Dibadika 18:9 - MUKANDA WA MYIDI MUKULU

⁹ Ku milambu ya tshijila, bamane kuosha bitupa bidi bianyi, wewe ne ndelanganyi yebe, nenuangate milambu ya bia mu madimi bionsu bidibu bandambula, nyama ya kukobolola nayi bantu, ne nyama ya milambu ya dinua tshibalu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nebikale bintu biebe munkatshi mua bintu biakajidilabo ku kahia milambu yabo yonso, ne ya bukula, ne ya kubuikila nʼai bubi buabo, ne ya kubuikila nʼai kusambuka kuabo kua mikenji, milambu idibo bafila kundi neyikale bu tshintu tshia tshijila kûdi ne kudi bana bebe balume.

Dibadika 18:9 ပူးပေါင်းရင်းမြစ်များ

2 Bakalenga 12:17

Makuta avua bantu bakuabu bafila bua mulambu wa kukobolola, kabavua baela mu mushete to. Bavua baangata kudi batuangaji.

Nehemya 10:36

Tshidimu tshionsu netufile kabidi mu nzubu wa Mvidi Mukulu bintu bia kumpala bia mu madimi, too ne bimuma bia mitshi yetu.

Yezekiyele 42:13

Muntu kungambila ne: — Bibambalu bia luseke lua ku mutu kua nzubu ne bia luseke lua kuinshi kua nzubu, bidi bia tshijila. Batuangaji badi mua kubuela muaba wa tshijila wa Maweja-Nangila, badi badila milambu ya tshijila anu mu bibambalu ebi. Nanku bibambalu ebi bidi bijidila. Badi batekamu milambu ya tshijila menemene: ya biakudia, ne ya nyama ya milambu ya mishindu yonsu idibu bashipa, bua kudikobolola.

Yezekiyele 44:29

Nebadie milambu ne minyinyi ya nyama idibu bafila bua milambu ya kudikobolola. Bintu bionsu bidi bena Izrayele bantekela, mbia batuangaji.

Lewitiki 10:17

— Munyinyi ewu wa mulambu udi Maweja-Nangila munupe, kanuena baudile muaba kampande wa tshijila bua tshinyi? Kanuena bamanye ne: ngwa tshijila menemene anyi? Maweja-Nangila mmunupeshe nyama ewu bua nukobolole bena Izrayele ku malu mabi adibu benza.

Lewitiki 14:13

Akosele muana wa mukoku awu muminu anu muaba wa tshijila, udibu bakosela nyama miminu ya milambu ya kuosha ne ya kukobolola nayi bantu. Nanku, bintu bia mulambu wa kukobolola nawu bantu ne bia mulambu wa dinua tshibalu, nebabiangate kudi mutuangaji, bualu mbintu bia tshijila menemene.

Lewitiki 2:10

Bukula bua ku mulambu budi bushale, babuangate anu kudi Arone ne bana bende ba balume. Bualu ntshitupa tshia tshijila menemene, bualu ntshia ku mulambu uvuabu balambula Maweja-Nangila.

Lewitiki 22:11

Kadi, padi mutuangaji musumbe mupika, nansha bobu balele mupika mu diku diende, mupika awu udi mua kudia biakudia bia tshijila.

Lewitiki 22:7

Padi diba dibuela, mikiya yende yajiki. Nenku, udi mua kudia kabidi bintu bia milambu ya tshijila, bualu mbiakudia bia batuangaji.

Lewitiki 4:22

“Padi mfumu wa bena Izrayele muenze bualu bubi mu mpukapuka budi bubengangana ne mikenji ya Mvidi Mukulu, udi muena tshibawu.

Lewitiki 4:27

“Kadi padi muena musoku muenze bualu bubi mu mpukapuka, budi bubengangana ne mikenji ya Maweja-Nangila, udi amu muena tshibawu.

Lewitiki 5:1

“Padibu babikila muntu kampande kudi balumbuluishi bua kujadika bualu budiye mumvue nansha mumone ne mesu, kadi yeye ubenga bua kujadika bualu abu, mmuena tshibawu.

Lewitiki 5:6

Kadi bua Mvidi Mukulu kumufuila luse ku bubi buvuaye muenze, udi ne bua kulambula Maweja-Nangila dishina dia mukoku nansha dishina dia mbuji. Bidi mulambu wa kudikobolola. Ke mudi mutuangaji mua kukobolola muena tshibawu amu mushindu ewu.

Lewitiki 6:17

Maweja-Nangila kuambila Moshe,

Lewitiki 6:19

Mutuangaji udi ulambula mulambu awu, audile amu muaba wa tshijila mu lubanza lua ntenta wa kusambakena.

Lewitiki 7:1

“Mulambu wa dinua tshibalu badi baulambula mushindu ewu: “Ke mulambu wa tshijila menemene.

Lewitiki 7:6

Nanku anu bantu balume ba mu meku a batuangaji ke badi mua kudia munyinyi wa mulambu awu. Kadi baudile muaba wa tshijila, bualu udi wa tshijila menemene.

Lewitiki 7:7

Mikenji ya mulambu wa dinua tshibalu ne ya mulambu wa kukobolola bantu, idi anu mushindu umue. Nanku amu mutuangaji udi ukobolola muntu ke udi wangata munyinyi awu.

Dibadika 18:10

Nuyidie muaba wa tshijila. Kadi mu meku enu amu bantu balume, bana nansha bakulumpe, badi mua kuyidia, bualu idi ya tshijila.

Dielulula 18:1

Tshisamba tshijima tshia bena Levi nansha batuangaji badi munkatshi muabu, kabena bapeta buloba bua bumpianyi, munkatshi mua bena Izrayele to. Nebapete biakudia anu ku milambu, ne ku bintu bikuabu bidi bantu balambula Maweja-Nangila.