Dibadika 16:7 - MUKANDA WA MYIDI MUKULU

⁷ Malaba nuele makala a kapia ne musenga wa kamonya mu mbabula amu. Nuyiteke kumpala kua Maweja-Nangila. Nenku yeye nkayende neasungule muntu wende wa tshijila. Nuenu bena Levi ke badi bakolesha malu!

Mukanda wa Nzambi Dihungila Dikulukulu ne Dihungila Dihia-dihia 2003

⁷ batekemu kahia, batekehu musenga wa manananshi ku mpala kua Yehowa makelela, ne muntu udi musungudibue kudi Yehowa neikale muntu wa tshijila, nuenu bana balume ba Lewi nudi nutamba kudienzela malu.

Dibadika 16:7 ပူးပေါင်းရင်းမြစ်များ

Misambu 106:16

Mu mitanda muvuabu, kutekelabu Moshe ne Arone, muena mudimu wa tshijila wa Maweja-Nangila lubabu.

Dibadika 16:3

Bantu aba bonsu, kutombokela Moshe ne Arone, kubambila ne: — Nudi nukolesha malu! Tuetu bena Izrayele bonsu tudi bantu ba tshijila. Maweja-Nangila udi munkathi muetu bonsu. Munudi nuditemba, nuditeka kumpala kua bantu bakuabu ba Maweja-Nangila mbishi?

Dibadika 16:5

Kuambilaye Kora ne bonsu bavuaye nabu ne: — Malaba dinda, Maweja-Nangila nkayende neatumanyishe muntu udi wa tshijila, udi mua kusemena pabuipi nende. Nanku, neanyishe bua muntu udiye musungule asemene pabuipi nende.

Dibadika 16:6

Wewe Kora ne bonsu banudi nabu, nuangate mbabula.

Dibadika 16:8

Pashishe Moshe kuambila kabidi Kora ne: — Nuenu bena Levi telejayi!

Efeze 1:4

Mvidi Mukulu ukavua mutunange, kayi muanji kufuka buloba. Ukavua mutusungule bua tuikale bende mu Kristu, tuikale ba tshijila, katuyi ne kalema kumpala kuende. Bu muvua Mvidi Mukulu mutunange,

2 Tesalonike 2:13

Bana hetu, tudi ne bua kuela Mvidi Mukulu tuasakidila, katuyi tupungila, bualu buenu nuenu, badi Mfumu munange. Bualu Mvidi Mukulu mmunusungule, bua nuikale ba kumpala, badi Mueyelu wa Tshijila usungidila. Bualu Mueyelu udi unuenza bantu ba Mvidi Mukulu. Nuenu kabidi nudi nuitaba bulelela.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.