Dibadika 2:3 - MUKANDA WA MYIDI MUKULU

^3-8 “Bantu badi ku diyi dia tshisamba tshia Yuda, nebase mitanda ku tshisumbu ku tshisumbu luseke ludi diba dipatukila, muaba udi dibendela diabu. Bantu badibu babadike bua benze mudimu mu bisumbu bia tshiluilu, nebabalombole kudi mfumu wa tshisamba tshiabu: Mfumu wa bena Yuda: ke Nashone, muana wa Aminadabe, ne bantu bende 74.600; Mfumu wa bena Isakare: ke Netaneyele, muana wa Shuware, ne bantu bende 54.400; Mfumu wa bena Zebulone: ke Eliyabe, muana wa Elone, ne bantu bende 57.400.

Mukanda wa Nzambi Dihungila Dikulukulu ne Dihungila Dihia-dihia 2003

³ Bantu badi ne bimanyinu bia dibendele dia tshisamba tshia Yuda ku tshisumbu ne ku tshisumbu nebashikame ku luseke lua ku esete kudi diba dihatuka. Nashona muana mulume wa Aminadaba neikale mukelenge wa bana ba Yuda.

Dibadika 2:3 ပူးပေါင်းရင်းမြစ်များ

Genese 35:22

Pavua Yakobe musombe muaba awu, Rubene kubuelela Bila, mukaji mupika wa tatuende, mu nzubu. Yakobe kumanya bualu abu, kunyingalala bikole. Bana ba balume bonsu ba Yakobe bavua dikumi ne babidi.

Genese 35:23

Leya uvua ne bana ba balume basambombu: Rubene, ke muanabute, bamulonda kudi Shimeyone, Levi, Yuda, Isakare ne Zebulone.

1 Kulondolola 2:10

Rame uvua tatuende wa Aminadabe. Aminadabe uvua tatuende wa Nashone, mfumu wa tshisamba tshia bena Yuda.

Ekesode 6:23

Arone uvua musele Elisheba muana wa Aminadabe. Elisheba awu uvua muanabu ne Nashone. Elisheba kulela bana ba balume banayi: Nadabe, Abiku, Elazare ne Itamare.

Dibadika 1:5

Ke mena a bamfumu abu badi ne bua kunuambuluisha: mu tshisamba tshia Rubene: Elishure, muana wa Shedeyure;

Dibadika 1:7

mu tshia Yuda: Nashone, muana wa Aminadabe;

Dibadika 10:5

Pelabu mpungi ne bibingu musangu umue, ntshimanyinu tshia kutuadija luendu. Musangu wa kumpala udibu bela mpungi nanku, bena Izrayele badi basombe luseke ludi diba dipatukila lua ntenta wa kusambakena nebatuadije luendu.

Dibadika 3:38

Moshe ne Arone ne bana bende bavua base mitanda yabu luseke ludi diba dipatukila lua muaba wa tshijila, kumpala kua tshibuelelu tshia muaba awu. Bavua benza mudimu muaba wa tshijila mu dina dia bena Izrayele bonsu. Muntu yonsu uvua musue kuenza mudimu muaba awu, kayi mutuangaji, bavua ne bua kumushipa.

Dibadika 7:12

Bamfumu kufika, balondangane mushindu ewu: Dituku dia kumpala: Nashone, muana wa Aminadabe, wa mu tshisamba tshia bena Yuda. Dituku dibidi: Netaneyele, muana wa Shuware, wa mu tshisamba tshia bena Isakare. Dituku disatu: Eliyabe, muana wa Elone, wa mu tshisamba tshia bena Zebulone. Dituku dinayi: Elishure, muana wa Shedeyure, wa mu tshisamba tshia bena Rubene. Dituku ditanu: Shelumiyele, muana wa Surishadayi, wa mu tshisamba tshia bena Shimeyone. Dituku disambombu: Eliyasafe, muana wa Deyuwele, wa mu tshisamba tshia bena Ngade. Dituku dia muanda mutekete: Elishama, muana wa Amikude, wa mu tshisamba tshia bena Efrayime. Dituku dia muanda mukulu: Ngameliyele, muana wa Pedashure, wa mu tshisamba tshia bena Menashe. Dituku dia tshitema: Abidane, muana wa Ngideyoni, wa mu tshisamba tshia bena Binyamine. Dituku dia dikumi: Akiyezere, muana wa Amishadayi, wa mu tshisamba tshia bena Dane. Dituku dia dikumi ne dimue: Pagiyele, muana wa Okrane, wa mu tshisamba tshia bena Ashere. Dituku dia dikumi ne dibidi: Akira, muana wa Eyinane, wa mu tshisamba tshia Naftali. Milambu ivua mfumu yonsu mufila ivua nunku: — Dilongu disalame dia tshiamu tshitoke tshia mushinga mukole, dikale ne bujitu bua grame 1.300, ne dilongu diondoke dia tshiamu tshitoke tshia mushinga mukole, dikale dia bujitu bua grame 700, bilondeshile tshipimu tshidi muaba wa tshijila (malongu abidi aa, avua ne bukula busambakaja ne mafuta bua mulambu wa bintu bia mu madimi). — Dikopu dimue dia tshiamu tshia mpawungi dia bujitu bua grame 100, diwule ne manananshi a kuosha. — Ngombe mulume umue, mukoku wa tshimpanga umue ne muana wa mukoku umue wa tshidimu tshimue bua milambu ya kuosha. — Mbuji wa mpumbu umue bua mulambu wa dikobolola bantu. — Ngombe ibidi, mikoku ya bimpanga itanu, mbuji ya mpumbu itanu ne bana ba mikoku batanu badi bakumbaja tshidimu tshimue, bua milambu ya bobumue.

Matayi 1:4

Arame kulela Aminadabe. Aminadabe kulela Nashone. Nashone kulela Salmone.

Rute 4:20

Aminadabe kulela Nashone, Nashone kupeta Salma,