Dibadika 19:3 - MUKANDA WA MYIDI MUKULU

³ Numufile kudi mutuangaji Elazare, bua umuke nende mu mitanda, bamukose muminu, yeye mutangile.

Mukanda wa Nzambi Dihungila Dikulukulu ne Dihungila Dihia-dihia 2003

³ Nenumuhe Eleazâ muakuidi, yeye nealue nʼandi ku butshika bua tshitudilu, nebamushihe ku mesu kuandi,

Dibadika 19:3 ပူးပေါင်းရင်းမြစ်များ

Lewitiki 16:27

Ngombe mulume ne mbuji bivuabu balambula bua kudikobolola, biena mashi avuabu bangate bua kujikija mikiya ya miaba ya tshijila, nebapatuke nabi mu mitanda bua kuosha tshiseba, munyinyi ne bia munda.

Lewitiki 24:14

— Ipatayi muntu awu mu mitanda. Bantu bonsu bavua bumvua nuwuaye ungela nsenda, nebatenteke bianza biabu pa mutu pende. Pashishe bena Izrayele bonsu bamuase mabue, bamushipe.

Lewitiki 4:11

Pashishe bintu bionsu bia ngombe bidi bishale, bu tshiseba, munyinyi, mutu, bikonu, bia munda ne bunyawu bonsu budimu,

Lewitiki 4:12

mutuangaji umuke nabi ku mitanda, aye kubioshila pa nkunyi ya kapia, muaba musunguluke udibu bimansha butu bua ku tshilambuilu.

Lewitiki 4:21

Pashishe bintu bionsu bidi bishale, mutuangaji umuke nabi mu mitanda, aye kubiosha bu mudibu bosha bintu bidi bishale bia ngombe mulume, padibu bakobolola mutuangaji munene. Mulambu ewu mbua kukobolola nawu bena Izrayele, bua Mvidi Mukulu abafuile luse.

Dibadika 15:36

Bena Izrayele kuenza muvua Maweja-Nangila mubambile. Kumukabu ne muntu awu muaba uvua mitanda, kumuasabu mabue, kufuaye.

Dibadika 19:9

Muntu, udi kayi ne mikiya, neangate butu bua ngombe mukunze awu, abumushe mu mitanda, abuteke muaba udi kauyi ne mikiya. Bena Izrayele nebabulame bimpe, bua bikale benza nabu mayi a tshijila a kumiamina bantu. (Ebi bidi bu mulambu wa kukobolola nawu bantu.)

Dibadika 3:4

Kadi Nadabe ne Abiku kufuila mu tshipela tshia Sinayi kumpala kua muaba wa tshijila, kabayi banji kulela bana. Bualu bavua balambule Maweja-Nangila mulambu wa manananshi, avua kaayi a tshijila. Nanku anu bana babidi ba Arone, Elazare ne Itamare, ke bavua bashale bua kuenza mudimu wa butuangaji pamue ne tatuabu.

Dibadika 5:2

— Bantu bonsu badi ne masama a nsudi, masama a tufina tupatuka mu mubidi, nansha bavua balenga bitalu, nubumushe mu mitanda yenu, bualu badi ne mikiya.