Dibadika 18:5 - MUKANDA WA MYIDI MUKULU

⁵ Nuenu nenuenze mudimu muaba wa tshijila, ne ku tshilambuilu. Nanku tshiakufikila kabidi bena Izrayele bonsu munda to.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nuenu nenulame tshitendelelu ne tshioshelu, nunku mulau mukuabo kaukuatshi Bena Isalele.

Dibadika 18:5 ပူးပေါင်းရင်းမြစ်များ

1 Kulondolola 23:24

Eyi ke ndelanganyi ya Levi. Bavua bamfumu ba meku abu. Bavua bafunde mena abu mu mikanda yabu, ku muntu ku muntu. Bobu bamane kukumbaja bidimu makumi abidi, bavua ne bua kuenza mudimu mu nzubu wa Maweja-Nangila.

1 Kulondolola 23:32

Nebalame bimpe ntenta wa kusambakena ne muaba wa tshijila. Bana babu bakuabu ba ku ndelanganyi ya Arone nebashale ne mudimu wa mu nzubu wa Maweja-Nangila.

1 Kulondolola 24:5

Bavua batshinka pa kutapulula tshisumbu tshionsu. Bualu munkatshi mua ndelanganyi ya Elazare ne mua Itamare muvua “balombodi bajidile” ne “balombodi ba Mvidi Mukulu.”

1 Kulondolola 9:19

Shalume, muana wa balume wa Kora, ne muikulu wa Abiyashafe, ne kankanunuina ka Kora, kabidi ne bantu bakuabu ba mu diku dia Kora, bavua ne mudimu wa kulama mushiku wa ntenta wa kusambakena. Ke muvua bankambua babu benza kale mu mitanda ya bantu ba Maweja-Nangila.

1 Kulondolola 9:23

Ndelanganyi yabu ivua amu ne mudimu awu wa kulama ku biibi ne kulama nzubu wa Maweja-Nangila.

1 Kulondolola 9:33

Bamfumu ba meku a bena Levi, bavua bimbi ba misambu, bavua basomba ku nzubu yabu. Kabavua benza munga mudimu to. Bualu bavua bimba munya ne butuku.

Ekesode 27:21

Mu ntenta wa kusambakena amu, Arone ne bana bende ba balume, batekemu tshitekelu tshia muendu. Tshitekelu tshia muendu atshi, tshikale kumpala kua tshilamba tshidi tshilembeleja bua kujika muaba udi mushete wa ndondu. Miendu ayi, ikale itema butuku ne munya muaba undi meme Maweja-Nangila. Bena Izrayele ne ndelanganyi yabu yonsu, balame mukenji ewu kashidi.

Yirmeya 23:15

Maweja-Nangila wa bukole buonsu udi wamba bua bambi ne: “Nembadishe bintu bia bululu, nembanuishe mayi a lulengu ku bukole. Bualu bambi ba mu Yerushalayime badi mpokolu wa malu mabi, adi anyanga ditunga dijima.”

Yezekiyele 44:15

“Batuangaji ba bena Levi ba ku ndelanganyi ya Sadoke, batua balame bimpe mikenji ya muaba wanyi wa tshijila, diba mene ditua bena Izrayele bakuabu bambenge meme Maweja-Nangila. Nanku amu bobu badi mua kungenzela mudimu, kundambula mafuta ne mashi a nyama ya milambu. Meme Maweja-Nangila Mvidi Mukulu ndi ngamba nanku.

Yezekiyele 44:16

Bobu nkayabu nebabuele muaba wanyi wa tshijila, basemena ku tshilambuilu, ne ku mesa a tshijila. Nebalame bimpe mikenji indi mufile bua midimu ya mu nzubu wanyi.

Lewitiki 10:6

Moshe kubikila Elazare ne Itamare, bana ba balume ba Arone, pamue ne Arone mene. Kubambilaye ne: — Kanuteki madilu to. Longololayi nsuki yenu bimpe. Kanupandi bilamba bienu, bu bantu badi mu madilu, bualu nudi mua kufua, kabidi Maweja-Nangila udi mua kufikila bantu bonsu munda. Kadi bena Izrayele bakuabu bonsu bateke madilu bua bantu bavua Maweja-Nangila mushidishe ne kapia.

