Dibadika 17:11 - MUKANDA WA MYIDI MUKULU

¹¹ Moshe kuambila Arone ne: — Ambula mbabula webe, welamu makala a ku tshilambuilu. Pashishe, wela musenga wa kamonya pa makala apu. Uye lukasa kudi bena Izrayele bua kubakobolola. Bualu bu mudi Maweja-Nangila mufike munda, kabutu nkamane kutuadija.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mose wakenza nunku bu muakamuambila Yehowa, mbu muakenzeye.

Dibadika 17:11 ပူးပေါင်းရင်းမြစ်များ

2 Kulondolola 19:10

Padi bana benu bandumbulula bafuma mu bimenga bidibu basombe, banulomba meji bua bualu bua dishipangana, nansha bua malu makuabu adi atangila meyi, mikenji ne mikandu, nubumvuije mushindu udibi. Nanku bantu abu, kabakuenzela Maweja-Nangila bibi to. Nuenze mundi munuambile emu bua kanuikadi bena tshibawu.

Lewitiki 16:15

Pashishe neakose muminu wa mbuji wa mpumbu bua mulambu wa kukobolola nawu bantu. Angata mashi a mbuji awu, aye nawu muaba wa tshijila menemene, panyima pa tshilamba tshidi tshilembeleja. Aamiamine pa tshibuikidiji tshia mushete ne kumpala kua mushete, bu nuwuaye muenze ne mashi a ngombe mulume.

Lewitiki 16:16

Padi Arone ufika muaba wa tshijila menemene, udi wenza bionsu bidi bikengela bua kujikija mikiya ivua muaba awu, bua buntomboji ne bubi bua bena Izrayele. Pashishe muaba udi mushale wa ntenta wa kusambakena, Arone neenze anu mushindu umue, bualu ntenta mmuase munkatshi mua bantu badi bapia mikiya.

Dibadika 11:33

Kadi, bena Izrayele kabayi banji kujikija kudia, munyinyi awu mutshikale mukana, Maweja-Nangila kubafikila munda. Kubatuminaye tshipupu tshikole.

Dibadika 17:10

— Umukayi muaba udi bantu aba bimane. Ndi musue kubabutula bonsu amu mpindiewu. Moshe ne Arone kudiela mpala panshi.

Dibadika 17:12

Arone kuenza bivua Moshe mumuambile. Kuyaye kudi bantu, kuvua kabutu kamane kubanga. Kuoshaye musenga wa kamonya bua kubakobolola.