Dibadika 21:6 - MUKANDA WA MYIDI MUKULU

⁶ Diba adi Maweja-Nangila kubatumina nyoka ya lulengu. Kusumayi bena Izrayele. Bavule kufua.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa wakatuma nyoka idi isuma bu kahia kosha munka tshi mua bantu, yakasuma bantu, bantu ba bungi ba Isalele bakafua.

Dibadika 21:6 ပူးပေါင်းရင်းမြစ်များ

Yeshaya 14:29

Nuenu bonsu bena Peleshete, kanusanki bua padi bena Ashure, bavua banukengesha, kabayi kabidi ne bukole. Bualu kudi nyoka mufuile, nekupatuke munga nyoka, mupite wa kumpala ku lulengu. Diyi diende neditoye, nyoka wa kasanga-muma.

Yeshaya 30:6

Nyama idi yambula bintu bia bungi, idi yenda ipitshila kuinshi kua ditunga. Mu buloba bua dikenga ne dibungama, mudi bintu bia bungi bidi bikuatshisha bowa, mudi nyama ya ntambue ikungula, mudi nyoka ya ntoka ne nyoka idi ibuka, nyama ya mpunde ne ya tumelu idi ipitshilamu, yambula bubanji ne bintu bia mushinga mukole. Balombodi ba mu ditunga badi baya nabi kudi bantu ba tshisamba, tshidi katshiyi mua kubambuluisha nansha kakese.

Yirmeya 8:17

Maweja-Nangila udi wamba ne: Ndi musue kunutumina nyoka ya lulengu. Kakuena mushindu wa nuenu kuibidilangana nayi, kuyitekesha. Neyinusume.

Yezekiyele 14:15

Misangu mikuabu, ndi mua kutumina bantomboji abu nyama ya lonji. Nanku ditunga diabu nedishale tshipela, bualu nyama ayi neyishipe bena ditunga bonsu. Bantu bakuabu kabakuendamu to, bualu nebatshine nyama.

1 Korente 10:9

Katuena mua kuteta Mfumu, muvua bamue ba kudibu benze. Ke nyoka kubasuma, bobu kufua.

Dielulula 8:15

Kunupitshishaye mu tshipela tshinene tshidi tshikuata bowa, tshiena ne nyoka ya lulengu, ne tuminyiminyi, kamuyi mayi. Kunupatuilaye mayi mu lubuebue luvua lupite bukole.