Dibadika 15:24 - MUKANDA WA MYIDI MUKULU

²⁴ pikala bantu batupakane nanku mu mpukapuka kabayi bamanye, nebangoshile bonsu pamue ngombe mulume bua mulambu wa kuosha. Nenganyishe mupuya muimpe wawu. Pashishe, nebasakidile kabidi milambu ya tshibidilu ya bukula ne ya maluvu a mvinyo. Nebasakidile kabidi mbuji wa mpumbu bua mulambu wa kukobolola nawu bantu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ bikala bualu buenjibue ku mpukahuka, bantu ba tshisumbu kabayi babumanye, bantu bonso nebafile muana mulume wa ngombe bu mulambu wa kuosha ha kahia bua kutuisha dihembu dimpe kudi Yehowa, ne mulambu wandi wa bukula ne mulambu wandi wa bintu bidibo banua, ne muana mulume wa mbushi bu mulambu wa kubuikila nʼau bubi, bu mudi mukenji wamba.

Dibadika 15:24 ပူးပေါင်းရင်းမြစ်များ

Ezela 6:17

Mu tshibilu atshi, bavua balambula nyama ya ngombe milume lukama, mbuji ya mikoku ya bimpanga nkama ibidi, bana ba mikoku nkama inayi, kabidi ne mbuji ya mpumbu dikumi ne ibidi, mbuji umue uvua mufume ku tshisamba tshionsu tshia bena Yuda, bua Mvidi Mukulu afuile bena Izrayele bonsu luse.

Ezela 8:35

Bonsu, bavuabu baye nabu mu bupika, bamane kupingana, bavua balambula Mvidi Mukulu wa Izrayele milambu ya kuosha mu dina dia bena Izrayele bonsu: nyama ya ngombe milume dikumi ne ibidi, mbuji ya mikoku ya bimpanga makumi tshitema ne isambombu, ne bana ba mikoku makumi muanda mutekete ne muanda mutekete. Bavua balambula kabidi mbuji ya mpumbu dikumi ne ibidi bu mulambu wa kukobolola nawu bantu. Bavua boshila Maweja-Nangila nyama yonsu ayi.

Lewitiki 23:19

“Nenundambule kabidi mbuji wa mpumbu wa kudikobolola nende. Kadi bua mulambu wa bobumue, nenundambule bana ba mikoku babidi, bakadi ne tshidimu tshijima.

Lewitiki 4:2

bua amanyishe bena Izrayele ne: “Padi muntu muenze bualu bubi mu mpukapuka, kayi mulonde mikenji ya Maweja-Nangila, numukobolole nunku:

Lewitiki 4:22

“Padi mfumu wa bena Izrayele muenze bualu bubi mu mpukapuka budi bubengangana ne mikenji ya Mvidi Mukulu, udi muena tshibawu.

Lewitiki 4:23

Padiye umanya bualu bubi buvuaye muenze abu, adikobolole, alambule Maweja-Nangila mbuji wa mpumbu udi kayi bulema.

Lewitiki 5:15

“Padi muntu kampande muenze bualu bubi mu mpukapuka, mupue muoyi bua kulambula milambu ya tshijila idibu balambula Maweja-Nangila, muntu awu, bua kudikobolola udi ne bua kulambula Maweja-Nangila mukoku wa tshimpanga kauyi ne bulema. Ke mulambu wa dinua tshibalu. Mukoku awu wikale wa mushinga mukumbane wa nkanu ya tshiamu tshitoke, bilondeshile tshipimu tshia nkanu tshidibu natshi muaba wa tshijila, bualu mulambu ewu ngua dinua tshibalu.

Lewitiki 5:18

Udi ne bua kuya ne mukoku wa tshimpanga kudi mutuangaji. Mukoku awu wikale kauyi ne bulema, kabidi mukumbane mushinga wa mulambu wa dinua tshibalu. Mutuangaji akobolole muena tshibawu awu anu mushindu ewu, bua Maweja-Nangila amufuile luse bua bubi buvuaye muenze kayi mumanye.

Dibadika 15:26

Nanku, nebafuile bonsu luse, nansha bena Izrayele, nansha benyi badi basombe munkatshi muabu, bualu bonsu nuvua babuelakane mu bualu ebu.

Dibadika 28:15

Nuenu bamane kundambula mulambu wa kuosha wa ku dituku dionsu, ne wa maluvu a mvinyo, nenundambule kabidi mbuji wa mpumbu bua mulambu wa kunukobolola nawu.