Lewitiki 24:3

Arone ateke kapia aku mu ntenta wa kusambakena, kumpala kua tshilamba tshidi tshijika mushete wa ndondu. Kapia aku, nekashale katema butuku bujima, kumpala kua Maweja-Nangila. Bena Izrayele ne ndelanganyi yabu yonsu nebalame mukenji ewu kashidi.

Zekâya 10:3

“Balami ba bisamba bikuabu, badi balombola bantu banyi, babakengesha, ndi mubafikile munda; nembanyoke. Eyo, meme Maweja-Nangila wa bukole buonsu, ndi ngamba nanku. Meme nkayanyi nendame mikoku yanyi, tshisamba tshia bena Yuda. Nenye natshi mu mvita, bu kabalu kanyi kadi katshimuna.

Dibadika 1:50

Neubapeshe mudimu wa kulama nzubu wa tshijila, muaba udibu bateke mukanda wa ndondu, bintu bionsu bia kuasa nabi nzubu awu, nansha bintu bia kukuata nabi mudimu mu nzubu awu. Nebambule nzubu awu ne bintu biende bionsu. Nebenze mudimu mu nzubu awu. Kabidi nebase mitanda yabu minyungulule nzubu awu.

Dibadika 1:53

Kadi amu bena Levi, nebase mitanda yabu minyungulule nzubu wa tshijila. Amu bobu nkayabu nebenze mudimu munda mua nzubu awu. Bena Izrayele bakumbaje mikenji eyi, kabakumfikisha munda nansha.”

Dibadika 18:4

Anu bana benu bena Levi nkayabu ke badi mua kunuambuluisha ku midimu yonsu ya mu ntenta wa kusambakena. Muntu mukuabu kena mua kufika pabuipi nenu to.

Dibadika 4:18

— Nulame bena Kekate bimpe bua bashale ne muoyi munkatshi mua bena Levi bakuabu.

Dibadika 8:19

Ndi mubapeshe Arone ne bana bende ba balume bua babambuluishe mu dina dia bena Izrayele bakuabu bonsu. Nebenze mudimu mu ntenta wa kusambakena pa muaba wa bena Izrayele bonsu, bua kukobolola bena Izrayele. Nanku tshiakuikala kabidi ne tshilumbu tshia kunyoka bena Izrayele badi basemena pabuipi ne muaba wa tshijila to.”

Dibadika 8:2

bua ambile Arone ne: — Paudi utemesha miendu muanda mutekete, uyiteke bimpe bua itokeshe kumpala kua tshitekelu tshia miendu.

1 Timote 1:18

Timote wanyi, ndi nkupesha mudimu ewu, bilondeshile miaku ya bambi ivuabu bakule kale bualu buebe. Miaku eyi ikukoleshe mu maboku, bua uluangane mvita mimpe.

1 Timote 3:15

Kadi bu meme munengakane mutantshi, mukanda ewu neukumanyishe bidi bantu ne bua kuenza mu diku dia Mvidi Mukulu, mbuena kuamba ne: mu Tshisumbu tshia bantu badi bitaba Mvidi Mukulu wa muoyi, udi dikunji ne nshindamenu wa bulelela.

1 Timote 5:21

Ndi nkulomba, nkusengelela kumpala kua Mvidi Mukulu, kua Yezu Kristu, ne kua batumibue bende ba tshijila ne: ulame mikenji eyi, kuyi ne kansungasunga mu biudi wenza, kuyi wengeleka muntu, kuyi umukengesha patupu.

1 Timote 6:20

Timote wanyi, lama biakane tshivuabu bakupeshe. Epela biakulakula bia bantu badi baluisha ditaba, badiamba ne: tudi ne dimanya, padibu kabayi bamanye.