Dibadika 16:9 - MUKANDA WA MYIDI MUKULU

⁹ Padi Maweja-Nangila Mvidi Mukulu wa bena Izrayele munusungule munkatshi mua bena Izrayele bakuabu bua nuenu kusemena pabuipi nende, kuenza mudimu muaba wa tshijila, kuyukila nende mu dina dia bena Izrayele bonsu, ki mbualu bunene budiye munuenzele anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁹ nudi nuelangana meji ne bualu ebu budi bukese bua Nzambi wa Isalele wakamujidila munkatshi mua Bena Isalele, bua nuenu nulue ha buihi nʼandi kumukuatshia mudimu mu nsubu wa Yehowa, ne bua kukuatshila tshisumbu tshonso mudimu kabidi,

Dibadika 16:9 ပူးပေါင်းရင်းမြစ်များ

Genese 30:15

Leya kuandamuna Rakele ne: — Wewe ukadi muangate bayanyi! Udi musue kuangata kabidi bimuma bia mutshi wa dinanga, bidi muananyi muntuadile bua tshinyi? Rakele kuandamuna ne: — Paudi umpesha bimuma abi, Yakobe neikale nebe butuku bua lelu.

2 Samuele 7:19

Kadi wewe Maweja-Nangila, udi mumone ne: bionsu biudi mutuenzele kabiena bianji kukumbana. Nanku, utshidi anu ulaya bena nzubu wanyi, bua kubenzela bimpe. Kabidi udi ummanyisha bionsu ebi, meme muntu patupu.

2 Kulondolola 35:3

Bena Levi bavuabu bajidile bua benzele Maweja-Nangila mudimu ne bua balongeshe bantu, Yoshiya kubambila ne: — Nuteke mushete wa tshijila wa Maweja-Nangila mu nzubu wa Mvidi Mukulu, uvuabu base kudi Shelomu, muana wa Davide, mukalenga wa bena Izrayele. Kanuena mua kuambula kabidi mushete ewu pa makaya enu to. Mpindiewu nuenzele Maweja-Nangila Mvidi Mukulu wenu ne bantu bende bena Izrayele mudimu.

Nehemya 12:44

Tshikondu atshi, bavua basungula bantu bua kulama mayeba, miaba ivuabu bateke biakudia bia tshianyi bivua bantu balambule, ne tshia dikumi tshia bintu bia mu madimi. Nanku, bintu bia mu madimi abi, bivua bifume mu madimi avua pabuipi ne bimenga. Bavua babipesha batuangaji ne bena Levi bilondeshile mikenji. Bualu mudimu onsu uvua batuangaji ne bena Levi benza, uvua usankisha bena Yuda bonsu.

Yeshaya 7:13

Nanku Yeshaya kumuamba ne: — Wewe Akaze ne bena diku diebe, ndelanganyi ya Davide, ntelejayi. Nudi nusuya bantu bikole, nudi basue kusuya kabidi ne Mvidi Mukulu wanyi anyi?

Yezekiyele 34:18

Bavule ba kunudi badi badia bimpe mu mpata milenga. Kadi badi badiata bisosa bidi bishale bua tshinyi? Nudi nupeta mayi mimpe a kunua. Kadi mayi anudi nunua, nudi nuavuandulula ne makasa enu bua tshinyi?

Yezekiyele 44:16

Bobu nkayabu nebabuele muaba wanyi wa tshijila, basemena ku tshilambuilu, ne ku mesa a tshijila. Nebalame bimpe mikenji indi mufile bua midimu ya mu nzubu wanyi.

Dibadika 1:53

Kadi amu bena Levi, nebase mitanda yabu minyungulule nzubu wa tshijila. Amu bobu nkayabu nebenze mudimu munda mua nzubu awu. Bena Izrayele bakumbaje mikenji eyi, kabakumfikisha munda nansha.”

Dibadika 16:13

Udi mumane kutupatula mu Ejipitu muvua biakudia bia bungi, mabele ne buitshi, bua kutufuishila mu tshipela emu! Mpindiewu ukadi uditeka kabidi mfumuetu!

Dibadika 16:8

Pashishe Moshe kuambila kabidi Kora ne: — Nuenu bena Levi telejayi!

Dibadika 3:6

— Bikila tshisamba tshia bena Levi. Ubateke ku bumfumu bua mutuangaji Arone, bamuambuluishe.

Dibadika 3:9

Nanku neupeshe Arone ne bana bende bena Levi, bua babambuluishe muabu muonsu mu dina dia bena Izrayele bakuabu, balame nzubu wa tshijila.

Bienzedi 13:2

Dituku dikuabu, bobu bamane kujila biakudia amue matuku, pavuabu batendelela Mfumu, Mueyelu wa Tshijila kubambila ne: — Kanupeshi Barnabase ne Shawule mudimu mukuabu to. Baye amu kuenza mudimu undi mubabikidile.

1 Korente 4:3

Nuenu kanuena mua kundumbuluisha bua mushindu undi ngenza mudimu wani. Nansha bantu bakuabu bonsu, bakoshi ba nsambu, kabena mua kundumbuluisha. Meme mene tshiena ndilumbuluisha.

Dielulula 10:8

Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.

1 Samuele 18:23

Balombodi ba mu bukalenga bua Shawule kuambila Davide bionsu abi. Kubakonkaye ne: — Bua meme muntu mupele, tshiyi ne tshindi natshi, kushala muku wa mukalenga, nuenu nudi bamone ne: mbualu bukese anyi?