Dibadika 19:2 - MUKANDA WA MYIDI MUKULU

² — Nuambile bena Izrayele ne: nututuadile ngombe mukunze, udi kayi ne bulema, kabidi udibu kabayi banji kuenza nende mudimu.

Mukanda wa Nzambi Dihungila Dikulukulu ne Dihungila Dihia-dihia 2003

² Eu udi mukenji wakuela Yehowa ne, Nuambile Bena Isalele bua bobo balue kûdi ne muana wa ngombe mukunze, udi kayi ne ditoba anyi tshilema, udi kayi muanze kuya muinshi mua mutshi wa tshikokedi.

Dibadika 19:2 ပူးပေါင်းရင်းမြစ်များ

Ekesode 12:5

Muana wa mukoku nansha muana wa mbuji awu ikale wa tshidimu tshimue, kayi ne tshilema pambidi, kabidi anu mulume wa nyama.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Muadi 1:14

Udi mumone bubi bumvua muenze. Budi bu dijita mu tshianza tshiende. Budi bufika too ne mu nshingu muanyi. Maweja-Nangila mmuntekeshe, mmumfile kudi baluishi bandi tshiyi mua kutshimuna.

Lewitiki 1:10

“Padi muena Izrayele ulambula mbuji nansha mukoku bu mulambu wa kuosha, asungule anu mukoku wa tshimpanga, nansha mbuji wa mpumbu udi kayi bulema.

Lewitiki 1:3

“Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Lewitiki 14:6

Pashishe neangate mitshi ya sedre, bilamba bienza ne miosa ya nyama bilaba kakula, mabeji a mutshi wa isope pamue ne nyunyi uvua mushale ne muoyi. Abitue mu mashi adi mu luesu a nyunyi uvuabu bakose muminu.

Dibadika 19:1

Maweja-Nangila kutuma Moshe ne Arone ne:

Dibadika 19:6

Mutuangaji neangate nkunyi ya mutshi wa sedre, ditamba dia mutshi wa isope, ne buanda bua boya bukunze, abiele muiku, muaba udibu boshile ngombe awu.

Dibadika 31:21

Pashishe mutuangaji Elazare kuambila bantu bonsu bavua baye ku mvita mikenji ivua Maweja-Nangila muambile Moshe ne:

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Dielulula 21:3

bua kujadika tshimenga tshidi pabuipi ne tshitalu tshia muntu awu. Bakulu ba mu tshimenga atshi, nebangate muana mukaji wa ngombe, udi kayi muanji kuambula bujitu.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

1 Petro 1:19

Kadi bavua banupikule ku mulambu wa mushinga mukole wa Kristu, uvua bu muana wa mukoku, kayi kalema, kayi katoba.

1 Petro 2:22

Kristu kavua muenze malu mabi. Bantu kabavua bamumvue musangu nansha umue wakula miaku ya dishima.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

1 Samuele 6:7

Nanku mpindiewu, enzayi ditempu dipiadipia. Nuangate nyama ya ngombe ibidi itshidi yamusha bana mabela, kabayi banji kuenza nayi mudimu. Nuyisuike ku ditempu. Kadi nupingaje bana bayi mu tshikumbi.