Dibadika 21:24 - MUKANDA WA MYIDI MUKULU

²⁴ Kadi bena Izrayele kutshimuna Sihone ne tshiluilu tshiende. Kumunyengabu ditunga diende dijima, bituadije ku musulu wa Amone kuinshi, too ne ku musulu wa Yaboke ku mutu, too ne ku mikalu mikolesha ya bena Amone, luseke ludi diba dipatukila.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bena Isalele bakamushiha ne muele wa nvita, bakanyenga buloba buandi ku mai a Ânona tô ne ku mai a Yaboka ku butshika bua buloba bua Bena Amona, bualu bua butshika bua buloba bua Bena Amona buakadi bukole.

Dibadika 21:24 ပူးပေါင်းရင်းမြစ်များ

Genese 32:22

Yakobe mumane kutumina Esawu milambu, kushalaye mulale muaba awu butuku abu.

Nehemya 9:22

Wewe, udi mubape bumfumu, bua matunga ne bua makalenga. Kuangatabu matunga avua mutumba nabu, ditunga dia Oge, mukalenga wa Bashane, ne ditunga dia Sihone, mukalenga wa Eshebone.

Misambu 136:19

nSikone, mukalenga wa bena Amore, bualu dinanga diende ndia kashidi,

Amosa 2:9

Kadi meme mvua munubutuile bena Amore. Bavua bantu bale, bu mitshi ya sedre, bakole bu mitshi ya nsanga. Ke meme kukosa nsongu yayi, kuyijula ne miji yayi.

Dibadika 21:13

Bumuka mu tshibandabanda amu, kusabukabu musulu wa Amone, udi ufumina ku bena Amore, upitshila mu tshipela, pashishe uleja mikalu pankatshi pa bena Mowabe ne bena Amore.

Dielulula 1:4

Malu aa avua menzeke, Moshe mumane kutshimuna Sihone, mukalenga wa bena Amore, uvua muase ku Eshebone. Uvua mumane kutshimuna kabidi mu tshimenga tshia Edreyi, Oge, mukalenga wa Bashane, uvua muase ku Ashetarote.

Dielulula 29:7

kubanyenga matunga abu. Tuetu kuabanyina bena Rubene, bena Ngade, ne tshitupa tshia tshisamba tshia Menashe.

Dielulula 3:16

Kadi ndelanganyi ya Rubene ne ya Ngade, ndi muyipeshe ditunga dia pankatshi pa ditunga dia Ngilaade ne musulu wa Amone. Musulu wa Amone ke mukalu wa kuinshi wa ditunga adi. Musulu wa Yaboke udi wenza mukalu wadi ne ditunga dia bena Amone.

Dielulula 31:4

Maweja-Nangila neabutule bena ditunga adi, bu muvuaye mubutule Sihone ne Oge, bakalenga ba bena Amore, ne matunga abu.

Dielulula 4:46

Bakalua bafika luseke ludi diba dipatukila lua musulu wa Yardene, mu tshibandabanda tshidi tshitangilangana ne tshimenga tshia Bete-Peyore, mu ditunga dia mukalenga Sihone wa bena Amore, wa mu Eshebone, uvuabu batshimune kudi Moshe ne bena Izrayele.

Yoshua 13:12

Muvua kabidi ditunga dia Oge, umue wa ku bakalenga ba ndekelu ba bena Refayime, uvua mukalenga mu Ashetarote ne mu Edreyi mu buloba bua Bashane. Moshe kutshimuna bisamba bia mu matunga aa, kubinyenga maloba abi.

Yoshua 24:8

Pashishe meme kunuendesha mu ditunga dia bena Amore, divua luseke ludi diba dipatukila lua Yardene. Bena Amore kunuluisha, kadi meme kubafila mu bianza bienu. Nuenu kukuata ditunga diabu, bualu meme mvua mubabutule panuvua nusemena pabuipi.

Yoshua 9:10

Kabidi tudi bamanye muvuaye mukengeshe bakalenga babidi ba bena Amore bavua dishiya dia musulu wa Yardene. Bakalenga aba ke: Sihone, mukalenga wa Eshebone, ne Oge, mukalenga wa Bashane, uvua musombe mu Ashetarote.

Balombodi 10:11

Maweja-Nangila kubakonka ne: — Pa wabu banukengesha kudi bena Ejipitu, bena Amore, bena Amone, bena Peleshete,

Balombodi 11:13

Mukalenga wa bena Amone kuandamuna Yefete ne: — Nudi bamanye tshitudi tufuila nebe. Bualu pavua bena Izrayele bapatuka mu Ejipitu, bavua bakuata ditunga dianyi, biangatshile ku tshibandabanda tshia musulu wa Amone, too ne ku musulu wa Yaboke, ne ku tshibandabanda tshia musulu wa Yardene. Utupingajile maloba aa mpindiewu ne disanka.

Balombodi 21:8

Bena Izrayele kuebejangana bua kumanya bantu ba munkatshi mua bisamba bia bena Izrayele, bavua kabayi bafike ku Mispa bua kudileja kumpala kua Maweja-Nangila. Kusanganabu ne: kakuvua muntu nansha umue wa mu tshimenga tshia Yabeshe mu Ngilaade. uvua mufike mu mitanda, muaba uvua tshisangilu atshi.