Dibadika 21:9 - MUKANDA WA MYIDI MUKULU

⁹ Moshe kuenza nyoka wa tshiamu tshikunze, kumulembelejaye kulu. Nanku muntu yonsu uvuabu basuma kudi nyoka, uvua utangila nyoka wa tshiamu tshikunze, uvua ushala ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mose wakenza nyoka ne tshiamu tshia mitaku, wakamuteka kulu kua mutshi, hashishe bakatangila mundi musumibue nyoka wa tshiamu tshia mitaku, wakadi ne muoyo kabidi.

Dibadika 21:9 ပူးပေါင်းရင်းမြစ်များ

2 Bakalenga 18:4

Izkiya ke uvua mukandike miaba ya kutendelela mvidie, mupule bibumba bia mabue, mupule kabidi ne makunji a kutendelela. Uvua nuukosolole nyoka wa tshiamu tshikunze, uvua Moshe muenze. Bualu too ne ku tshikondu atshi, bena Izrayele batshi wa anu balambula milambu ya manananshi ku nyoka awu, uvuabu babikila ne: Nehuktane.

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Yowanane 12:32

Kadi meme, pangelabu kulu, nenkoke bantu bonsu kundi.

Yowanane 6:40

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

1 Yone 3:8

Muntu utshidi utungunuka ne dienza bibi, udi muntu wa diabolu, bualu diabolu mmuenze bibi biangatshile ku ntuadijilu. Kadi Muana wa Mvidi Mukulu mmumueneke panu, bua kubutula bidi diabolu muenze.