Dibadika 15:15 - MUKANDA WA MYIDI MUKULU

¹⁵ Nanku, bantu bonsu basanga ntete, nansha nuenu, nansha benyi badi munkatshi muenu, nulonde anu mikenji eyi, ku ndelanganyi ne ku ndelanganyi. Bualu meme Maweja-Nangila tshiena ne kansungansunga to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bualu bua bantu bonso nebikale ne mukenji umue kunudi ne kudi muenyi udi munkatshi muenu ku bikondo bienu bionso: muenyi neikale bu nuenu ku mesu kua Yehowa.

Dibadika 15:15 ပူးပေါင်းရင်းမြစ်များ

Estere 9:27

Nanku bena Yuda kuanyisha diyi edi, bajadike buabu bobu ne bua ndelanganyi yabu, ne bua bonsu bavua mua kubuela mu tshisumbu tshia bena Yuda, balame diyi edi bimpe. Bavua ne bua kulama bimpe matuku aa abidi a tshibilu tshia ku tshidimu ku tshidimu, bilondeshile muvua Mordekayi mulongolole.

Ekesode 12:14

“Nuenu ne ndelanganyi yenu yonsu nuikale nuvuluka dituku edi. Nungenzele meme Maweja-Nangila tshibilu. Mukenji ewu ushale kashidi.”

Ekesode 12:24

Nuenu ne ndelanganyi yenu yonsu nuikale nuenza bualu ebu kashidi.

Ekesode 12:43

Maweja-Nangila kuambila Moshe ne Arone ne: — Mikenji ya tshibilu tshia Dipita dianyi idi nunku: “Muntu muenyi kena mua kudia biakudia bia Dipita dianyi to.

Ekesode 12:49

“Mikenji eyi idi bua bantu bonsu, benyi ne bena ditunga.”

Ekesode 28:43

Bilamba abi, Arone ne bana bende ba balume babivuale anu padibu babuele mu ntenta wa kusambakena, nansha padibu baye pabuipi ne tshilambuilu tshidi muaba wa tshijila bua mudimu wa butuangaji, nanku butaka buabu kabuakumueneka, kabuena bubakebela lufu to. Arone alame mukenji ewu kashidi ne ndelanganyi yende yonsu.

Lewitiki 24:22

“Mikenji eyi idi bua bantu bonsu, nansha benyi, nansha bena Izrayele. Bualu meme ndi Maweja-Nangila Mvidi Mukulu wenu.”

Dibadika 10:8

“Badi mua kuela mpungi anu kudi batuangaji, bantu ba ku ndelanganyi ya Arone. Ke mikenji inudi ne bua kulama nuenu, ne ndelanganyi yenu kashidi.

Dibadika 15:14

Benyi badi basombe munkatshi muenu matuku makese, nansha benyi bamane kusombamu bidimu bia bungi, balelangane, bapete bikulu mu ditunga dienu, padibu basue kundambula milambu ya mupuya muimpe, balonde bonsu anu mikenji eyi.

Dibadika 15:29

Nanku, muntu yonsu, muena Izrayele nansha muenyi, udi utupakana mu mpukapuka, nebamukobolole anu mushindu umue ewu.

Dibadika 18:8

Maweja-Nangila kuambila Arone ne: — Ndi mukupeshe mudimu wa kutangila milambu yonsu ya tshijila idi bena Izrayele bandambula. Milambu eyi ishale yebe wewe ne ya ndelanganyi yebe kashidi.

Dibadika 9:14

Pikala benyi badi munkatshi muenu basue kungenzela tshibilu tshia Dipita dia Maweja-Nangila, batshienze mudi mikenji ne bibidilu biatshi. Bualu mikenji idi anu mushindu umue bua benyi ne bena ditunga.”

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.

Yoshua 8:33

Bena Izrayele ne bakulu babu, balombodi babu, bakoshi babu ba nsambu, ne benyi bavua munkatshi muabu, bavua bimane ku luseke ne ku luseke lua mushete wa ndondu wa Maweja-Nangila, balulamangane ne batuangaji ba bena Levi bavua bambula mushete wa ndondu awu. Bamue bavua bimane bela nyima ku mukuna wa Ngarizime, bakuabu bela nyima ku mukuna wa Ebale. Moshe ku kale uvua mumane kuamba bua bikale bimane mushindu ewu padibu basue kuela bena Izrayele lupemba.

1 Samuele 30:25

Biangatshile dituku adi, Davide kujadika mikenji eyi. Kushalayi mikenji ivuabena Izrayele bonsu ne bua kukumbaja too ne mpindiewu.