Katuena basue kuabanyangana nabu buloba budi dishiya dia musulu wa Yardene to, bu tuetu mua kupeta buloba dia munemu dia musulu, luseke luawu ludi diba dipatukila.

Dibadika 34:15

Bisamba ebi bibidi ne tshitupa, nebisombe dishiya dia musulu wa Yardene, luseke luawu ludi diba dipatukila, batangilangane ne Yeriko.

Dibadika 35:1

Maweja-Nangila kuyukila ne Moshe mu mpata ya Mowabe, mitangilangane ne Yeriko, ivua pabuipi ne Yardene. Kumuambilaye ne:

Dibadika 36:13

Mikenji eyi, ke ivua Maweja-Nangila muambile Moshe bua kumanyisha bena Izrayele, bavua mu mpata ya Mowabe, dishiya dia musulu wa Yardene, mitangilangane ne Yeriko.

Dielulula 1:5

Nanku mu ditunga dia Mowabe, luseke ludi diba dipatukila lua musulu wa Yardene, Moshe kutuadija kulongesha bena Izrayele mikenji ya Mvidi Mukulu, ubambila ne:

Dielulula 3:8

Ke mutuvua bakuate tshikondu atshi matunga a bakalenga babidi ba bena Amore, bavua base luseke ludi diba dipatukila lua musulu wa Yardene, pankatshi pa musulu wa Amone wa muenji mukole, ne mukuna wa Ermone.

Dielulula 34:1

Moshe kumuka mu mpata ya Mowabe, kubanda pa mukuna wa Nebo, ku lusongu lua Pisga, ludi luseke ludi diba dipatukila lua Yeriko. Maweja-Nangila kumuleja ditunga dia Kenaane dijima, kutuadijila ku ditunga dia Ngilaade too ne dia Dane,

Dielulula 34:8

Bena Izrayele kuteka madilu ende matuku makumi asatu mu mpata ya Mowabe.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.