Dibadika 2:2 - MUKANDA WA MYIDI MUKULU

² — Bena Izrayele bonsu base mitanda yabu muaba udi tshisumbu tshiabu tshia bena mvita, pa buipi ne dibendela dia tshisamba tshiabu. Mitanda yabu neyinyungulukile ntenta wa kusambakena, kadi mikale mutantshi ne ntenta awu.

Mukanda wa Nzambi Dihungila Dikulukulu ne Dihungila Dihia-dihia 2003

² Muntu ne muntu wa munkatshi mua Bena Isalele nenshimike ntenta wandi hehi ne dibendele diandi, didi ne bimanyinu bia nsubu ya batatuʼabo bifundahu, nebashimike ntenta yabo minyunguluke tshitendelelu mitangile ku tshitendelelu.

Dibadika 2:2 ပူးပေါင်းရင်းမြစ်များ

Misambu 74:4

Bena lukuna bebe bavua bela mbila ya disanka, mu nzubu webe, muaba mene uudi usomba. Bavua bimanyikamu mabendela abu, baleja mudibu batshimune.

Misambu 76:11

Nansha tshiji tshia bantu netshikutumbishe, ne bonsu bikale bapambuke ku tshiji tshiebe, nebakuenzele tshibilu.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 18:3

Kadi nuenu bonsu badi pa buloba, nuenu bonsu badi basa muaba udi bantu, tangila bimpe diba diabandishabu dibendela pa mukuna. Pelabu mpungi, nuteleje bimpe.

Yezekiyele 43:7

Maweja-Nangila kungambila ne: — Muntu, tangila muaba ewu. Ke muaba udi nkuasa wanyi wa bumfumu. Ke muaba undi ndiata makasa anyi. Nenshale muaba ewu munkatshi mua bena Izrayele kashidi. Bena Izrayele, nansha bakalenga babu, kabena mua kupepeja kabidi dina dianyi dia tshijila, ne buenzavi buabu, padibu bajika munemu bitalu bia bakalenga babu.

Zekâya 9:16

Dituku adi, Maweja-Nangila Mvidi Mukulu neasungidile bantu bende, mudi mulami wa mikoku usungidila mikoku yende. Nebakenke bu mabue a mushinga mukole, adi ku tshifulu tshia lumu. Nebele nsese mu ditunga.

Dibadika 1:50

Neubapeshe mudimu wa kulama nzubu wa tshijila, muaba udibu bateke mukanda wa ndondu, bintu bionsu bia kuasa nabi nzubu awu, nansha bintu bia kukuata nabi mudimu mu nzubu awu. Nebambule nzubu awu ne bintu biende bionsu. Nebenze mudimu mu nzubu awu. Kabidi nebase mitanda yabu minyungulule nzubu awu.

Dibadika 10:14

Tshiluilu tshivua ku diyi dia tshisamba tshia Yuda kupita kumpala, bena mvita bambule dibendela diabu. Nashone, muana wa Aminadabe, ke uvua ulombola bena Yuda.

Dibadika 10:18

Pashishe tshiluilu tshivua ku diyi dia tshisamba tshia Rubene kubanga luendu, bena mvita bambula dibendela diabu. Elishure, muana wa Shedeyure, ke uvua ulombola bena Rubene.

Dibadika 10:22

Pashishe tshiluilu tshivua ku diyi dia tshisamba tshia Efrayime kubanga luendu, bena mvita bambula dibendela diabu. Elishama, muana wa Amikude, ke uvua ulombola bena Efrayime.

Dibadika 10:25

Tshiluilu tshivua ku diyi dia tshisamba tshia Dane kulonda muaba wa ndekelu, bena mvita bambula dibendela diabu. Akiyezere, muana wa Amishadayi, ke uvua ulombola bena Dane.

Dibadika 2:1

Maweja-Nangila kuambila Moshe ne Arone ne:

Dibadika 2:10

“Bantu badi ku diyi dia tshisamba tshia Rubene, nebase mitanda yabu ku tshisumbu ku tshisumbu, luseke lua kuinshi kua nzubu wa tshijila, muaba udi dibendela diabu. Bantu badibu babadike bua benze mudimu mu bisumbu bia tshiluilu, nebabalombole kudi mfumu wa tshisamba tshiabu: Mfumu wa bena Rubene: ke Elishure, muana wa Shedeyure, ne bantu bende 46.500; Mfumu wa bena Shimeyone: ke Shelumiyele, muana wa Surishadayi, ne bantu bende 59.300; Mfumu wa bena Ngade: ke Eliyasafe, muana wa Deyuwele ne bantu bende 45.650.

Dibadika 2:3

“Bantu badi ku diyi dia tshisamba tshia Yuda, nebase mitanda ku tshisumbu ku tshisumbu luseke ludi diba dipatukila, muaba udi dibendela diabu. Bantu badibu babadike bua benze mudimu mu bisumbu bia tshiluilu, nebabalombole kudi mfumu wa tshisamba tshiabu: Mfumu wa bena Yuda: ke Nashone, muana wa Aminadabe, ne bantu bende 74.600; Mfumu wa bena Isakare: ke Netaneyele, muana wa Shuware, ne bantu bende 54.400; Mfumu wa bena Zebulone: ke Eliyabe, muana wa Elone, ne bantu bende 57.400.

Dibadika 24:2

Ukenzakana, kumonaye bena Izrayele basomba mu mitanda yabu, ku tshisamba ku tshisamba. Mueyelu wa Mvidi Mukulu kumutulukila.

1 Korente 14:33

Bualu Mvidi Mukulu kena mutubikile bua kusomba mu tshimvundu, kadi amu mu bupole. Bu mudibi bienzeka mu Bisumbu bionsu bia bena ditaba,

1 Korente 14:40

Bionsu bienzeke amu ne kanemu, bilondangane bimpe.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Kolose 2:19

Kena ulamata Kristu, udi mutu. Kristu nkayende udi udisha mubidi mujima, ulamakaja manungu ne mijilu biawu, udiundisha mubidi mudi Mvidi Mukulu musue.

Yoshua 3:4

Ke munudi mua kumanya njila wa kulonda. Katshia kanuvua banji kupitshila muaba ewu to. Kadi kanusemenyi pabuipi ne mushete wa ndondu to. Nuikale bashilangane nawu misangu yonsu, mutantshi wa kilometre bu umue.