Dibadika 19:11 - MUKANDA WA MYIDI MUKULU

¹¹ “Padi muntu mulenge tshitalu, udi ushala ne mikiya lumingu lujima.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muntu udi ulenga bianza ha mubidi wa muntu mufue neikale bu muntu udi kayi muakane tô matuku muanda mutekete,

Dibadika 19:11 ပူးပေါင်းရင်းမြစ်များ

Yeshaya 52:11

Nuenu badi bambula malongu, ngesu ne makopu, bua kutendelela nabi Maweja-Nangila, umukayi, umukayi lukasa. Patukayi mu Babilone. Kanulengi tshintu tshibi. Patukayi kanuyi nupia mikiya.

Muadi 4:14

Badi benda babubuta mu njila bu mpofu, mibidi minyanguke ne mashi. Mbakandike bantu bua kulenga nansha ku bilamba biabu.

Yezekiyele 39:12

Bena Izrayele nebikale ne mudimu ngondu muanda mutekete wa kujika bitalu bia bantu aba, ne wa kumusha mikiya mu ditunga.

Yezekiyele 44:26

Padibu bamane kumusha mikiya pambidi pa mutuangaji awu, udi ne bua kuindila kabidi matuku muanda mutekete, bangabanga ne kutuadija mudimu wende.

Lewitiki 11:31

Nanku, numanye ne: tunyama etu tuonsu tudi ne mikiya. Padi tunyama etu tufua, muntu utulenga, neapie mikiya too ne ku dilolu.

Lewitiki 21:1

Maweja-Nangila kuambila Moshe bua amanyishe batuangaji, bana ba Arone, mikenji idi ilonda eyi ne: “Mutuangaji kena ne bua kusemena pabuipi ne tshitalu tshia muntu wa mu diku diabu to. Yeye muenze nanku udi upia mikiya.

Lewitiki 21:11

Kabidi, kena mua kusemena pabuipi ne muntu mulue, nansha yeye tatuende nansha mamuende, bua kavu kupia mikiya.

Lewitiki 22:4

Padi mutuangaji muikale ne disama dia nsudi, nansha muikale ne tufina tupatuka mu mubidi, nansha muikale mulenga muntu udi mupie mikiya bua tshitalu tshivuaye mulenga, nansha mutuangaji mene muele mayi a balume panshi, kena mua kudia bintu bia mulambu wa tshijila udi bena Izrayele bandambula to. Bua kubidiaye, amu muanji kujikija mikiya.

Lewitiki 5:2

“Tuteke tshilejilu tshikuabu: Padi muntu ulenga tshintu kampande tshidi ne mikiya kayi mumanye, bu mudi nyama wa tshisuku mufue, tshimuna nansha tshilandadi tshifue, muntu awu mmuena tshibawu, udi ne mikiya.

Agayi 2:13

Agayi kubakonka kabidi ne: — Tutoke tshilejilu tshikuabu: muntu mulenge tshitalu, udi upia mikiya. Kadi palengaye pashishe tshiakudia, tshiakudia atshi netshikale kabidi ne mikiya anyi? Batuangaji kuitaba ne: — Eyowa.

Dibadika 19:16

Pikala muntu mu mpata, mulenge tshitalu tshia muntu uvuabu bashipe, nansha tshia muntu mudifuile, neikale ne mikiya lumingu lujima, amu bu mudi muntu mulenge mifuba ya muntu, nansha mulenge pa lukita.

Dibadika 31:19

Kadi nuenu bonsu bavua bashipe muntu, nansha balenge tshitalu, nushale anu pambelu pa mitanda matuku muanda mutekete. Numushe mikiya yenu dituku disatu ne dia muanda mutekete. Bantu bakaji banuvua bakuate mu bupika benze pabu nanku.

Dibadika 5:2

— Bantu bonsu badi ne masama a nsudi, masama a tufina tupatuka mu mubidi, nansha bavua balenga bitalu, nubumushe mu mitanda yenu, bualu badi ne mikiya.

Dibadika 6:6

Matuku onsu adiye mudijidile, kena mua kusemena pabuipi ne tshitalu,

Dibadika 9:10

bua kumanyisha bena Izrayele ne: “Bituadije ku lelu, too ne ku ndelanganyi yenu yonsu, pikala bena Izrayele ne mikiya bua tshitalu tshivuabu balenge, nansha bikale ku luendu dituku didibu bangenzela tshibilu tshia Dipita dianyi meme Maweja-Nangila,

Dibadika 9:6

Kadi bantu bakuabu bavua ne mikiya dituku adi bua bitalu bivuabu balenge. Nanku kabavua mua kuenza tshibilu tshia Dipita dia Maweja-Nangila to. Kuyabu kuebeja Moshe ne Arone.

Bienzedi 21:26

Butshia Polu kuya ne bantu banayi abu. Kushalaye nabu, pavuabu badikobolola. Pashishe kubuelaye mu nzubu wa Mvidi Mukulu, bua kumanyisha dituku divuabu ne bua kujikija kudikobolola. Bualu dituku adi bavua ne bua kufila mulambu bua yonsu wa kudibu.

Bienzedi 21:27

Lumingu lua kudikobolola lukavua pa kujika. Ke bena Yuda ba mu Aziya kumona Polu mu nzubu wa Mvidi Mukulu. Kusonsolabu bantu bonsu, kukuatabu Polu,

Rome 5:12

Padi muntu umue, Adame, mubueje bubi pa buloba, kabidi bubi bubueje lufu, nanku lufu ludi lukuata bantu bonsu, bualu bonsu bavua benze malu mabi.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Efeze 2:1

Kale nuvua bafue bua bilema bienu, ne bua mibi yenu.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.