Dibadika 18:21 - MUKANDA WA MYIDI MUKULU

²¹ Maweja-Nangila kuamba kabidi ne: — Bena Levi badi bangenzela mudimu mu ntenta wa kusambakena, difutu diabu ke tshia dikumi tshimue tshia bintu bionsu bidi bantu bapeta mu Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Mona, nakuha Bena Lewi tshintu tshia dikumi tshionso tshia mu Isalele bu buhianyi buabo bua mudimu udibo benza mu ntenta wa kusambakena.

Dibadika 18:21 ပူးပေါင်းရင်းမြစ်များ

Genese 14:20

Mvidi Mukulu muena kulu uvua mukuambuluishe bua wewe kutshimuna baluishi bebe atumbe! Abrame kulambula Melkisedeke tshia dikumi tshia bintu biende bionsu bivuaye munyenge mu mvita.

Genese 47:24

Kadi, diba dia kunowa, nufile tshia bitanu tshimue tshia bintu abi kudi mukalenga wa bena Ejipitu. Biakudia bidi bishale mbienu. Nubilame bua maminu. Bikuabu nudie ne bena meku enu bonsu.

Genese 47:26

Yozefe kuela mukenji ne: tshia bitanu tshimue tshia biakudia, ntshia mukalenga wa bena Ejipitu. Mukenji ewu utshidiku too ne lelu. Anu madimi a batuangaji kaavua mu dina dia mukalenga wa bena Ejipitu to.

2 Kulondolola 31:12

bavua bateka misangu yonsu bintu abi, ne milambu mikuabu ya tshijila mu nzubu amu. Kusungulabu Konaniya, muena Levi, bua kuikalaye mulami wa bintu abi. Kusungulabu ne muanabu Shimeyi bua kumuambuluisha.

Nehemya 10:29

Nanku, bantu bonsu kudisangisha nabu ku malaya abu awu. Bantu abu bavua: batuangaji, bena Levi, balami ba biibi, bimbi ba misambu, bena midimu mishilangane ba mu nzubu wa Mvidi Mukulu, kabidi ne tuetu, bakaji betu, bana betu ba balume ne ba bakaji bakavua bakole, bakavua bumvua bivua bienzeka ebi. Tuetu bonsu katuvua babuelakane ne bantu ba bisamba bikuabu bavua bashala mu ditunga, kadi tuvua batumikile mikenji ya Mvidi Mukulu.

Nehemya 10:37

Netulambule kabidi banabute betu, ne banabute ba bimuna bietu mu nzubu wa Mvidi Mukulu. Ke mudi mukenji wamba. Banabute ba nyama ya ngombe, ya mikoku, ne bana ba mbuji yetu, netubifile mu nzubu wa Mvidi Mukulu, tubipesha batuangaji badi benza mudimu mu nzubu amu.

Nehemya 10:38

Nebipeshe kabidi batuangaji bukula buimpe, milambu ya bimuma, ya mvinyo mipiamipia ne ya mafuta. Nebiteke bionsu abi mu bibambalu bidi ku nzubu wa Mvidi Mukulu. Kadi bena Levi, nebapete tshia dikumi tshimue tshia bintu bia mu madimi etu, Bobu nkayabu nebaye kudiangatshila tshia dikumi atshi mu misoku yetu, miaba idi madimi ebi.

Nehemya 12:44

Tshikondu atshi, bavua basungula bantu bua kulama mayeba, miaba ivuabu bateke biakudia bia tshianyi bivua bantu balambule, ne tshia dikumi tshia bintu bia mu madimi. Nanku, bintu bia mu madimi abi, bivua bifume mu madimi avua pabuipi ne bimenga. Bavua babipesha batuangaji ne bena Levi bilondeshile mikenji. Bualu mudimu onsu uvua batuangaji ne bena Levi benza, uvua usankisha bena Yuda bonsu.

Nehemya 12:47

Mu matuku a Zerubabele, nansha a Nehemya, bena Izrayele bavua bafila dituku dionsu kudi bimbi ba misambu ne kudi balami ba biibi bintu bivuabu ne bua kufila. Bavua bapesha kabidi bena Levi milambu ya tshijila. Bena Levi pabu bavua bapesha batuangaji ndelanganyi ya Arone, bintu bivuabu ne bua kupeta.

Nehemya 13:12

Nanku, bena Yuda kufika tshiakabidi ne tshia dikumi tshia ntete ya kuenza bukula, tshia mvinyo mupiamupia, ne tshia mafuta, bua batshiteke mu mayeba avuabu bamane kulongolola.

Nehemya 13:5

mutuangaji Eliyashibe kumulongoluela muaba mu tshibambalu tshinene, tshiyuabu bateka kuonsu eku milambu ya bintu bia mu madimi, musenga wa kamonya, bintu bia kukuata nabi mudimu mu nzubu wa Mvidi Mukulu, bintu bia ku milambu bivua bia batuangaji, ne tshia dikumi tshia ntete ya kuenza bukula, tshia mvinyo mupiamupia, ne tshia mafuta, tshivua bena Levi ne balami ba ku biibi ne bua kupeta.

Malaki 2:4

Diba adi, nenujingulule ne: Meme Maweja-Nangila Mvidi Mukulu ndi munubele, bua kukumbaja ndondu umvua mutue ne Levi, kabidi ne ndelanganyi yende.

Malaki 3:10

Nanku nundambule mu nzubu wanyi tshia dikumi menemene tshia ku midimu inudi nukuata, bua biakudia bikale kashidi mu nzubu muanyi. Pa bualu ebu, nudi mua kunteta meme Mvidi Mukulu wa bukole buonsu, nenumone mundi nnunzuluila mayeba a mu diulu, nnuela lupemba, ndokesha mvula.

Dibadika 18:6

Munkatshi mua bena Izrayele bakuabu, ndi musungule bana benu bena Levi. Badi bantu banyi. Kadi ndi munupeshebu bua benze midimu idi itangila ntenta wa kusambakena.

Dibadika 3:6

— Bikila tshisamba tshia bena Levi. Ubateke ku bumfumu bua mutuangaji Arone, bamuambuluishe.

Dibadika 31:28

Ku bintu bidibu bangate kudi bena mvita bavua mu mvita, pa bantu nkama itanu, nungumushile muntu umue, pa nyama nkama itanu, nungumushile nyama umue: ngombe umue, mpunde umue, mukoku umue ne mbuji umue.

Ngalate 6:6

Muntu udibu balongesha Lumu lua Disanka, udi ne bua kuabanyangana bintu biende ne udi umulongesha.

Dielulula 18:8

Muena Levi awu, neapete biakudia bungi budi bena Levi bakuabu bapeta. Udi mua kulama kabidi bintu bidi bena diku diabu bamutumina, padibu basumbisha bivuaye nabi.

Ebrewu 7:5

Ba ku ndelanganyi ya Levi badi batuangaji, badi ne bukenji bilondeshile mikenji, bua kulomba tshia dikumi tshia bintu bionsu kudi bena Izrayele. Mbuena kuamba ne: badi batshilomba ne kudi bana babu, nansha bobu bikale kabidi ndelanganyi ya Abrahame.