Dibadika 19:21 - MUKANDA WA MYIDI MUKULU

²¹ “Bena Izrayele nebakumbaje mikenji eyi kashidi. Muntu yonsu udi umiaminangana mayi a kukobolola awu, neasukule bilamba biende. Muntu mulenge mayi awu, neikale kabidi ne mikiya too ne ku dilolu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Eu newikale mukenji wa tshiendelele kudibo muntu udi umiamine mai a kubalengesha nʼau, neuvuwe bilulu biandi, muntu udi ulenga mai a kubalengesha nʼau tshianza neikale bu muntu udi kayi muakane tô ne ku dilolo.

Dibadika 19:21 ပူးပေါင်းရင်းမြစ်များ

Ekesode 27:21

Mu ntenta wa kusambakena amu, Arone ne bana bende ba balume, batekemu tshitekelu tshia muendu. Tshitekelu tshia muendu atshi, tshikale kumpala kua tshilamba tshidi tshilembeleja bua kujika muaba udi mushete wa ndondu. Miendu ayi, ikale itema butuku ne munya muaba undi meme Maweja-Nangila. Bena Izrayele ne ndelanganyi yabu yonsu, balame mukenji ewu kashidi.

Lewitiki 11:25

Padi muntu wambula nyama ayi mimane kufua, nansha yeye musukule bilamba biende, utshidi amu ne mikiya too ne ku dilolu.

Lewitiki 11:40

Muntu udi udia munyinyi wa nyama awu, nansha yeye musukule bilamba biende, udi amu upia mikiya too ne ku dilolu. Muntu udi wambula nyama awu mufue, nansha yeye musukule bilamba biende, utshidi ne mikiya too ne ku dilolu.

Dibadika 18:23

Bena Levi nkayabu ke badi mua kuenza mudimu mu ntenta wa kusambakena. Bilema bionsu bidibu benzamu, nebibakuate amu bobu. Nulame mukenji ewu kashidi. Bena Levi kabena ne tshiabu tshitupa tshia buloba, bu mudi bisamba bikuabu bia bena Izrayele natshi to.

Dibadika 19:10

Muntu udi wangata butu bua ngombe mukunze awu, neasukule kabidi bilamba biende. Kadi udi ne mikiya too ne ku dilolu. Bena Izrayele ne benyi badi munkatshi muabu, bakumbaje mikenji eyi kashidi.

Dibadika 19:7

Pashishe mutuangaji neasukule bilamba biende, wowe mayi, apingane mu mitanda. Kadi neashale ne mikiya dituku adi dijima too ne ku dilolu.

Dibadika 19:8

Muntu uvua moshe ngombe awu, neasukule kabidi bilamba biende, wowe mayi. Kadi neashale ne mikiya too ne ku dilolu.

Ebrewu 10:4

Bualu mashi a ngombe milume ne a mbuji ya mpumbu kaena mua kujimija mibi.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.