Dibadika 2:18 - MUKANDA WA MYIDI MUKULU

^18-23 “Bantu badi ku diyi dia tshisamba tshia Efrayime nebase mitanda yabu ku tshisumbu ku tshisumbu, luseke ludi diba dibuelela, muaba udi dibendela diabu. Bantu badibu babadike bua benze mudimu mu bisumbu bia tshiluilu, nebabalombole kudi mfumu wa tshisamba tshiabu: Mfumu wa bena Efrayime: ke Elishama, muana wa Amikude, ne bantu bende 40.500; Mfumu wa bena Menashe: ke Ngameliyele, muana wa Pedashure, ne bantu bende 32.200; Mfumu wa bena Binyamine: ke Abidane, muana wa Ngideyoni, ne bantu bende 35.400.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nebateke dibendele dia tshitudilu tshia Efelayima ku luseke lua ku wesete ku bisumbu biabo Elishama muana mulume wa Amihuda neikale mukelenge wa bana ba Efelayima

Dibadika 2:18 ပူးပေါင်းရင်းမြစ်များ

Genese 48:5

Yakobe kuamba kabidi ne: — Mpindiewu, ndi ngangata Efrayime ne Menashe, bana bebe baudi mulele, meme tshiyi muanji kufika mu Ejipitu, bua bikale bana banyi meme, amu bu Rubene ne Shimeyone.

Yirmeya 31:9

Badi bapingana badila muadi, kadi meme ndi ngenda nabu, mbasamba. Nembafile ku misulu idi ne mayi mavule. Ndi mbafile mu njila muimpe, udi kayi ne biniina, bua kabayi kudishinda. Bualu meme ndi tatu wa bena Izrayele. Efrayime ke muananyi muanabute.

Dibadika 1:10

mu tshia Efrayime, muana wa Yozefe: Elishama, muana wa Amikude; mu tshia Menashe, muana wa Yozefe: Ngameliyele, muana wa Pedashure;

Dibadika 10:22

Pashishe tshiluilu tshivua ku diyi dia tshisamba tshia Efrayime kubanga luendu, bena mvita bambula dibendela diabu. Elishama, muana wa Amikude, ke uvua ulombola bena Efrayime.

Dielulula 33:17

Yozefe apete lumu! Udi mukole bu ngombe mulume, udi ne nsengu ibidi bu ya nyama wa mbowa, ya kutshimuna nayi bisamba bikuabu, kubipata too ne ku ndekelu wa buloba. Lusengu lumue ke bantu binunu ne binunu ba bena Efrayime, lukuabu ke bantu nkama ne nkama ba bena Menashe.”