Dibadika 21:7 - MUKANDA WA MYIDI MUKULU

⁷ Bavua bashale, kunyemenabu kudi Moshe, bamuambila ne: — Tudi bena tshibawu, bualu tuvua bakujane wewe, bajane kabidi ne Maweja-Nangila. Nanku, usengelele Maweja-Nangila. Atumushile nyoka eyi! Moshe kulombela bena Izrayele kudi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bantu bakalua kudi Mose, bakamba ne, Tuakuenza bibi bualu bua tuetu tuakujiana Yehowa ne wewe kabidi, ulombe Yehowa atumushile nyoka munkatshi muetu Mose wakalombela bantu Nzambi.

Dibadika 21:7 ပူးပေါင်းရင်းမြစ်များ

Genese 20:17

Kadi Abrahame kulomba kudi Mvidi Mukulu bua apandishe Abimeleke, apandishe kabidi mukajende ne bakaji bende bapika, bua bamone mua kulela bana tshiakabidi.

Genese 20:7

Pingaja mukaji ewu kudi bayende. Umanye ne: bayende mmuambi. Neakuakuile bua kufu to. Kadi wewe mubenge kupingaja mukaji, neufue, kabidi bantu bonsu baudi nabu nebafue.

1 Bakalenga 13:6

Pashishe mukalenga Yerobowame kuambila muambi ne: — Ndi nkusengelela ne: utendakene Maweja-Nangila Mvidi Mukulu webe bua amfuileku luse, ampingajile diboku dianyi edi muadi mua kale. Muambi kulomba Maweja-Nangila, diboku dia mukalenga Yerobowame kupingana muadi mua kale.

2 Bakalenga 13:4

Kadi, Yowakaze kusengelela Maweja-Nangila, Maweja-Nangila kumuitaba. Maweja-Nangila mumane kumona muvua mukalenga wa bena Siriya ukengesha bena Izrayele,

Yobe 42:10

Yobe mumane kutendelela Mvidi Mukulu bua balunda bende abu, Maweja-Nangila kumupingajila bintu biende anu bu muvuabi kale. Kuvudijaye bintu abi misangu ibidi bu muvuabi kale.

Yobe 42:8

Nanku mpindiewu nuangate nyama ya ngombe milume muanda mutekete, ne mbuji ya bimpanga muanda mutekete. Nuye nabi kudi muntu wanyi Yobe. Nulambule nyama eyi bu milambu ya kuosha bua kudikobolola. Muntu wanyi Yobe neantendelele bualu buenu. Nengitabe dilomba diende. Tshiakununyoka bua bibi binuvua benze. Bualu kanuvua balongeshe malu anyi mu bulelela bu muvua muntu wanyi Yobe muenze.

Misambu 106:23

Mvidi Mukulu kuamba ne: Ndi mbabutula, kadi Moshe, muntu uvuaye musungule, kuimanaye pankatshi, umukandika bua kayi kubutula bantu bonsu mu tshiji.

Misambu 78:34

Bamane kupunga ne lufu, kutangilabu kabidi kudi Mvidi Mukulu, kupinganabu kudiye bakeba diambuluisha diende.

Ekesode 10:17

Mpindiewu ndi nnulomba ne: Numbuikidile bubi buanyi. Nundombele kudi Maweja-Nangila Mvidi Mukulu wenu angumushile dinyoka edi dia lufu.

Ekesode 32:11

Moshe umvua nanku, kutendakenaye Maweja-Nangila Mvidi Mukulu wende, wamba ne: — Bantu aba mbantu bebe, wewe ke uvua mubapatule mu Ejipitu ku bukole buebe. Lekela kubafikila munda nanku,

Ekesode 32:30

Butshia dinda, Moshe kuambila bena Izrayele ne: — Nudi benza tshilema tshipite bunene. Kadi ndi mbanda kabidi kudi Maweja-Nangila ku mukuna bua kumulomba, misangu mikuabu ne udi mua kungitaba bua kunufuilaku luse, ku tshilema tshienu etshi.

Ekesode 8:28

Kadi mukalenga wa bena Ejipitu kuenza kabidi tshitunu. Kena muanyishe bua bena Izrayele bumuke to.

Ekesode 8:4

Mukalenga wa bena Ejipitu kubikila Moshe ne Arone. Kubambilaye ne: — Nundombele kudi Maweja-Nangila: umushe ndimba eyi, idi itutatshisha meme ne bantu banyi. Nanku nenganyishe bena Izrayele baye kulambula Maweja-Nangila milambu.

Ekesode 8:8

Moshe ne Arone kushiyangana ne mukalenga wa bena Ejipitu. Moshe kutendelela Maweja-Nangila bua umushe ndimba iwaye mutumine mukalenga wa bena Ejipitu.

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yirmeya 15:1

Kadi Maweja-Nangila kungambila ne: — Nansha Moshe ne Samuwele bandombe bua kufuila bantu aba luse, tshiena mua kuanyisha to. Yirmeya, ubipate, ubumushe kundi, baye!

Yirmeya 37:3

Nanku, mukalenga Sedekiya kutuma Yukale, muana wa Shelemiya, ne mutuangaji Sefanya, muana wa Masheya, kudi muambi Yirmeya bua kumuambila ne: — Tudi bavua kukulomba bua kutendelela Maweja-Nangila Mvidi Mukulu wetu bualu buetu bonsu.

Osheya 5:15

Maweja-Nangila udi wamba ne: Eyowa, nempingane kuanyi, too ne ku diba didi bena Efrayime ne bena Yuda, batonda bubi buabu, bapingana kundi. Amu dikenga nedibalongeshe mua kunkeba, kupingana kundi.

Dibadika 11:2

Bena Izrayele kudidila Moshe. Kubalombelaye kudi Maweja-Nangila. Kapia kujima.

Matayi 27:4

Kubambilaye ne: — Ndi muenze bibi, mufikishe ku lufu muntu udi kayi ne bualu. Kadi kumuandamunabu ne: — Bualu buetu anyi? Abu mbualu buebe!

Bienzedi 8:24

Ke Simone kuambila Petro ne Yowanane ne: — Ngakuilayi nuenu kudi Mfumu, bua kannyoki munudi nuamba amu.

Rome 10:1

Bana hetu, ndi njinga ne muoyi wanyi mujima, ndomba kudi Mvidi Mukulu, bua bena Yuda bapete lupandu.

Dielulula 9:20

Maweja-Nangila uvua mupite kufikila Arone munda, musue kumushipa. Kadi dituku adi, meme kumulombela ne yeye kabidi.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

1 Samuele 15:24

Shawule kuandamuna ne: — Ndi muenze bibi. Tshiena mutumikile diyi dia Maweja-Nangila, tshiena muteleje mibelu yebe wewe. Kadi mvua ne bowa, ntshina bena mvita. Ke pandi muenze bionsu bivua bena mvita bajinga.

1 Samuele 15:30

Shawule kumuambila ne: — Ndi mumane kuenza bibi. Kadi ndi nkutendakena ne: unnemekeku kumpala kua bakulu, ne kua bena Izrayele bakuabu bonsu. Tupingane nebe bua meme kuya kutendelela Maweja-Nangila Mvidi Mukulu webe.