Dibadika 15:25 - MUKANDA WA MYIDI MUKULU

²⁵ Nanku, mutuangaji neakobolole bena Izrayele bonsu basange ntete bu pa tshibidilu. Ke Maweja-Nangila kubafuila luse. Bualu bavua batupakane mu mpukapuka, bafila kabidi mulambu wa kuosha ne wa kubakobolola nawu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Muakuidi neafile mulambu wa kubuikidila Bena Isalele bonso bubi, ne bubi buabo nebuikale bubuikidibue, bualu bua bobo bakahanga ne bakalua ne milambu yabo, mulambu wa kuosha ha kahia kudi Yehowa, ne mulambu wa kubuikila hau bubi ku mpala kua Yehowa, bualu bua dihanga diabo;

Dibadika 15:25 ပူးပေါင်းရင်းမြစ်များ

Muambi 5:6

Miaku ya bungi kayena ikumbaja bualu, mudi bilota bivule kabiyi bileja bualu. Nanku enza anu muebe muonsu bua unemeke Mvidi Mukulu.

Lewitiki 15:15

Pashishe mutuangaji udi ulambula nyunyi umue bua mulambu wa kukobolola nawu bantu, ne nyunyi mukuabu bua mulambu wa kuosha. Ke mudi mutuangaji ujikija mikiya ya muntu nanku kumpala kua Maweja-Nangila, bua muntu kashadi ne mikiya ya dipatuka dia tufina.

Lewitiki 4:20

Alambule Maweja-Nangila mulambu awu, anu mushindu uvuaye ulambula ngombe mulume bua kudikobolola. Nanku mutuangaji akobolole bena Izrayele anu mushindu ewu, bua Mvidi Mukulu abafuile luse.

Lewitiki 4:26

Munyinyi wa mafuta onsu udi mushale, mutuangaji awoshe pa tshilambuilu, bu mudibu benza bua mulambu wa bobumue. Nanku mutuangaji akobolole mfumu wa bena Izrayele anu mushindu ewu bua Mvidi Mukulu amufuile luse.

Lewitiki 4:31

Bumushe munyinyi wa mafuta onsu, bu mudibu benza bua mulambu wa bobumue. Mutuangaji awoshe pa tshilambuilu, bualu mmulambu wa dipembu dimpe didi disankisha Maweja-Nangila. Mutuangaji akobolole muena Izrayele awu anu mushindu ewu bua Mvidi Mukulu amufuile luse.

Lewitiki 4:35

Bumushe munyinyi wa mafuta onsu, bu mudibu benza bua mukoku wa mulambu wa bobumue. Mutuangaji awoshe pa tshilambuilu pamue ne milambu mikuabu idibu boshila Maweja-Nangila. Mutuangaji akobolole muena tshibawu awu mushindu ewu bua Mvidi Mukulu amufuile luse.

Luke 23:34

Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Bienzedi 13:39

Muntu yonsu udi umuitaba, neapete dijimija dia mibi yonsu, dinuvua kanuyi mua kupeta kudi mikenji ya Moshe.

Rome 3:25

Mvidi Mukulu uvua mufile Yezu Kristu bu mulambu, bua bantu badi bamuitaba bapete dijimija dia mibi ku lufu luende. Ke muvua Mvidi Mukulu musue kuleja mudiye ubinga: kale uvua ulama lutulu, kayi unyoka bantu bua malu abu mabi.

Dielulula 21:21

Diba adi, bantu bonsu ba mu tshimenga atshi, nebamuase mabue, bamushipa. Pumvua bena Izrayele binudi bamuenzela, nebatshine. Kabakuenza kabidi buenzayi ebu to. Ke munudi mua kujikija buenzayi munkatshi mua bena Izrayele nanku.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Ebrewu 9:7

Kadi amu mutuangaji munene nkayende ke udi ubuela mu ntenta muibidi. Udi ubuelamu amu musangu umue ku tshidimu. Udi uyamu ne mashi a nyama udiye ulambula Mvidi Mukulu bua mibi yende ne bua mibi idi bantu benze mu mpukapuka.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.