Dibadika 18:13 - MUKANDA WA MYIDI MUKULU

¹³ Bintu bionsu bidi bena Izrayele bandambula bia mu ditunga diabu mbiebe wewe ne bia bena diku diebe bonsu badi kabayi ne mikiya.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Mamuma mimpe a mu buloba buabo buonso adibo bahuola diambedi, adibo halua nʼau kudi Yehowa, neikale mamuma ebe, muntu yonso wa mu nsubu webe udi muakane neadie.

Dibadika 18:13 ပူးပေါင်းရင်းမြစ်များ

2 Bakalenga 4:42

Tshikondu atshi, muntu mukuabu uvua utumina ku Baale-Shalisha. Uvua mutuadile muambi mampa a orje makumi abidi, menza ne bukula bupiabupia. Uvua kabidi ne tshibombi tshia ntete iwaye munowe anu matuku awu. Elisha kuambila muena mudimu wende bua kuabanyina bantu bonsu biakudia abi.

2 Kulondolola 31:5

Bena Izrayele bonsu bumvue bualu abu, kufilabu biakudia bia bungi bia tshianyi: ntete ya kuenza bukula, maluvu a mvinyo, mafuta, buitshi ne biakudia bikuabu, kabidi ne tshia dikumi tshia bintu bionsu bivuabu nabi.

Ekesode 22:29

“Nundambule muanabute wa ngombe yenu, mikoku yenu, mbuji yenu. Muana wa balume wa bimuna abi, neashale kudi mamuende anu matuku muanda mutekete. Dituku dia muanda mukulu numundambule.

Ekesode 23:19

“Bintu bia kumpala binudi nunowa mu madimi enu, nufike nabi mu nzubu wanyi, bualu ndi Maweja-Nangila Mvidi Mukulu wenu. “Panudi nulamba munyinyi wa muana wa mbuji, kanuedimu mabele a mamuende to.

Ekesode 34:26

Bintu bia tshianyi binudi nunowa mu madimi enu, nubilambule mu nzubu wa Maweja-Nangila Mvidi Mukulu wenu. Kadi, panudi nulamba munyinyi wa muana wa mukoku nansha wa muana wa mbuji, kanuedimu mabele a mamuende to.”

Yirmeya 24:2

Bimuma bia mu tshisaka tshia kumpala bivua bimpe bitambe, bivua bu bia ku ntuadijilu bia ku tshikondu tshia kupola bimuma. Bimuma bia mu tshisaka tshibidi bivua bibole, kabayi mua kubidia to.

Yezekiyele 44:30

Batuangaji nebapete biakudia bia tshianyi bia mu madimi, ne bintu bionsu bidi bena Izrayele bantuadila mu nzubu wanyi. Bantu nebapeshe batuangaji bukula buimpe budibu nabu. Nanku, nembele lupemba.

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Lewitiki 22:7

Padi diba dibuela, mikiya yende yajiki. Nenku, udi mua kudia kabidi bintu bia milambu ya tshijila, bualu mbiakudia bia batuangaji.

Lewitiki 23:17

Nenuntuadile mampa abidi a ku nzubu yenu bua kundambula. Diampa dionsu nedikale diosha ne bukula bua kilo isatu, buela buanga. Mulambu awu, newikale wa biakudia bia tshianyi bia ntete.

Mika 7:1

Eyi! Ndi muena diakabi! Ndi bu muntu udi uya kupola bimuma, ku mitshi idibu bamane kupola, bajikija, bu muntu udi uya kukeba tumuma tua mvinyo, bena mudimu bamane kutupola tuonsu. Tshiena musangane nansha kamuma, ku mionji ya mvinyo, nansha ku mutshi wa mfiku. Eku nzala ya kudia tumuma, mvua nayi mipite!

Dielulula 18:4

Nubapeshe kabidi biakudia bia tshianyi bia pa madimi enu: ntete ya kuenza bukula, maluvu a mvinyo, ne mafuta. Nubapeshe kabidi ne miosa inudi nukosa ya mikoku ya kumpala.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.