Dibadika 21:34 - MUKANDA WA MYIDI MUKULU

³⁴ Maweja-Nangila kuambila Moshe ne: — Kutshinyi mukalenga ewu to. Nenkuambuluishe bua umutshimune, umunyenge ditunga edi dijima. Umuenzele muuvua muenzele Sihone, mukalenga wa bena Amore, uvua musombe mu tshimenga tshia Eshebone.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Yehowa wakambila Mose ne, Kumutshinyi nansha, bualu bua nakamufila mu tshianza tshiebe, ne bantu bandi bonso ne buloba buandi, wewe neumuenzele bu muwakuenzela Sifiona, mukelenge wa Bena Amole, wakadi ushikama mu Heshebona.

Dibadika 21:34 ပူးပေါင်းရင်းမြစ်များ

2 Samuele 5:19

Davide kukonka Maweja-Nangila ne: — Ndi mua kuya kuluisha bena Peleshete anyi? Maweja-Nangila neubafile mu bianza bianyi anyi? Maweja-Nangila kuitaba ne: — Eyowa, uye kubaluisha! Nembafile mu bianza biebe bulelela.

1 Bakalenga 20:13

Ke muambi kampande kuya kudi Akabe, mukalenga wa bena Izrayele, umuambila ne: — Maweja-Nangila udi wamba ne: “Udi mumone musumba munene wa bena mvita! Ndi mbafila mu bianza biebe anu lelu, bua wewe kumanya ne: meme ndi Maweja-Nangila.”

1 Bakalenga 20:28

Muambi wa Mvidi Mukulu kuya kabidi kudi Akabe, mukalenga wabena Izrayele, umuambila ne: — Maweja-Nangila udi wamba ne: “Bu mudi bena Siriya bamba ne: meme Maweja-Nangila ndi anu Mvidi Mukulu wa ku mikuna, tshiena wa mu mpata, ndi mfila bena mvita babu bonsu mu bianza biebe, bua wewe kumanya ne: meme ndi Maweja-Nangila.”

2 Bakalenga 3:18

Kadi, bualu ebu mbualu bukese kudi Maweja-Nangila. Yeye neafile kabidi ditunga dia bena Mowabe mu bianza bienu.

Yeshaya 41:13

Bualu meme Maweja-Nangila, ndi Mvidi Mukulu webe, ndi nkuambuluisha. Ndi nkuambila tshiakabidi ne: “Lekela kutshina. Nenkuambuluishe.”

Dibadika 14:9

Kadi, lekelayi kutombokela Maweja-Nangila. Kanutshinyi bena ditunga adi to. Netubabutule! Mvidie yabu ivuabu batekemene kayena kabidi ne bukole bua kubalama to! Kadi Maweja-Nangila udi netu. Nanku kanubatshinyi to.

Dibadika 32:4

mbia mu ditunga dia bena Izrayele, didibu bapete ku diambuluisha dia Maweja-Nangila. Ditunga edi ndimpe bua tuetu kumunyinamu bimuna bietu.

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.

Dielulula 20:3

“Nuenu bena mvita ba bena Izrayele, numanye ne: lelu nudi nuluangana ne bena lukuna benu. Panuafika muaba udibu, nukoleshe muoyi. Kanubatshinyi, kanupampakanyi, kanuzakadi to.

Dielulula 3:1

Pashishe tuetu kubenda bua kupitshila mu ditunga dia Bashane. Kadi Oge, mukalenga wa Bashane, ne tshiluilu tshiende tshionsu, kutubunda pabuipi ne tshimenga tshia Edreyi.

Dielulula 3:11

(Ku ndelanganyi ya bena Refayime bonsu, Oge, mukalenga wa Bashane, ke wa ndekelu udi mushale ne muoyi. Lukita luende bavua baluenze mu dibue. Batshidi mua kulumona mu Raba, tshimenga tshinene tshia bena Amone. Ludi ne bule bua metre anayi ne tshitupa, butshiama bua metre abidi.)

Dielulula 31:6

Koleshayi muoyi, kankamanayi, kanutshinyi bena ditunga adi to. Bualu Maweja-Nangila Mvidi Mukulu wenu udi munkatshi muenu. Kakunulekela to.

Dielulula 7:17

Misangu mikuabu nudi nuela meji ne: “Bisamba abi mbitupite bukole! Katuena ne mushindu wa kubinyenga bidibu nabi to!”

Dielulula 7:18

Kanubitshinyi! Nuvuluke muvua Maweja-Nangila Mvidi Mukulu wenu muenze ne mukalenga wa bena Ejipitu, ne bantu bende bonsu.

Dielulula 7:21

Kanutshinyi bisamba ebi to. Maweja-Nangila Mvidi Mukulu wenu udi nenu. Kakuena muntu udi mua kuambangana nende to.

Dielulula 7:24

Maweja-Nangila neafile bakalenga babu kunudi. Nenubabutule bonsu, kabayi babavuluke kabidi pa buloba. Muntu nansha umue kakunutuila nkanana. Nebabutuke bonsu.

Yoshua 10:25

Yoshuwa kubambila ne: — Kanutshinyi, kanuzakadi! Nuikale ne bukitu, kabidi ne muoyi mukole. Maweja-Nangila neenzele baluishi benu bonsu banudi nuluangana nabu amu nanku.

Yoshua 10:8

Maweja-Nangila kuambila Yoshuwa ne: — Kubatshinyi to. Ndi mbafila kuudi. Muntu nansha umue kakukupita bukole to.

Yoshua 8:7

Diba adi, nuenu nenujuke miaba inudi basokome. Nenukuate tshimenga, bualu Maweja-Nangila Mvidi Mukulu wenu udi munupatshi.

Balombodi 11:30

Yefete kuditshipa kudi Maweja-Nangila, wamba ne: — Wewe mufile bena Amone mu bianza bianyi,

1 Samuele 23:4

Davide kukonka Maweja-Nangila tshiakabidi, Maweja-Nangila kuandamuna ne: — Juka, uye mu tshimenga tshia Keyila! Nemfile bena Peleshete mu bianza biebe.