Dibadika 18:8 - MUKANDA WA MYIDI MUKULU

⁸ Maweja-Nangila kuambila Arone ne: — Ndi mukupeshe mudimu wa kutangila milambu yonsu ya tshijila idi bena Izrayele bandambula. Milambu eyi ishale yebe wewe ne ya ndelanganyi yebe kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa wakambila Alona ne, Mona, meme nakakuteka ku mutu kua milambu yanyi idibo banyukula ne bintu bionso bidi Bena Isalele bajila, nakakuha bintu ebi bu tshituha tshia bintu biebe bualu bua kujidila kuebe ne kua bana bebe balume tshiendelele.

Dibadika 18:8 ပူးပေါင်းရင်းမြစ်များ

2 Bakalenga 12:16

Bantu bavua bafuta bena mudimu, bavua benza mudimu awu bimpe. Nanku kabavua babalondesha bua makuta avuabu bangata bua kufuta bena mudimu to.

2 Kulondolola 31:4

Mukalenga Izkiya kutumina bena mu Yerushalayime bonsu diyi, bua bapeshe batuangaji ne bena Levi bintu bionsu bidi bibafundila, bua bamone mua kuenza mudimu wabu anu ne muoyi mujima, bilondeshile mudi mikenji ya Maweja-Nangila yamba.

2 Kulondolola 31:5

Bena Izrayele bonsu bumvue bualu abu, kufilabu biakudia bia bungi bia tshianyi: ntete ya kuenza bukula, maluvu a mvinyo, mafuta, buitshi ne biakudia bikuabu, kabidi ne tshia dikumi tshia bintu bionsu bivuabu nabi.

Ekesode 28:43

Bilamba abi, Arone ne bana bende ba balume babivuale anu padibu babuele mu ntenta wa kusambakena, nansha padibu baye pabuipi ne tshilambuilu tshidi muaba wa tshijila bua mudimu wa butuangaji, nanku butaka buabu kabuakumueneka, kabuena bubakebela lufu to. Arone alame mukenji ewu kashidi ne ndelanganyi yende yonsu.

Ekesode 29:21

Pashishe, wangate mashi makese adi pa tshilambuilu, ne mafuta a tshijila, umiamine Arone ne ku bilamba biende. Umiamine kabidi ne bana bende ba balume ne ku bilamba biabu bionsu, nebikale bia tshijila.

Ekesode 29:28

Nanku, padi bena Izrayele bandambula mulambu wa ditua ndondu, Arone ne ndelanganyi yende nebikale bangata tshiadi ne tshibelu.

Ekesode 29:29

“Pikala Arone mumane kufua, bilamba biende bia tshijila nebabiangate anu kudi ndelanganyi yende. Kadi, nebavuale bilamba abi, anu dituku dia kubajidila ne dia kutuadija mudimu.

Ekesode 40:13

Uvuadike Arone bilamba biende bia tshijila. Umulabe mafuta, umujidile bua angenzele mudimu wa butuangaji.

Ekesode 40:15

Bana ba Arone abu, ubalabe mafuta mushindu uuvua mulabe tatuabu, ubajidile bua bangenzele mudimu wa butuangaji. Mafuta awu, ke adi ajadika ne: badi batuangaji kashidi, bobu ne ndelanganyi yabu yonsu.”

Yeshaya 10:27

Dituku adi, neakumushile bujitu budi bukunemenena pa makaya. Neakupepejile mutshi uuvua wambula nawu bintu bia bujitu pa dikaya diebe. Bena mvita ba bena Ashure badi baya mu Samariya,

Lewitiki 21:10

“Mutuangaji munene udi ku mutu kua batuangaji. Bavua bamujidile, bamuele mafuta a tshijila, dituku divuabu bamubanjije mu muanzu wende. Nenku udi mua kuvuala bilamba bia tshijila. Kadi kena mua kuikala ne nsuki mivuanduluke ku mutu, nansha kupanda bilamba biende.

Lewitiki 23:20

Mutuangaji neandambule nyama ayi, pamue ne bana ba mikoku babidi, pamue kabidi ne mampa. Neabiele mulu abinyukule. Nenku milambu ayi ishale ya mutuangaji, bualu idi ya tshijila.

Lewitiki 6:16

Ku mulambu onsu wa bia mu madimi udi mutuangaji ulambula Maweja-Nangila, kena mua kudia kantu nansha kamue to.”

