Dibadika 20:17 - MUKANDA WA MYIDI MUKULU

¹⁷ Nanku anyisha bua tupitshile muebe amu. Katuena tupitshila mu madimi enu, nansha a mvinyo. Katuena tunua mayi a mu ditunga dienu. Netupite buludi ne njila munene, katuyi tuapuka, too ne patuapita ditunga diebe dijima.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Ndi nkusengelela ne, Nuitabushe bua tuetu tuhite ku buloba buenu, katuena tuhita mu madimi anyi mu madimi a tumuma, katuena tunua mai a mena a mai anuakumbula, netuye anu mu musesu wa mukelenge, katuena tusesuka ku tshianza tshia balume anyi ku tshianza tshia bakashi tô ne hakahita butshika buenu.

Dibadika 20:17 ပူးပေါင်းရင်းမြစ်များ

2 Kulondolola 20:10

Nanku mpindiewu, tangila bena Amone, bena Mowabe, ne bena Edome, badi batuluisha. Pavua bankambua betu bapatuke mu Ejipitu, uvua mubakandike bua kabafiki mu buloba bua bantu aba to. Bankambua betu bayile njila mukuabu. Kabavua bababutula to.

Dibadika 21:1

Mukalenga wa Arade, muena Kenaane, uvua muase mu tshitupa tshia kuinshi tshia ditunga adi. Kumvuaye lumu lua ne: bena Izrayele badi balonda njila wa ku Atarime. Nanku kubaluishaye, kukuata ne bamue bantu.

Dielulula 2:27

“Tudi basue kupitshilaku mu ditunga diebe. Netupite anu ne njila, katuyi tuapuka nansha ku dia balume nansha ku dia bakaji.

Dielulula 2:28

Utulekele tupite. Patuikala dijinga ne biakudia, nansha ne mayi a kunua, netusumbe.

Dielulula 2:29

Ndelanganyi ya Esawu, idi misombe mu mikuna ya Seyire, ne bena Mowabe, badi basombe mu Are, mbamane kuitaba bua tupitshile muabu. Pashishe netusabuke musulu wa Yardene, bua tufike mu ditunga, didibu batupe kudi Maweja-Nangila Mvidi Mukulu wetu.”