Dibadika 21:26 - MUKANDA WA MYIDI MUKULU

²⁶ Eshebone ke tshimenga tshinene tshia Sihone, mukalenga wa bena Amore. Bualu Sihone uvua muluangane mvita kale ne mukalenga mukuabu wa bena Mowabe, mumunyenge ditunga dijima too ne ku musulu wa Amone.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Heshebona wakadi tshimenga tshia Sihona, mukelenge wa Bena Amole, wakadi uluangana ne mukelenge mukuabo wa Moaba, wakanyenga buloba buandi buonso mu tshianza tshiandi to ne ku mai a Ânona.

Dibadika 21:26 ပူးပေါင်းရင်းမြစ်များ

Musambu wa Solomo 7:4

Mabele ebe abidi adi bu mbuji ya nkungulu ibidi, bu bana ba mapasa ba ngulungu.

Musambu wa Solomo 7:5

Nshingu webe mmufuane Kaleya-ka-mubanga. Mesu ebe adi bu majiba a mayi a mu Eshebone, adi ku tshiibi tshia tshimenga tshinene etshi. Diulu diebe kabidi didi dimpe bu kaleya ka mu Lebanone, kadi kalama njila wa ku Damase.

Yirmeya 48:2

Butumbi bua Mowabe buajiki. Mbelele tshimenga tshia Eshebone tshifufu tshibi bamba ne: “Tuyayi kubutula tshimenga etshi. Katshikadi kabidi ne muaba munkatshi mua bisamba bikuabu!” Wewe kabidi tshimenga tshia Madmene neubutuke. Bena mvita nebafike bua kukuluisha.

Yirmeya 48:20

Nebanuandamune ne: — Bena Mowabe mbafue bundu! Mbabutuke! Elayi mbila, elayi mikunda, ambilayi badi basombe ku mielelu ya musulu wa Amone ne: Mbabutule Mowabe.

Yirmeya 48:45

Badi banyema mvita mbapungile. Badi bakeba muaba wa kuikisha mu tshimenga tshia Eshebone, tshivuabu balombole kale kudi mukalenga wa Sikone. Kadi kapia kavua kuosha ditunga dijima dia bilobu ebi, ku mikalu too ne munda mua ditunga.

Dibadika 21:25

Kunyengabu kabidi bimenga bionsu bia bena Amore, nansha tshia Eshebone, ne misoku yonsu ya ku mutumba. Kuasabumu!

Dibadika 21:27

Nanku bedi ba kasala, bavua bela bimbe, bamba ne: “Ibakayi kabidi tshimenga tshia Eshebone, tumone! Asululayi tshimenga tshia mukalenga Sihone!

Dielulula 1:4

Malu aa avua menzeke, Moshe mumane kutshimuna Sihone, mukalenga wa bena Amore, uvua muase ku Eshebone. Uvua mumane kutshimuna kabidi mu tshimenga tshia Edreyi, Oge, mukalenga wa Bashane, uvua muase ku Ashetarote.

Yoshua 13:16

kuinshi mu ditunga kuvua tshimenga tshia Aroyere tshidi ku muelelu wa musulu wa Amone, ne tshimenga tshivua mu tshibandabanda tshia musulu awu. Mu buloba abu muvua mikuna ya pabuipi ne Medeba.

Yoshua 13:17

Muvua kabidi tshimenga tshia Eshebone, ne bimenga bionsu bidi bilonda ebi: Dibone, Bamote-Baale, Bete-Baale-Meyone,

Yoshua 13:25

buvua ne bimenga ebi: Yazere, bimenga bionsu bia mu ditunga dia Ngilaade, tshitupa tshia ditunga dia bena Amone too ne ku Aroyere, pabuipi ne Raba.

Yoshua 21:39

tshia Eshebone, ne tshia Yazere.

Balombodi 11:26

Bidimu nkama isatu, bena Izrayele bavua anu base mu bimenga bia Eshebone ne Aroyere, kabidi mu misoku ivua nabi mutumba, ne mu bimenga bionsu bivua ku muelelu wa musulu wa Amone. Bidimu bionsu ebi, kuvua mubanyenge buloba ebu bua tshinyi?