Lewitiki 6:18

bua amanyishe Arone ne bana bende ba balume ne: “Mikenji idi itangila mulambu wa dikobolola dia bantu, idi nunku: “Bakosele tshimuna atshi muminu kumpala kua Maweja-Nangila, anu muaba udibu bashipela nyama ya milambu ya kuosha. Bualu mulambu ewu ngwa tshijila menemene.

Lewitiki 6:20

Bualu munyinyi wa mulambu wa nanku udi wa tshijila menemene. Tshionsu tshidi tshilenga munyinyi wa mulambu awu netshinyanguke. Padi mashi a nyama awu masampukile ku tshilamba, tshilamba atshi batshisukuile anu muaba wa tshijila.

Lewitiki 7:14

Mutuangaji angate tshintu tshimue tshia ku mulambu ne ku mulambu bua kulambula Maweja-Nangila. Nunku bintu bionsu ebi nebishale bia mutuangaji uvua mumiamine mashi ku tshilambuilu.

Lewitiki 7:28

Maweja-Nangila kuambila Moshe ne: imanyisha kabidi bena Izrayele ne:

Lewitiki 7:6

Nanku anu bantu balume ba mu meku a batuangaji ke badi mua kudia munyinyi wa mulambu awu. Kadi baudile muaba wa tshijila, bualu udi wa tshijila menemene.

Lewitiki 8:30

Moshe kusambakaja mafuta a tshijila mu mashi avua ku tshilambuilu. Kuamiaminaye Arone, ne ku bilamba biende. Pashishe kuamiaminaye kabidi bana bende ba balume, ne ku bilamba biabu. Ke Arone ne bana bende ba balume ne bilamba biabu kushala bia tshijila.

Dibadika 18:9

Ku milambu ya tshijila, bamane kuosha bitupa bidi bianyi, wewe ne ndelanganyi yebe, nenuangate milambu ya bia mu madimi bionsu bidibu bandambula, nyama ya kukobolola nayi bantu, ne nyama ya milambu ya dinua tshibalu.

Dibadika 5:9

Bintu bionsu bidibu bumusha ku mulambu wa tshijila udi bena Izrayele balambula, bidi bintu bia mutuangaji.

1 Korente 9:13

Nudi bamanye bimpe ne: badi benza mudimu mu nzubu wa Mvidi Mukulu, badi bapeta biakudia biabu ku bidi bantu bela mu nzubu amu. Badi balambula milambu pa tshilambuilu, badi bapeta tshiabu tshitupa tshia milambu eyi.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Dielulula 12:6

Muaba awu, ke unudi mua kulambuila bintu bionsu binudi nabi: milambu ya kuosha, ya bobumue, tshia dikumi tshia bintu bia mu madimi, milambu ya budisuile, milambu ya mapiku, too ne ya banabute ba bimuna bienu: ngombe, mikoku ne mbuji.

Dielulula 18:1

Tshisamba tshijima tshia bena Levi nansha batuangaji badi munkatshi muabu, kabena bapeta buloba bua bumpianyi, munkatshi mua bena Izrayele to. Nebapete biakudia anu ku milambu, ne ku bintu bikuabu bidi bantu balambula Maweja-Nangila.

Dielulula 26:13

Pashishe nenuambile Maweja-Nangila Mvidi Mukulu wenu ne: “Maweja-Nangila wanyi, ndi mukumbaje mikenji yebe yonsu. Tshia dikumi tshia biakudia bionsu bimvua nabi, ndi mupeshe bena Levi, bana banshiya, bakaji bakamba, ne benyi badi munkatshi muetu. Ku nzubu kuanyi, tshiena mushale ne tshintu tshiebe nansha tshimue. Tshiena mupue muoyi biuvua mutuambile pa bualu ebu.

Ebrewu 1:9

Udi unanga bidi Mvidi Mukulu musue, ubenga bidiye ubenga. Ke pavua Mvidi Mukulu, Mvidi Mukulu webe mukujidile, mukuele manyi a tshijila a disanka pa mutu, mukusungule anu wewe, mubenge bena mulongu nebe.”

1 Yone 2:20

Kadi nuenu nuvua bapete Mueyelu wa Tshijila, uvua Kristu munupumuine. Ke panudi bonsu bamanye bulelela.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.