Dibadika 20:10 - MUKANDA WA MYIDI MUKULU

¹⁰ Yeye ne Arone kubikila bena Izrayele bonsu muaba uvua lubuebue awu. Kubambilabu ne: — Nuenu nudi ne mutu mukole! Netuikale ne mushindu wa kunupatuila mayi mu lubuebue emu anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mose ne Alona bakasangisha bantu bonso ku mpala kua dibue, ne yeye wakabambila ne, Unvuai, bena kutomboka, netunuhatuile mai ku dibue edi, anyi?

Dibadika 20:10 ပူးပေါင်းရင်းမြစ်များ

Genese 40:8

Kumuandamunabu ne: — Tudi balote bilota, kadi tudi bapange muaba ewu muntu udi mua kutujinguluilabi. Yozefe kubambila ne: — Mvidi Mukulu nkayende ke udi mumanye mua kujingulula bilota. Kadi ndondelayi munudi balote.

Genese 41:16

Yozefe kuandamuna ne: — Meme tshiena mua kuenza nanku to. Amu Mvidi Mukulu nkayende ke udi mua kujingulula ndota yebe biakane.

Misambu 78:16

Kupatulaye mayi mu dibue, kupuekeshaye mayi bu misulu.

Ekesode 17:6

Meme nengimane kumpala kuenu pa lubuebue ludi pa mukuna wa Sinayi. Utuute dikombu pa lubuebue, mayi apatuke bua bena Izrayele banue. Moshe kutuuta dikombu pa lubuebue, bakulu ba bena Izrayele bonsu batangile.

Dibadika 20:24

— Arone kakufika mu ditunga dingapesha bena Izrayele nansha. Neafuile muaba ewu, bualu nuvua bantombokele ku mayi a Meriba.

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

1 Korente 3:7

Nanku mudimu wa mukunyi, ne wa mumiaminyi wa mayi, udi wa patupu. Kadi udi wenza bualu, ke Mvidi Mukulu. Bualu Yeye udi umenesha.

Efeze 4:26

Panudi ne tshiji, kanuenji bibi. Tshiji tshienu katshinengi too ne ku dilolu.

Dielulula 9:24

Katshia tumanyangana nenu, nudi amu nutombokela Maweja-Nangila.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.