Dibadika 19:19 - MUKANDA WA MYIDI MUKULU

¹⁹ Mayi a tshijila awu, badi baamiamina muntu udi ne mikiya dituku disatu ne dia muanda mutekete. Bamane kumiamina mayi a dituku dia muanda mutekete, muntu awu neasukule bilamba biende, wowe mayi. Nanku mikiya yende neijike ku dilolu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ mundi utshidi muakane neamiamine mai ha mundi udi kayi muakane dî diku disatu ne dituku dia muanda mutekete, ne halua dituku dia muanda mutekete neamulengeshe, yeye neuvuwe bilulu biandi ne mubidi wandi ne mai, neikale muakane ku dilolo.

Dibadika 19:19 ပူးပေါင်းရင်းမြစ်များ

Genese 2:2

Mvidi Mukulu mumane kujikija mudimu uvuaye muenze, kuikishaye dituku dia muanda muteketa.

Ekesode 19:10

Maweja-Nangila kuambila Moshe ne: — Pingana kudi bantu, ubambile ne: “Lelu ne malaba numushe mikiya, nusukule kabidi bilamba bienu.”

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Lewitiki 14:7

Pashishe amiamine mashi awu pambidi pa muena nsudi misangu muanda mutekete bua kumukobolola, wamba ne: ‘Muntu ewu kena ne mikiya.’ Nenku mutuangaji alekele nyunyi uvua mushale ne muoyi, aye mu tshisuku.

Lewitiki 14:9

Dituku dia muanda mutekete, muena nsudi awu asukule bilamba biende, akungule nsuki, miedi, makiki ne boya buonsu budi pambidi pende. Pashishe wowe mayi. Nanku kena kabidi ne mikiya.

Dibadika 19:12

Kadi bua mikiya ayi kujika, amu yeye mudimiamine mayi a tshijila dituku disatu ne dia muanda mutekete, bua kudikobolola. Pikalaye mulengulule bua kudimiamina mayi a tshijila dituku disatu ne dia muanda mutekete, neashale amu ne mikiya.

Dibadika 19:13

Muntu yonsu udi ulenga tshitalu kayi musue kudikobolola, udi unyanga nzubu wa Maweja-Nangila. Nebamuipate munkatshi mua bena Izrayele. Bu muvuabu kabayi bamumiamine mayi a tshijila, udi amu ne mikiya.

Dibadika 19:18

Pashishe muntu, udi kayi ne mikiya, neangate ditamba dia mutshi wa isope, aditue mu mayi adi mu luesu. Neamiamine mayi aa ku ntenta kuvua muntu awu mufuile, ne ku bintu bionsu bidimu, too ne ku bantu bavuamu. Amiamine kabidi muntu uvua mulenge tshitalu, mifuba ya muntu, nansha mulenge pa lukita.

Dibadika 31:19

Kadi nuenu bonsu bavua bashipe muntu, nansha balenge tshitalu, nushale anu pambelu pa mitanda matuku muanda mutekete. Numushe mikiya yenu dituku disatu ne dia muanda mutekete. Bantu bakaji banuvua bakuate mu bupika benze pabu nanku.

Dibadika 31:24

Dituku dia muanda mutekete, nusukule bilamba bua kumusha mikiya yenu. Pashishe nenupingane mu mitanda, kanuyi kabidi ne mikiya.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

Yuda 1:23

Nubasungidile, nubapatule mu kapia. Bakuabu kabidi nubafuile luse, kadi nubadimukile. Nubenge kashidi ne bilamba biabu mene, bidibu banyange ne bubi buabu.