Dibadika 17:3 - MUKANDA WA MYIDI MUKULU

³ Mbabula ayi, ivua ya bena tshibawu bamane kufua bua buenzavi buabu. Nanku bu mudibu bamane kundambula meme Maweja-Nangila mbabula ayi, nuyifule nuenze nayi bitata bia kubuikila ku tshilambuilu. Bitata abi nebishale tshivulukilu kudi bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

³ Wewe neufunde dina dia Alona ha mulangala wa tshisamba tshia Lewi, bualu bua wewe neusungule mulangala umue kudi muntu ne muntu udi ku mutu kua nsubu ya batatuʼabo.

Dibadika 17:3 ပူးပေါင်းရင်းမြစ်များ

Ekesode 6:16

Levi uvua mulele bana ba balume basatu: Ngershone, Kehate ne Merari. Levi wakushala ne muoyi bidimu lukama ne makumi asatu ne muanda mutekete.

Ekesode 6:20

Amrame uvua musele tatuende mukaji Yokebede. Mukaji ewu kulela Moshe ne Arone. Amrame wakashala ne muoyi bidimu lukama ne makumi asatu ne muanda mutekete.

Yirmeya 42:20

Panuvua bangambile bua kukonka Maweja-Nangila Mvidi Mukulu wenu, panuvua bandombe bua kumutendelela bualu buenu, nuvua nuamba ne: “Utumanyishe bimpe tshionsu tshidi Maweja-Nangila wetu mua kuamba, nentshienze.” Kadi tshikondu atshi nuvua balaye bualu ebu amu ku mishiku patupu.

Yezekiyele 37:16

— Yezekiyele, angata tshitupa tshia dibaya, ufundepu miaku eyi: “Yuda ne bena Izrayele badi mu bukalenga ebu.” Pashishe wangata tshitupa tshia dibaya tshikuabu, ufundepu ne: “Yozefe (nansha Efrayime) ne bena Izrayele ba mu bukalenga ebu.”

Dibadika 17:2

— Ambila mutuangaji Elazare, muana wa Arone, ne: upatule mbabula idi mu kapia, utangalaje makala aye kule! Mbabula eyi nya tshijila.

Dibadika 17:4

Mutuangaji Elazare kuangata mbabula ya tshiamu tshikunze ya bantu bavua Maweja-Nangila muoshe ne muoyi. Kuenzabu nayi bitata bia kubuikila ku tshilambuilu.

Dibadika 18:1

Ke Maweja-Nangila kuambila Arone ne: — Ntelejayi wewe, ndelanganyi yebe ne bana benu bena Levi: bilema bidi bantu benza muaba wa tshijila, nebinutangile nuenu bonsu biangatshile ku lelu. Kadi bilema binudi nuenza mu mudimu wenu wa butuangaji nebitangile anu wewe Arone ne ndelanganyi yebe.

Dibadika 18:7

Kadi wewe Arone ne ndelanganyi yebe, nuenze mudimu wa butuangaji ku tshilambuilu, ne muaba wa tshijila menemene, udi kunyima kua tshilamba tshidi tshilembelela. Meme Maweja-Nangila ndi munupeshe mudimu wa butuangaji ewu. Kadi pikala muntu mukuabu usemena pabuipi nanyi, neafue.

Dibadika 26:10

Dituku adi, buloba kupandika, kubajibikila pamue ne Kora. Dituku adi bena Kora bonsu kubutuka. Kapia kuosha bantu bakuabu nkama ibidi ne makumi atanu. Bualu abu kushala tshivulukilu kudi bena Izrayele.