Dibadika 21:4 - MUKANDA WA MYIDI MUKULU

⁴ Bena Izrayele kumuka ku mukuna wa Ore. Kuyilabu njila wa Mayi manene makunze. Kunyungulukabu ditunga dia Edome. Kadi luendu kubatonda, kabayi kabidi mua kulama lutulu to.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bakumuka ku mukuna wa Hô, bakaya mu nshila wa ku Dishiba Dikunze bualu bua kunyunguluka ku nyima kua buloba bua Edome, mitshima ya bantu yakahanga bualu bua nshila.

Dibadika 21:4 ပူးပေါင်းရင်းမြစ်များ

2 Bakalenga 3:8

Kadi, Yosafate kukonka Yorame ne: “Netuyile njila kaayi?” Yorame kuandamuna ne: “Netuyile mu tshipela tshia Edome.”

Ekesode 6:9

Moshe kuambila bena Izrayele malu awu. Kadi kabavua bamuitaba to, bualu bavua ne kanyinganyinga bua dikenga divuabu nadi mu bupika.

Dibadika 14:25

(Bena Amaleke ne bena Kenaane ke badi basomba mpindiewu mu bibandabanda bia ditunga adi.) Nanku, nuenu bonsu, malaba nenupingane kunudi bafume. Nenupingane mu tshipela, batangile ku Mayi manene makunze.

Dibadika 20:27

Moshe kukumbaja bivua Maweja-Nangila muambe. Moshe ne Arone ne Elazare kuya bonsu basatu ku mukuna wa Ore, bena Izrayele batangile.

Dibadika 32:7

Nudi basue kupumbisha bena Izrayele bua kufikabu mu ditunga didi Maweja-Nangila mubapeshe anyi?

Dibadika 32:9

Pafikibu mu tshibandabanda tshia Eshekole, kutentekelabu ditunga. Kadi mu dipingana diabu, kupumbishabu bena Izrayele mua kufika mu ditunga divua Maweja-Nangila mumane kubapa.

Dibadika 33:41

Bena Izrayele bumuka ku mukuna wa Ore, kuyabu ku Salmona.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Dielulula 1:40

Kadi nuenu bonsu, pinganayi mu tshipela, nupitshile mu njila wa ku Mayi manene makunze.”

Dielulula 2:1

Pashishe tuetu kualuka, kupingana mu tshipela, batangile ku Mayi manene makunze, bu muvua Maweja-Nangila mungambile. Tuetu kushala ku mikuna ya Seyire matuku mapite bungi.

Balombodi 11:18

Pashishe kutuadijabu luendu mu tshipela. Kunyungulukabu buloba bua bena Edome, ne bua bena Mowabe. Kufikabu ku buloba budi luseke ludi diba dipatukila lua buloba bua Mowabe. Kuasabu mitanda yabu dishiya dia musulu wa Amone. Kabena babuela mu buloba bua bena Mowabe to, bualu musulu wa Amone ke udi mukalu. Nanku kabena bausabuka to.