Dibadika 19:9 - MUKANDA WA MYIDI MUKULU

⁹ Muntu, udi kayi ne mikiya, neangate butu bua ngombe mukunze awu, abumushe mu mitanda, abuteke muaba udi kauyi ne mikiya. Bena Izrayele nebabulame bimpe, bua bikale benza nabu mayi a tshijila a kumiamina bantu. (Ebi bidi bu mulambu wa kukobolola nawu bantu.)

Mukanda wa Nzambi Dihungila Dikulukulu ne Dihungila Dihia-dihia 2003

⁹ Muntu udi muakane neasangishe butue buonso bua muana wa ngombe, neabuteke ku butshika bua tshitudilu ha muaba mutoke, nebabulamine tshisumbu tshia Bena Isalele bu mai a kulengesha hau bubi eu udi bu mulambu wa kubuikila nʼau bubi.

Dibadika 19:9 ပူးပေါင်းရင်းမြစ်များ

Lewitiki 15:20

Nanku muaba onsu uvua mukaji awu musombe, nansha bulalu buvuaye mulale pawaye ku tshijila tshia bakaji, bidi bipia mikiya.

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Dibadika 19:13

Muntu yonsu udi ulenga tshitalu kayi musue kudikobolola, udi unyanga nzubu wa Maweja-Nangila. Nebamuipate munkatshi mua bena Izrayele. Bu muvuabu kabayi bamumiamine mayi a tshijila, udi amu ne mikiya.

Dibadika 19:17

Nanku bua kumusha mikiya pambidi pa muntu awu, bangate butu bua ngombe uvuabu balambule bua kukobolola nende bantu. Nebele butu abu mu luesu, belamu ne mayi a mpokolu.

Dibadika 19:18

Pashishe muntu, udi kayi ne mikiya, neangate ditamba dia mutshi wa isope, aditue mu mayi adi mu luesu. Neamiamine mayi aa ku ntenta kuvua muntu awu mufuile, ne ku bintu bionsu bidimu, too ne ku bantu bavuamu. Amiamine kabidi muntu uvua mulenge tshitalu, mifuba ya muntu, nansha mulenge pa lukita.

Dibadika 19:3

Numufile kudi mutuangaji Elazare, bua umuke nende mu mitanda, bamukose muminu, yeye mutangile.

Dibadika 19:8

Muntu uvua moshe ngombe awu, neasukule kabidi bilamba biende, wowe mayi. Kadi neashale ne mikiya too ne ku dilolu.

Dibadika 6:12

Muntu awu, neatuadije kabidi kudijidila. Nealambule muana wa mukoku wa tshidimu tshimue bua mulambu wa kudikobolola nawu. Matuku onsu avuaye mumane kudijidila awu, kabena baabale kabidi to, bualu mmamane kunyanguka.

Dibadika 8:7

Newenze nunku: ubamiamine mayi bua kubakobolola nawu. Pashishe bakungule boya bonsu mubidi mujima, basukule bilamba biabu. Nanku kabakuikala kabidi ne mikiya to.

Dibadika 9:13

Kadi pikala muntu kayi muye ku luendu, nansha kayi ne mikiya bua tshitalu tshivuaye mulenge, ulengulula tshibilu tshia Dipita dia Maweja-Nangila dituku dimufundile ku bukole, muntu awu mmuena tshibawu. Numumushe munkatshi mua bena Izrayele, bualu kavua musue kulambula Maweja-Nangila milambu pa diba diayi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Ebrewu 9:13

Mashi a mbuji ya mpumbu, ne a ngombe milume ne butu bua ngombe mukaji moshe, bidibu bamiamina pambidi pa bantu badi ne mikiya, bidi bibumusha mikiya ayi pambidi.