Dibadika 18:12 - MUKANDA WA MYIDI MUKULU

¹² Ndi nnupesha kabidi biakudia bia tshianyi bia mu madimi, bidi bena Izrayele bandambula: mafuta, maluvu a mvinyo, ne ntete ya kuenza bukula.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bintu bimpe bia manyi ne bia tumuma tukese ne bia manvua ne bia mamuma adibo bahuola diambedi, bintu bionso bidibo bafila kudi Yehowa, nakukuha bintu ebi.

Dibadika 18:12 ပူးပေါင်းရင်းမြစ်များ

Genese 27:28

Mvidi Mukulu akulokeshile dibungi dia mu diulu, akupeshe biakudia bia bungi mu madimi. Akupeshe ntete ya kuenza bukula ne maluvu bivule.

2 Bakalenga 4:42

Tshikondu atshi, muntu mukuabu uvua utumina ku Baale-Shalisha. Uvua mutuadile muambi mampa a orje makumi abidi, menza ne bukula bupiabupia. Uvua kabidi ne tshibombi tshia ntete iwaye munowe anu matuku awu. Elisha kuambila muena mudimu wende bua kuabanyina bantu bonsu biakudia abi.

2 Kulondolola 31:5

Bena Izrayele bonsu bumvue bualu abu, kufilabu biakudia bia bungi bia tshianyi: ntete ya kuenza bukula, maluvu a mvinyo, mafuta, buitshi ne biakudia bikuabu, kabidi ne tshia dikumi tshia bintu bionsu bivuabu nabi.

Misambu 147:14

Maweja-Nangila udi ubueja bupole mu buloba buebe, ukupesha ntete ya kuenza bukula mimpe ya bungi.

Misambu 81:16

Pashishe baluishi ba Maweja-Nangila, nebalekele ditambisha diabu, bena Izrayele nebasombe talalaa too ne tshiendelele.

Ekesode 22:29

“Nundambule muanabute wa ngombe yenu, mikoku yenu, mbuji yenu. Muana wa balume wa bimuna abi, neashale kudi mamuende anu matuku muanda mutekete. Dituku dia muanda mukulu numundambule.

Ekesode 23:19

“Bintu bia kumpala binudi nunowa mu madimi enu, nufike nabi mu nzubu wanyi, bualu ndi Maweja-Nangila Mvidi Mukulu wenu. “Panudi nulamba munyinyi wa muana wa mbuji, kanuedimu mabele a mamuende to.

Ekesode 34:26

Bintu bia tshianyi binudi nunowa mu madimi enu, nubilambule mu nzubu wa Maweja-Nangila Mvidi Mukulu wenu. Kadi, panudi nulamba munyinyi wa muana wa mukoku nansha wa muana wa mbuji, kanuedimu mabele a mamuende to.”

Yezekiyele 44:30

Batuangaji nebapete biakudia bia tshianyi bia mu madimi, ne bintu bionsu bidi bena Izrayele bantuadila mu nzubu wanyi. Bantu nebapeshe batuangaji bukula buimpe budibu nabu. Nanku, nembele lupemba.

Lewitiki 2:12

Kadi panudi nulambula Maweja-Nangila bintu bia tshianyi bia mu madimi enu, nudi mua kuelamu buanga bua mampa ne buitshi, kanuyi nubiosha pa tshilambuilu, bu munudi nuenza ne mulambu udi ne dipembu dimpe didi disankisha Maweja-Nangila.

Lewitiki 2:14

“Padi muena Izrayele ulambula Maweja-Nangila bintu bia tshianyi bia mu budimi buende, abikange, abitue mu tshinu, bangabanga ne kubilambula.

Lewitiki 23:17

Nenuntuadile mampa abidi a ku nzubu yenu bua kundambula. Diampa dionsu nedikale diosha ne bukula bua kilo isatu, buela buanga. Mulambu awu, newikale wa biakudia bia tshianyi bia ntete.

Lewitiki 23:20

Mutuangaji neandambule nyama ayi, pamue ne bana ba mikoku babidi, pamue kabidi ne mampa. Neabiele mulu abinyukule. Nenku milambu ayi ishale ya mutuangaji, bualu idi ya tshijila.

Dielulula 18:3

Nanku padi bena Izrayele balambula Maweja-Nangila milambu ya bobumue ya ngombe, mikoku nansha mbuji, batuangaji nebapete diboku, mbanga ne tshifu.

Dielulula 18:4

Nubapeshe kabidi biakudia bia tshianyi bia pa madimi enu: ntete ya kuenza bukula, maluvu a mvinyo, ne mafuta. Nubapeshe kabidi ne miosa inudi nukosa ya mikoku ya kumpala.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.

Dielulula 32:14

Ngombe ne mikoku kubapesha mabele. Bana ba mikoku, bimpanga bia mafuta ne mbuji ya mpumbu, kubapetesha munyinyi. Kudiabu bukula buimpe butambe, banua ne maluvu a mvinyo, makunze bu mashi.