Dibadika 16:13 - MUKANDA WA MYIDI MUKULU

¹³ Udi mumane kutupatula mu Ejipitu muvua biakudia bia bungi, mabele ne buitshi, bua kutufuishila mu tshipela emu! Mpindiewu ukadi uditeka kabidi mfumuetu!

Mukanda wa Nzambi Dihungila Dikulukulu ne Dihungila Dihia-dihia 2003

¹³ bualu budi bukese bua wewe wakumuka nʼetu mu buloba budi bûle tente ne mabele ne buitshi bua kubishiha mu tshihela, udi musue kudibandisha bu mukelenge wetu kabidi, anyi?

Dibadika 16:13 ပူးပေါင်းရင်းမြစ်များ

Ekesode 1:11

Bena Ejipitu kusungula bamfumu ba mudimu bavua ne bua kuenzeja bena Izrayele mudimu mukole bua kubatekesha. Bena Izrayele kuashila Mukalenga wa bena Ejipitu tshimenga tshia Pitome ne tshia Ramsese bua balaminemu bintu biende.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Ekesode 16:3

bamba ne: — Maweja-Nangila uvua mua kutubutuila nansha mu Ejipitu, mutuvua tudia minyinyi ngesu tente ne mampa tuukuta, basombele panshi. Kadi nudi batufikisha mu tshipela emu bua kutubutula ne nzala!

Ekesode 17:3

Kadi bu muvua bantu bonsu bapungila ne nyota, bavua anu banungana, bamba ne: — Udi mutupatule mu Ejipitu bua tuetu kufua nyota ne bana betu ne bimuna bietu bua tshinyi?

Ekesode 2:14

Awu kuandamuna Moshe ne: — Nganyi udi mukuteke bua kutubela ne kutulumbuluisha? Udi musue kunshipa bu muuvua mushipe muena Ejipitu anyi? Moshe kumvua buowa, kudiambila ne: “Bualu ebu bakadi babumanye!”

Ekesode 2:23

Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Yezekiyele 34:18

Bavule ba kunudi badi badia bimpe mu mpata milenga. Kadi badi badiata bisosa bidi bishale bua tshinyi? Nudi nupeta mayi mimpe a kunua. Kadi mayi anudi nunua, nudi nuavuandulula ne makasa enu bua tshinyi?

Dibadika 11:20

Nenuudie ngondu mujima. Neunutonde, unupatukila mu diulu. Ke muanunyokabu, bualu nuvua nudiabakena, nujinga Ejipitu, nulengulula Maweja-Nangila udi munkatshi muenu.”

Dibadika 11:4

Dituku dikuabu bantu benyi ba mishindu yonsu bavua basombe munkatshi mua bena Izrayele kukuatshika lukuka lua munyinyi. Bena Izrayele mene kutuadija kudiabakena, bebejangana ne: “Udi mua kutupesha munyinyi wa tuetu kudia nnganyi?

Dibadika 11:5

Mu Ejipitu tuvua tusanka! Tuvua ne biakudia bipite bungi: mishipa katuyi tusumba, bisekiseki bivule, mawoji, bimuma bia melone, matungulu a mishindu mishilangane ne ndungu.

Dibadika 13:27

Kuambilabu Moshe ne: — Tuafiki mu ditunga diuvua mututume. Didi ne biakudia bia bungi, mabele ne buitshi. Bimuma bia mu ditunga adi mbiebi.

Dibadika 14:2

badiwula Moshe ne Arone, bamba ne: — Bivua bimpe tuetu kufuila mu Ejipitu, nansha mu tshipela emu!

Dibadika 14:3

Maweja-Nangila mmusue kutubueja mu ditunga dia Kenaane bua kutubutula mu mvita anyi? Bakaji betu ne bana nebashale bapika. Mbimpe tupingane mu Ejipitu!

Dibadika 16:12

Pashishe, Moshe kubikidisha Datane ne Abirame, bana ba Eliyabe. Kadi bobu kumuandamuna ne: — Tuabengi!

Luke 19:14

Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”

Bienzedi 7:35

Bena Izrayele bavua babenga Moshe, bamuamba ne: “Udi mukuteke mfumu ne mukoshi wa nsambu yetu nnganyi?” Kadi yeye Moshe, ke muntu uvua Mvidi Mukulu mutume, bua alombole bantu bende, abapikule ku diambuluisha dia mutumibue wende, uvua mumumuenekele mu tshipuka.